Atir 20:47 - ÎVUKU RÎA ÛVORO MWARO

⁴⁷ Nwatî andû magana matandatû (600) nîmaatorokire na makîthiî werûrî nginya îthigarî rîa Rimoni na magîkara kuo îvinda rîa mîeri îna.

Atir 20:47 ပူးပေါင်းရင်းမြစ်များ

Isaia 1:9

Kethîrwa Ngai-Mûnene mwene vinya wonthe ndaatigaria andû anini gatagatîrî getû, tûngîathirirue ta andû a Sodomu na Gomora.

Jeremia 14:7

Nao andû akwa marauga atî: “Wana ethîrwa mevia metû nîmaratûcuka, we Ngai-Mûnene tûtethie nîûndû wa kwenda gwaku, twanagûtiganîria mavinda meengî, nîtûkûvîtîrîtie.

Maca 3:32

wana ethîrwa nîatûmaga twîgue kîeva: ke arî ntha nîûndû wa wendo wake mwîngî ûtathiraga.

Habakuku 3:2

We Ngai-Mûnene nîmbîguîte ûrîa wîkîte, maûndû marîa wîkîte we Ngai-Mûnene nîmatûmîte nîîtigîre. Îka maûndû mau rîngî îvindarî rîîrî rîetû, tûma mamenyekane îvindarî rîetû, ûnarî na marakara ririkana ntha ciaku.

Zakaria 14:10

Vûrûri wonthe nîûkaaraganua kuuma Geba mwena wa rûgûrû kûthiî nginya Rimoni mwena wa îveti wa îtûûra rîa Jerusalemu. Nwatî îtûûra rîa Jerusalemu nîrîgaatûgîrua na rîtigwe rîrûngamîte varîa rîrî kuuma mwîrîgarî wa mûvîrîga wa Benjamini nginya mwîrîgarî wa mbere na kûthiî mwîrîgarî ûrîa ûrî konarî, na kuuma nyombarî îrîa ndaca na îgûrû ya Hananeli kinya kîvivîrorî Kîam ndivei Kîam mûthamaki.

Atir 20:46

Mûthenya ûcio Aabenjamini onthe arîa maaûragirwe arîa maarî njamba maarî athigari ngiri mîrongo îîrî na ithano (25,000).

Atir 20:48

Andû a Isiraeli nîmaacokire kûrî Aabenjamini acio engî na makîmaûraga onthe. Maaûragire arûme, aka na ciana wana ndîthia cionthe. Nîmaavîvirie matûûra monthe marîa maarî kûu.

Atir 21:13

Gîkundi kîonthe Kîam andû nîgîatûmire anjaama mathiî kûrî Aabenjamini arîa maarî îthigarî rîa Rimoni mamavirîre ndûmîrîri ya thayû.