Atir 20:7 - ÎVUKU RÎA ÛVORO MWARO

⁷ Mue muonthe mûrî ava mûrî Aisiraeli. Twîreni ûrîa twagîrîrwe nî gwîka.”

Atir 20:7 ပူးပေါင်းရင်းမြစ်များ

Nthi 20:18

Caria ûtaaro nîguo mîvango yaku îtuîke mîaro, ndûkambîrîrie mbaara ûtavoete ûkûrû.

Nthi 24:6

Ûngîenda kûrûa mbaara, nwanginya ûgîe na mûvango mwaro, na wa ûrîa ûngîgîa na ataari eengî, nwaguo ûngîgîa na ûvûthû kûvootana.

1Akor 5:1

Rîu kûrî na ûma atî kûrî na wîvia wa kûmenyana kîîmwîrî ûrerîkana gatagatîrî kenyu. Wîvia ûcio nî wa mûthemba mûcûku mûno wana nginya makîria ya wîvia ûrîa wîkagwa gatagatîrî ka andû arîa mataicî Ngai. Nîmbîrîtwe atî mûndû mûrûme nîaramenyana kîîmwîrî na mûka wa îthe.

1Akor 5:6

Mwîtîîo ûcio wenyu tî mwaro! Mue nîkwa mûtaicî atî ndawa nini ya kwimbia mîgate nîimbagia mûtu wonthe ûrîa ûkandîtwe?

Gûco 4:6

Mathîkagîreni na kinyi na mûmavingagie. Ûndû ûyû nîguo ûgaatûmaga mwonwe nî andû a mavûrûri marîa mengî mûrî aûgî na mûrî na ûmenyo mwîngî. Andû megua mawatho mau monthe makaaugaga, ‘Nama andû aya a vûrûri ûyû marî na ûûgî na ûmenyo mwîngî mûno!’

Jakuvu 1:5

Nwatî ethîrwa nîkûrî na mûndû wana ûmwe wa cienyu ûtarî na ûûgî, nîwagîrîrwe nîgwîtia Ngai ûrîa ûvecaga andû onthe arî na ûtaana na ûtugi.

Josh 9:14

Nao atongoria a Isiraeli nîmaamûkîre irio imwe kuuma kûrî andû a Gibeoni. Andû a Isiraeli nîmeetîkîre kûrûtha kîrîkanîro mbere ya gûtuîria ûvoro wakîo kuuma kûrî Ngai-Mûnene.

Atir 19:30

Andû onthe arîa moonire ûndû ûcio maaugaga atîrî, “Tûtianegua kana tûona ûndû ta ûyû wîkîtwe kuuma rîrîa Aisiraeli maaumire Misiri! Nwanginya twîcirieni ûvoro waguo na tûmenye ûrîa tûgwîka.”

Atir 20:8

Nao andû onthe nîmaarûngamire vamwe na makiuga atîrî, “Gûtirî mûndû wanarî ûmwe wa cietû ûkûthiî îgemarî rîake, na gûtirî wanarî mûndû ûmwe ûkwînûka.