Atir 2:15 - ÎVUKU RÎA ÛVORO MWARO

¹⁵ Vîndî cionthe mathiî mbaararî, Ngai-Mûnene nîwareganaga nao wata ûrîa aamerîte atî nîakameeka. Nao nîmaathînîkire mûno.

Atir 2:15 ပူးပေါင်းရင်းမြစ်များ

2Maû 12:1

Rehoboamu arîkia kwîvanda waro na ûthamaki wake ûkîgîa na vinya, ke vamwe na andû onthe a Isiraeli arîa aarî nao nîmaatiganîrie watho wa Ngai-Mûnene.

Jeremia 18:8

naguo vûrûri ûcio narîtie ûvoro waguo ûgarûrûke ûtigane na maûndû macûku, nîngericûkwa ndige gûûcûkangia wata ûrîa navangîte.

Jeremia 21:10

Nînduîte meciriarî makwa kûthiria îtûûra rîîrî na kûrîcûkangia. Nîrîkanenganîrwa kûrî mûthamaki wa Babuloni, nake nîakaarîvîvia na mwaki.”

Jeremia 44:11

Kwoguo Ngai-Mûnene mwene vinya wonthe, Ngai wa Isiraeli arauga atîrî, “Taroria, nîngûmûgarûrûkîra na nîmûretere mûthiro nthirie andû a Juda.

Jeremia 44:27

Nîngûroria mone atî ngakûretagîra maûndû macûku na ndûkona maûndû maro. Andû onthe a Juda arîa marî Misiri nîmagacûkangua na yûra na mbaara mathire viû.

Mika 2:3

Kwoguo Ngai-Mûnene augîte atîrî, “Nîmvangîte kûmûretithîria mûthiro, na mûtikaavota kûra mume kûrî guo. Rîkethîrwa rîrî îvinda rîa thîna, na gûtirî mûndû ûkaathiîcaga na mwîtîîo.

2Akor 4:8

Tue nîtûnyamaragua na njîra cionthe, nwatî tûtivootagwa. Vîndî îmwe twîthagîrwa tûkîthangania, nwatî tûtikucaga ngoro.

Gûco 18:20

Nwatî mûrathi wa wonthe ûkeera andû ûndû ûmbîgiî ûrîa ndamwîrîte auge, kana arie na rîîtwa rîa ngai cia mîvuanano, nîagaakua.’

Atir 10:9

Aamoni nîmaaringire Jorodani na makîthiî kûrûa na andû a mûvîrîga wa Juda, Benjamini, na nyomba ya Efiraimu. Kwoguo Aisiraeli maarî na thîna mûno.

Ruthu 1:13

mwavota gweterera nginya rîrîa magaakûra? Mwarega kûvikîra andû engî nîûndû wao? Naarî, aarî akwa. Ngai-Mûnene nîatûmîte mbîgua kîeva mûno nîûndû wa maûndû marîa meekîkire kûrî mue.”

1Sam 12:15

Nwatî ethîrwa mue tî mûthikîrîria ûrîa Ngai-Mûnene akuuga na mûrege kwathîkîra maathani make, Ngai-Mûnene nîamûverithia wa vamwe na mûthamaki wenyu.

1Sam 13:6

Rîrîa Afilisiti maatonyerere andû a Isiraeli na vinya ûndû andû a Isiraeli matangîavotire gwîtethia, andû amwe a Isiraeli nîmeethithire ngurungarî, marimarî, mîanyarî ya mathiga marîa manene, na ndaarî ya iriko cia manjî;

1Sam 14:24

Nao andû a Isiraeli nîmaathirirwe nî vinya mûno mûthenya ûcio, nîûndû Saûlo nîwamevîtithîtie mwîvîtwa na akîmeera atîrî, “Mûndû wa wonthe ûrîa ûkaarîa irio ûmûnthî mbere ya gûtuke nie ndarîkîtie gûtooria nthû ciakwa aronyitwa nî kîrumi.” Kwoguo gûtirî mûndû warîre irio mûthenya ûcio wonthe.

1Sam 30:6

Vîndî îo Daudi aarî na thîna nyîngî, nîûndû andû ake maarî na marûrû meengî mûno nîûndû wa kûûrîrwa nî ciana ciao. Nao nîmeendaga kûriva Daudi na mathiga, nwatî nîweyûmîrîrie nîûndû wa kwîvoka Ngai-Mûnene, Ngai wake.