Atir 20:28 - ÎVUKU RÎA ÛVORO MWARO

²⁸ Nake Finehasi, mûvîcî wa Eliazaru nîke warîmenyagîrîra. Eleazaru aarî mûvîcî wa Aroni. Andû a Isiraeli nîmaaûririe Ngai-Mûnene atîrî, “Nî waro tûthiîte kûrûa na andû etû a Benjamini rîngî, kana twîkare?” Nake Ngai-Mûnene nîwamacokerie atîrî, “Thiîni mûkarûe nao. Rûyû nîngaamûvotithia kûmavoota.”

Atir 20:28 ပူးပေါင်းရင်းမြစ်များ

2Sam 6:3

Nîmaarutire îthandûkû rîa Kîrîkanîro rîa Ngai nyombarî ya Abinadabu îrîa yarî îgûrû rîa kîrîma makîrigîrîra îgûrû rîa gîkaari gîcerû. Nao anake a Abinadabu; Uza na Ahio nîo maathiîre na gîkaari kîu.

2Maû 20:17

Mûtikaavatara kûrûa mbaararî îno. Thiîni mûkeevarîria na mwetere na nîmûkoona Ngai-Mûnene akîmûvootanîra. Mue andû a Juda na a Jerusalemu mûtigetigîre na mûtikegue guoya. Mûkaathiî mûkatharîkîre andû acio na Ngai-Mûnene nîakethîrwa arî vamwe namue!”

Ezira 7:5

Buki aarî mûvîcî wa Abishua, Abishua aarî mûvîcî wa Finehasi. Finehasi aarî mûvîcî wa Eleazaru, Eleazaru aarî mûvîcî wa Aroni ûrîa warî Mûthînjîri-Ngai mûnene.

Ntha 6:25

Eliazaru, ûmwe wa anake a Aroni nîwavikirie mwîrîtu ûmwe wa erîtu a Putieli. Mwîrîtu ûcio nîwaciarire Finehasi. Aya nîo maarî atongoria a nyomba na mîvîrîga ya mbarî ya Lawi.

Jeremia 10:23

Ngai-Mûnene nîmbicî atî mûndû ndarî ûvoti îgûrû rîa mûtûûrîre wake, gûtirî mûndû ûngîvota gûtongoria mûtûûrîre wake.

Gûco 10:8

Vîndî îo, Ngai-Mûnene nîwathuurire andû a mûvîrîga wa Lawi makuuage îthandûkû rîa kîrîkanîro na mamûtungatagîre marî athînjîri-Ngai, na marathimage andû rîîtwarî rîake. Ûguo nîguo mekaga nginya ûmûnthî.

Gûco 18:5

Ngai-Mûnene Ngai wenyu athuurîte andû a mûvîrîga wa Lawi gatagatîrî ka mîvîrîga yonthe ya Isiraeli nîguo matûûre mamûtungatagîra marî athînjîri-Ngai tene na tene.

Josh 22:13

Andû a Isiraeli nîmaacokire magîtûma Finehasi, mûvîcî wa Eleazaru ûrîa warî mûthînjîri-Ngai kûrî andû a mûvîrîga wa Reubeni, Gadi na nuthu ya Manase vûrûrirî wa Gileadi.

Josh 24:33

Eleazaru mûvîcî wa Aroni nîwakwire na akîthikwa Gibea îtûûrarî rîrîa rîrî vûrûrirî ûrîa ûrî irîma wa Efiraimu. Vûrûri ûcio nîguo wagaîrwe Finehasi mûvîcî wa Eleazaru.

Josh 7:7

Joshua nîwaûririe atîrî, “Ûûi, Mwathani Ngai-Mûnene! Watûringirie rûnjî rwa Jorodani nîkî? Watûretire tuonthe nîguo ûtûnenganîre kûrî Aamori matûthirie? Nî kava tûngîekarire mûringo ûrîa wîngî wa rûnjî rwa Jorodani.

Atir 1:2

Nake Ngai-Mûnene nîwamacokerie atîrî, “Mûvîrîga wa Juda nîguo ûkûthiî ûrî wa mbere. Nie nînîmavete ûvootani îgûrû rîa vûrûri ûcio.”

Atir 19:16

Kîvwaî gîakinya, mûthuuri ûmwe nîwavîtûkîrîre vo aumîte wîrarî wake wa mûgûnda. Mûthuuri ûcio aarî wa kuuma vûrûrirî ûrîa ûrî irîma wa Efiraimu, nwatî aatûûraga kûu Gibea. Andû acio engî a îtûûra rîu maarî a mûvîrîga wa Benjamini.

Atir 7:9

Ûtukû wa ûcio Ngai-Mûnene nîwerire Gideoni atîrî, “Ûkîra na ûnyûrûrûke ûkatharîkîre Amidiani, nîngûkûvotithia kûmavoota.

1Sam 14:37

Nake Saûlo nîwaûririe Ngai atîrî, “Nie nîmbagîrîrwe nthiî ngarûe na Afilisiti? We nîûgûtûvotithia kûvootana?” Nwatî Ngai ndaacokeria Saûlo mavoya make mûthenya ûcio.

1Sam 30:8

Nake Daudi nîwaûririe Ngai-Mûnene atîrî, “Nthiî nûmîrîre gîkundi gîkî? Nîngûgîkinyîra?” Nake Ngai-Mûnene nîwacokirie atîrî, “Îî kîrûmîrîre nîûgûgîkinyîrîra na ûvonokie andû arîa atave.”