Atir 21:19 - ÎVUKU RÎA ÛVORO MWARO

¹⁹ Kwoguo nîmaaririkanire atî kîrugo Kîam Ngai-Mûnene kîrîa kîthondekagwa wa mwaka wa mwaka kûu Shilo kîrî vakuvî. Shilo îrî mwena wa rûgûrû wa Betheli, na mwena wa îveti wa Lebona. Îrî mwena wa îrathîro wa njîra îrîa yumîte Betheli îthiîte Shekemu.

Atir 21:19 ပူးပေါင်းရင်းမြစ်များ

Thaburi 81:3

Vuvani karumbeta mwanîrîre kîrugo Kîam mweri wacicûka, na kîrugo gîetû vîndî îrîa mweri ûramakia nthinwa.

Alawi 23:10

“Vîndî îrîa mûgaakinya vûrûrirî ûrîa Nie Ngai-Mûnene ngûmûva na mûkethe maketha ma kuo, mûkaavirîra mûthînjîri-Ngai gîkûmbwa kîmwe kuuma kûrî maketha menyu ma mbere.

Alawi 23:2

“Îra andû a Isiraeli, atî ino nîcio irugo cia Ngai-Mûnene irîa ciamûrîtwe ikûngûagîrwe rîrîa magomanîte vamwe nîûndû wa kûgooca.

Alawi 23:34

“Kîrugo gîa tûnyomba gîkambagîrîria mûthenya wa îkûmi na îtano wa mweri wa mûgwanja na gîkathiî na mbere îvinda rîa mîthenya mûgwanja.

Alawi 23:4

Kûngûagîrani irugo ino irûmîrîrîte cia Ngai-Mûnene vîndî yacio yakinya.

Alawi 23:6

Mûthenya wa îkûmi na îtano nîguo mûthenya wa pasaka ya Ngai-Mûnene. Mûtiagîrîrwe nî kûrîa mîgate îrî na ndawa ya kwimbia îvinda rîa mîthenya mûgwanja.

Ndari 10:10

Mîthenya yenyu ya gîkeno, irugo cia mweri ûgîcicûka, na irugo icio ciîngî vuvagani tûrumbeta rîrîa mûkûruta matega ma kûvîvua na matega ma thayû. Tûrumbeta tûu tûgaatûmaga mûririkane Ngai wenyu. Nie nînie Ngai-Mûnene, Ngai wenyu.”

Ndari 28:16

“Kûngûagîrani Pasaka ya Ngai-Mûnene mûthenya wa îkûmi na îna wa mweri wa mbere.

Ndari 28:26

“Mûthenya wa mbere wa vîndî ya kîrugo Kîam maketha, rîrîa mûkethagîrwa mûkîvirîra Ngai-Mûnene matega ma mbere, mûgaacemanagia nîguo mûgooce Ngai-Mûnene na gûtirî wîra mûrito mûkaarutaga.

Ndari 29:12

“Mûthenya wa îkûmi na îtano wa mweri wa mûgwanja, mûgacemanagia nîguo mûgooce Ngai. Mûgaakûngûagîra kîrugo gîa tûnyomba nîûndû wa Ngai-Mûnene îvinda rîa mîthenya mûgwanja mûtakûruta wîra.

Johana 5:1

Vuva wa ûguo, Jesû nîwathiîre Jerusalemu kîrugorî Kîam Ayahudi.

Johana 7:2

Na kîrugo Kîam Ayahudi gîa gwîkara tûnyombarî vîndî ya maketha nîgîakinyire.

Gûco 16:1

“Kûngûagîrani mweri wa Abibu na njîra ya kîrugo Kîam pasaka. Na njîra îno, Ngai-Mûnene Ngai wenyu akaavecagwa gîtîîo. Mweri ûcio nîguo Ngai-Mûnene Ngai wenyu aamûrutire vûrûri wa Misiri ûtukû.

Gûco 16:10

mûcoke mûkûngûîre kîrugo Kîam maketha. Rutagîrani Ngai-Mûnene Ngai wenyu matega ma kwîyendera vîndî ya kîrugo gîkî îrî njîra ya kûmûva gîtîîo, wa mûndû kûringana na ûrîa arathimîtwe.

Gûco 16:13

“Mwarîkia kûvûûra ngano cienyu cionthe na kûviva thavibu, kûngûagîrani kîrugo gîa tûnyomba îvinda rîa mîthenya mûgwanja.

Josh 18:1

Andû onthe a Isiraeli nîmaagomanire Shilo. Nîmaambire îgema rîa kûgoocagîra Ngai-Mûnene kûu Shilo, nîûndû vûrûri ûcio nîmaaûvotete.

Atir 18:31

Mûvuanano ûrîa Mika aathondekete wekarire kuo mîthenya yonthe îrîa îgema rîrîa Ngai aagoocagîrwa rîekarire Shilo.

Atir 21:20

Atongoria acio a gîkundi nîmeerire Aabenjamini atîrî, “Thiîni mûkethithe mîgûndarî ya mîthavibu,

1Sam 1:3

Elikana nîwamenyerete kûthiî aumîte îtûûrarî rîao wa mwaka wa mwaka akathiî Shilo kûgooca, wa vamwe na kûrutîra Ngai-Mûnene mwene vinya wonthe kîgongoona. Kûu Shilo nîkuo anake aîrî a Eli, Hofini na Finehasi maarî athînjîri-Ngai a Ngai-Mûnene.