Atir 2:18 - ÎVUKU RÎA ÛVORO MWARO

¹⁸ Vîndî îrîa Ngai-Mûnene ava Aisiraeli mûtongoria, Ngai-Mûnene nîwatethagia mûtongoria ûcio na nîwavonokagia Aisiraeli kuuma kûrî nthû ciao vîndî cionthe rîrîa mûtongoria ûcio ethagîrwa arî mwoyo. Ngai-Mûnene nîwegucagîra Aisiraeli ntha, nîûndû wa mathîna ma andû arîa maamavinyagîrîria.

Atir 2:18 ပူးပေါင်းရင်းမြစ်များ

Kîam 6:6

Ngai-Mûnene nîweririre nîûndû wa kûmba andû na kûmaiga gûkû nthî. Nîweririre mûno ngororî yake na

2Atha 13:4

Jehoahazi nîwacokire akîvoya Ngai-Mûnene. Nake Ngai-Mûnene nîwegwire mavoya make, nîûndû nîwonire ûrîa mûthamaki wa Sîria aavinyîrîrîtie andû a Isiraeli.

Thaburi 12:5

Nwatî Ngai-Mûnene augîte atîrî, “Nîûndû andû arîa athîni nîavinyîrîrie, na andû arîa manyamaragua nî maracaa, nîngûmava ûgitîri ûrîa meriragîria.”

Thaburi 90:13

We Ngai-Mûnene, nîwîkara ûrakarîte nîtue nginya rî? Coka na ûtwîguîre ntha, tue ndungata ciaku.

Ntha 2:24

ûrîa macaaga nîwaririkanire kîrîkanîro gîake na Iburahimu, Isaka, na Jakovu.

Ntha 3:12

Ngai nîwacokerie Musa atîrî; “Ngethagîrwa nîrî nawe, na waruta andû a Isiraeli kuuma Misiri nîmûkaangooca mûrî kîrîmarî gîkî. Kîu nîkîo gîgaatuîka kîmenyithia atî nie nîngûtûmîte.”

Ntha 32:14

Kwoguo Ngai-Mûnene nîwagarûrire meciria make na ndaaretera andû ake mûthiro ûrîa endeete kûmaretera.

Hosea 11:8

We Efiraumu, nîngîgûtiganîria atîa? We Isiraeli nîngîgûta atîa? Nîngîgûtua ta îtûûra rîa Adama atîa? Kana ngwîke ta îtûûra rîa Zeboimu! Nîregua ngoro yakwa îkîngiria, wendo wakwa kûrî we nî mwîngî mûno.

Jona 3:10

Rîrîa Ngai oonire ûrîa meekire na ûrîa maatiganire na ciîko ciao cia waganu, nîwericûkirwe na ndaamaverithia ta ûrîa aaugîte nîagwîka.

Ndari 10:9

Vîndî îrîa mûrarûa na nthû yenyu îrîa îmûthithûkîrîte kûu vûrûrirî wenyu, vuvagani tûrumbeta na vinya mûno. Nie Ngai-Mûnene Ngai wenyu, nîngaamûtethia na nîmûvonokie kuuma kûrî nthû cienyu.

Gûco 32:36

Ngai-Mûnene nîakaarekereria andû ake, rîrîa akoona vinya wao wathira. Nîakeeguîra ntha andû onthe a Isiraeli, na gûtirî Mûisiraeli ûkeethîrwa atigarîte arî mwoyo, arî ngombo kana atarî ngombo.

Josh 1:5

Gûtirî mûndû ûgaakûvoota vîndî îrîa yonthe ûgûtûûra mwoyo. Ngethagîrwa nîrî nawe ta ûrîa nethagîrwa nîrî na Musa. Ndigaagûtiganîria.

Atir 10:16

Kwoguo nîmaatere ngai icio maarî nacio na magîtungatîra Ngai-Mûnene. Nake Ngai-Mûnene nîwegwire ntha nîûndû wa ûrîa Aisiraeli maanyarirîkîte.

Atir 11:32

Kwoguo Jefitha nîwaringire rûnjî athiîte kûrûa na Aamoni, nake Ngai-Mûnene nîwamûvotithirie kûmavoota.

Atir 2:19

Nwatî rîrîa mûtongoria akua, andû nîmaacokaga gwîka maûndû macûku wana gûkîra marîa methe ma tene meekaga. Nîmaatungatagîra ngai cia mîvuanano na makenamagîrîria mothiû mao mbere yacio makîigoocaga. Nîmaathiîcaga na mbere gwîka maûndû macûku na matiatiganîria mîtugo yao mîcûku.

Atir 3:9

Nwatî rîrîa Aisiraeli maavoire Ngai-Mûnene, nîwamatûmîre mûndû wetagwa Othinieli nîguo amavonokie. Othinieli aarî mûvîcî wa Kenazi. Kenazi nîke warî mûrwang'ina ûrîa mûnini wa Kalebu.

Atir 6:12

Mûraika wa Ngai-Mûnene nîwamumîrîre arî vau na akîmwîra atîrî, “Ngai-Mûnene arî nawe, njamba îno îrî vinya.”

Atir 6:16

Nake Ngai-Mûnene nîwamûcokerie atîrî, “Nîûgwîka guo nîûndû ngethîrwa nîrî vamwe nawe. Ûgacûkangia andû a Midiani takwa marî mûndû ûmwe.”