Atir 20:23 - ÎVUKU RÎA ÛVORO MWARO

²³ Nîmaathiîre vandû varîa vaagoocagîrwa na nîmaarîrîre Ngai-Mûnene nginya kîvwaî. Nîmaamûririe atîrî, “Nî waro tûthiîte kûrûa na andû etû a Benjamini?” Nake Ngai-Mûnene nîwacokirie atîrî, “Îî.” Kwoguo Aisiraeli nîmeeyûmîrîrie na makiga athigari ao varîa maamaigîte mbere.

Atir 20:23 ပူးပေါင်းရင်းမြစ်များ

2Sam 3:35

Mûthenya wonthe andû nîmaaringîrîrie Daudi arîe irio, nwatî Daudi nîwevîtire na akiuga atîrî, “Ngai arombûraga ethîrwa nîngûrîa kîndû mbere ya gûtuke!”

Hosea 5:15

Nîngaacoka gîkarorî gîakwa na nîmetheme, nginya rîrîa makavera mevia mao na manjokerere. Mathîna mao nîmagaatûma manjarie makiugaga:

Josh 7:6

Joshua na atongoria a Isiraeli nîmaatembûrangire nguo ciao marî na kîeva na nîmegwîthirie nthî mbere ya îthandûkû rîa kîrîkanîro Kîam Ngai-Mûnene. Nao nîmeeminjîrie rûkûngû na nîmeekarire vo nginya kîvwaî.

Josh 7:7

Joshua nîwaûririe atîrî, “Ûûi, Mwathani Ngai-Mûnene! Watûringirie rûnjî rwa Jorodani nîkî? Watûretire tuonthe nîguo ûtûnenganîre kûrî Aamori matûthirie? Nî kava tûngîekarire mûringo ûrîa wîngî wa rûnjî rwa Jorodani.

Atir 1:1

Vuva wa Joshua gûkua, Aisiraeli nîmaaûririe Ngai-Mûnene atîrî, “Gatagatîrî ka mîvîrîga yetû-î nî mûvîrîga ûrîkû ûkwîthîrwa ûrî wa mbere kûthiî kûrûa na Akanaani?”

Atir 20:18

Aisiraeli nîmaathiîre Betheli na makîûria Ngai atîrî, “Nî andû a mûvîrîga ûrîkû makûthiî kûtharîkîra Aabenjamini marî a mbere?” Nake Ngai-Mûnene nîwacokirie atîrî, “Nî andû a mûvîrîga wa Juda makwambîrîria.”

Atir 20:22

Nwatî Aisiraeli nîmeeyûmîrîrie na makîîvanga rîngî wa varîa meevangîte mbere nîguo makarûe.

Atir 20:24

Kwoguo Aisiraeli nîmaakuvîvîrie andû a Benjamini riita rîa kaîrî.

Atir 21:2

Kwoguo andû a Isiraeli nîmaathiîre Betheli na magîkara mbere ya Ngai nginya kîvwaî. Nîmaarîrire maugîrîrîtie marî na kîeva kîngî mûno makiugaga atîrî,

1Sam 10:3

Nawe wathiîcathiîca na mbere kuuma vau, nîûkwona mûtî mûtheru wa Taboru. Vau nîvo ûgaatûngana na arûme athatû maunûkîtie mathiîte Betheli kûrutîra Ngai Kîgongoona. Ûmwe wao akethîrwa athiîte atongoreretie twori tûthatû, nake wîngî akethîrwa akuuîte mîgate îthatû, nake mûndû mûrûme wa kathatû akethîrwa akuuîte mbooro îcûrîte ndivei taka.

1Sam 11:4

Na rîrîa anjaama acio maakinyire kûu Gibea, kûrîa Saûlo aatûûraga na makîva andû ûvoro ûcio, andû onthe nîkwa maambîrîrie kûrîra nîûndû wa kîeva.

1Sam 7:6

Kwoguo nîmaacemanirie kûu Mizipa. O nîmaatavire manjî na makîmetûrûra kîrî ta kîveo kûrî Ngai-Mûnene na makîînyerekia mûthenya ûcio wonthe. Nao nîmaaugire atîrî, “Tue nîtwîvîrîtie Ngai-Mûnene.” (Nake Samueli aacirithagîria andû a Isiraeli kûu Mizipa.)