Atir 20:16 - ÎVUKU RÎA ÛVORO MWARO

¹⁶ Gatagatî ka andû acio kwarî na andû magana mûgwanja (700), wa mûndû ûngîavotaga gwikia kathiga na gîkûtha gakaringa vandû varî na wariî ta wa rûcuîrî na ndangîvîtia.

Atir 20:16 ပူးပေါင်းရင်းမြစ်များ

1Maû 12:2

Nîmaicî gûtûmîra ûta na nîmangîakagia mîguî na magaikia mathiga na gîkûtha na njara ya ûrîo kana ya ûmotho. Arûme acio maarî a kuuma mûvîrîgarî wa Benjamini na maarî a mbarî ya Saûlo.

2Maû 26:14

Mûthamaki Uzia nîwarûthithîrie athigari ake onthe a mbaara ngo, matumû, ngovia cia kûgitîra ciongo, tûvuti, mota na mathiga ma ikûtha.

Atir 20:17

Andû acio engî a mîvîrîga ya Isiraeli arîa maathomithîtue kûrûa maarî ngiri magana mana (400,000).

Atir 3:15

Nwatî rîrîa Aisiraeli maarîrîre Ngai-Mûnene, Ngai-Mûnene nîwamatûmîre mûndû wetagwa Ehudi nîguo amavonokie. Ehudi aarî mûvîcî wa Gera, Mûbenjamini na aarî wa njara ya ûmotho. Andû a Isiraeli nîmaanenganîre iveo kûrî Ehudi nîguo avirîre Egiloni mûthamaki wa Moabu.

1Sam 17:40

Nîwacokire agîoca mûragi ûrîa aarîthagia ng'ondu naguo, akîthuura tûthiga tûtano tûnyoroku kuuma karûnjîrî na agîtwîkîra kamûvukorî gake, akînyita gîkûtha gîake na njara na agîkuvîvîria Goliathu.

1Sam 25:29

Mûndû wa wonthe agaakûtharîkîra na agerie gûkûraga, Ngai-Mûnene nîagaakûgitîra wata ûrîa mûndû agitagîra mûthithû wake wa goro. Nacio nthû ciaku nîagaacikia wata ûrîa mûndû aikagia mathiga na gîkûtha.