Atir 20:1 - ÎVUKU RÎA ÛVORO MWARO

¹ Andû onthe a Isiraeli kuuma Dani mwena wa rûgûrû nginya Berisheba mwena wa îveti, vamwe na a kuuma vûrûrirî wa Gileadi mwena wa îrathîro, nîmaagomanire vamwe mbere ya Ngai-Mûnene marî gîkundi kîmwe kûu Mizipa.

Atir 20:1 ပူးပေါင်းရင်းမြစ်များ

2Sam 19:14

Ciugo icio cia Daudi nîciakenirie andû onthe a Juda. Nao nîmaamûtûmanîre acoke vamwe na ndungata ciake cionthe.

2Sam 2:9

Nao marî kûu, Abineri nîwatuire Ishiboshethu mûthamaki wa mavûrûri ma Gileadi, Aashuri, Jezireeli, Efiraimu, Benjamini na Isiraeli kuonthe.

2Sam 24:2

Kwoguo mûthamaki Daudi nîwerire Joabu ûrîa warî mûnene wa athigari ake a mbaara atîrî, “Thiîni mîvîrîgarî yonthe ya Isiraeli kuuma mûthiia ûmwe nginya ûrîa wîngî mûrî na anene aku a athigari a mbaara mûgîtaraga andû. Nîngwenda kûmenya ûrîa megana.”

1Atha 5:5

Kwoguo rîu nîrenda gûtumîra Ngai-Mûnene, Ngai wakwa hekarû, wata ûrîa Ngai-Mûnene eerîre vava Daudi atî, ‘Mûvîcîguo, ûrîa ngeekarîria gîtî Kîam ûthamaki vuva waku nîke ûkandumîra hekarû.’

2Atha 25:23

Rîrîa anene onthe a athigari a mbaara meegwire atî Nebukadinezarû nîwathuura Gedalia atuîke mûthamaki, nîmaathiîre kûrî Gedalia kûu Mizipa. Anene acio maarî: Ishumaeli mûvîcî wa Nethania, Johanani mûvîcî wa Karea, na Seraia mûvîcî wa Tanihumethi wa kuuma Tofathi, na Jazania mûvîcî wa mûndû wa kuuma Maaka.

1Maû 21:2

Kwoguo Daudi nîwerire Joabu na anene acio engî atîrî, “Thiîni mûgatare Aisiraeli, kuuma Beeri-shiba nginya Dani nîûndû nîngwenda kûmenya ûrîa megana.”

2Maû 30:5

Kwoguo nîmaanîrîre Isiraeli kuonthe kuuma Beerisheba nginya Dani mathiî Jerusalemu magakûngûîre pasaka ya Ngai-Mûnene, Ngai wa Isiraeli. Andû nîmeekarîte îvinda îraca matakûngûîrîte pasaka marî eengî kûringana na ûrîa watho ugîte.

Ezira 3:1

Mwerirî wa mûgwanja andû a Isiraeli onthe maarî matûûrarî mao. Kwoguo onthe nîmaacokire makîgomana vamwe kûu Jerusalemu.

Nehemia 11:27

Hazarishuali, na Beerisheba wa vamwe na icagi irîa ciamathiûrûrûkîrîtie.

Nehemia 8:1

Andû onthe a Isiraeli nîmaagomanire vamwe kîvarorî vakuvî na Kîvingo Kîam Manjî. Nao nîmaaûririe Ezira ûrîa warî mwandîki arete îvuku rîa Watho wa Musa ûrîa Ngai aaveete andû a Isiraeli.

Jeremia 40:6

Jeremia nîwacokire akîthiî Mizipa kûrî Gedalia mûvîcî wa Ahikamu na magîkara nake vamwe na andû arîa maatigirwe kûu vûrûrirî.

Ndari 32:1

Andû a mûvîrîga wa Reubeni na wa Gadi maarî na ndîthia nyîngî mûno. Rîrîa moonire vûrûri wa Jazeri na vûrûri wa Gileadi warî na kûndû kwaro kwa ndîthia ciao,

Ndari 32:40

Kwoguo Musa nîwavere andû a mûvîrîga wa Makiru vûrûri wa Gileadi na magîtûûra kuo.

Josh 15:38

Dileani, Mizipa, Jokitheeli,

Josh 17:1

Josefu aarî na avîcî aîrî, Manase na Efiraimu. Manase nîke warî îrikithathi rîa Josefu. Îrikithathi rîa Manase rîarî mwanake wetagwa Makiru na aarî njamba ya mbaara. Makiru aarî îthe wa Gileadi. Kwoguo Gileadi na Bashani, mavûrûri marîa marî mwena wa îrathîro rîa Jorodani nîmaagaîrwe Makiru.

