Atir 20:34 - ÎVUKU RÎA ÛVORO MWARO

³⁴ Athigari njamba ngiri îkûmi (10,000) arîa maathuurîtwe kuuma Isiraeli kuonthe nîmaatharîkîre Gibea na mbaara îkîneneva. Andû a Benjamini matiamenyete atî maarî vakuvî kûthirua.

Atir 20:34 ပူးပေါင်းရင်းမြစ်များ

Ayubu 21:13

Matûûraga mûtûûrîre wa thayû, na makucaga matarî na thîna.

Nthi 29:6

Mûndû mûcûku anyitagwa nî mevia make ke mwene, nwatî mûndû mûthingu ainaga arî na gîkeno.

Nthi 4:19

Njîra ya andû arîa aganu nîta nduma ndumanu, magwîcaga na matimenyaga kîrîa kîmavîngaga.

Mûvunjia 9:12

Gûtirî mûndû wicî rîrîa kavinda gake gagaakinya. Nwata ûrîa nthamaki înyitagwa na neti kana ta ûrîa gîconi kînyitagwa nî mûtego wa rîmwe nwaguo andû manyitagwa nî mathîna matakûmenya.

Isaia 47:11

Nwatî nîûkaanyitwa nî maûndû macûku, na ndûkaavota kûmenya kûrîa maumîte. Nîûkaanyitwa nî mathîna, na ndûkaavota kûmathiria, maûndû ma gûkûthiria nîmagaaûka kûrî we wa rîmwe, marîa ûtanamenya ûvoro wamo.

Mathaayo 24:44

Kwoguo mue wa namue nwa nginya mwîkarage mwîvarîrîtie vîndî cionthe, nîûndû Mûrû wa Mûndû agaûka îthaa rîrîa mûkeethîrwa mûtamwîrîgîrîrîte.

Luka 21:34

“Îîmenyerereni! Mûtigetîkîre gûtûmîra mavinda menyu monthe na kûrîa mûno na kûnyua na kûthînîka mûno mûgîîciria mûno ûvoro wîgiî maûndû ma gûkû nthî. Mweka ûguo mûkethîrîrua nî mûthenya ûcio mûtevarîrîtie,

1Ath 5:3

Rîrîa andû makeethîrwa makiugaga, “Tûrî na thayû na tûrî agitîre,” nîmagaacûkangua wa rîmwe wata ûrûrû ûrîa ûkaga kûrî mûndûmûka agîciara. Andû matikaavota kûra.

Josh 8:14

Rîrîa mûthamaki wa Ai oonire athigari a Joshua, nîwaûkîrire na îvenya kîraûko tene arî na athigari ake nîguo makarûe na athigari a Joshua. Mûthamaki wa Ai na andû ake nîmaathiîre merekerete Kîamndarî Kîam Jorodani nîguo makarûe na andû a Isiraeli wa varîa maarûîrîte mbere. Nwatî matiamenyaga atî kwarî na athigari engî a Isiraeli meethithîte vuva wa îtûûra.

Atir 20:35

Ngai-Mûnene nîwavotithirie Aisiraeli kûvoota andû a Benjamini na Aisiraeli makîûraga athigari ngiri mîrongo îîrî na ithano na îgana rîmwe (25,100) a Benjamini mûthenya ûcio.