Josh 18:26

Mizipa, Kefira, Moza,

Josh 22:12

Vîndî îrîa andû a Isiraeli megwire ûvoro ûcio, onthe nîmaagomanire vamwe kûu Shilo, nîguo makarûe na mîvîrîga îo îngî ya mwena wa îrathîro.

Josh 22:9

Kwoguo andû a mûvîrîga wa Reubeni, Gadi na nuthu ya mûvîrîga wa Manase mwena wa îrathîro, nîmaatigire andû acio engî a Isiraeli kûu Shilo vûrûrirî wa Kanaani makîthiî kwao vûrûrirî wa Gileadi. Vûrûri ûcio nîguo megwatîre wata ûrîa Ngai-Mûnene aathanîte kûvîtûkîra kûrî Musa.

Josh 4:13

Andû ta ngiri mîrongo îna (40,000) mevarîrîtie nîûndû wa mbaara nîmaavîtûkîre methorî ma Ngai-Mûnene na makîthiî vandû varaganu vakuvî na Jeriko.

Atir 10:17

Aamoni nîmaaûnganire na makîamba magema mao kûu Gileadi. Nao andû a Isiraeli makîûngana na makîamba magema kûu Mizipa îrîa îrî Gileadi.

Atir 11:11

Kwoguo Jefitha nîwathiîre marî na athuuri acio a Gileadi, na andû nîmaamûtuire mûtongoria na mûthamaki wao. Jefitha nîwaririe maûndû monthe marîa aarî namo kûu Mizipa arî mbere ya Ngai-Mûnene.

Atir 11:34

Rîrîa Jefitha aacokire mûciî kûu Mizipa, mwarî nîwaumire nja na akîthiî kûmûtûnga akîinagia akîvûraga tamburini. Nîke warî mwana wake wenga, ndaarî na mwana wîngî wa kavîcî kana wa kerîtu.

Atir 18:29

Nîmaagarûrire rîîtwa rîa îtûûra rîu rîa Laishi na makîrîîta Dani. Maarîtanirie na îthe wao wa tene Dani ûrîa warî mûvîcî wa Jakovu.

Atir 20:11

Kwoguo andû onthe a Isiraeli nîmaagomanire marî kîndû kîmwe nîguo matharîkîre îtûûra rîu.

Atir 20:18

Aisiraeli nîmaathiîre Betheli na makîûria Ngai atîrî, “Nî andû a mûvîrîga ûrîkû makûthiî kûtharîkîra Aabenjamini marî a mbere?” Nake Ngai-Mûnene nîwacokirie atîrî, “Nî andû a mûvîrîga wa Juda makwambîrîria.”

Atir 20:2

Atongoria a mîvîrîga yonthe ya Isiraeli maarî vau mûcemaniorî ûcio wa andû a Ngai, na kwarî na athigari ngiri magana mana (400,000) arîa maathiîcaga na magûrû.

Atir 20:26

Andû onthe a Isiraeli nîmaacokire makîthiî Betheli na magîcakaîra kuo. Nîmeekarire mbere ya Ngai-Mûnene kuo na makîînyerekia nginya kîvwaî na nîmaarutîre Ngai-Mûnene magongoona ma kûvîvua na ma thayû.

Atir 20:8

Nao andû onthe nîmaarûngamire vamwe na makiuga atîrî, “Gûtirî mûndû wanarî ûmwe wa cietû ûkûthiî îgemarî rîake, na gûtirî wanarî mûndû ûmwe ûkwînûka.

Atir 21:5

Nîmaacokire makîûrania atîrî, “Gatagatîrî ka mîvîrîga yonthe ya Isiraeli nî mûvîrîga ûrîkû ûtaathiî mbere ya Ngai-Mûnene kûu Mizipa?” (Nîmeevîtîte makauga atî mûndû ûrîa ûtakaathiî mbere ya Ngai-Mûnene kûu Mizipa nîkwa akaaûragwa.)

1Sam 10:17

Nake Samueli nîwetire andû na akîmeera mathiî matûngane kîgongoonarî Kîam Ngai-Mûnene kûu Mizipa,

1Sam 3:20

Nao andû a Isiraeli, kuuma Dani nginya Berishiba nîmaamenyire atî, na ma Samueli aarî mûrathi wa Ngai-Mûnene.