Atir 19:9 - ÎVUKU RÎA ÛVORO MWARO

⁹ Rîrîa Mûlawi, mûndûmûka ûrîa aaigîte na ndungata yake maaûkîrire nîguo mathiî, îthe wa mûndûmûka ûcio nîwaugire atîrî, “Taroriani, rîu kîvwaî kîrî vakuvî gûkinya na nduma îthiîte kûruma. Rarani gûkû rîngî na mûkene na rûyû nîmûkaaramûka kîraûko mwînûke.”

Atir 19:9 ပူးပေါင်းရင်းမြစ်များ

2Sam 13:28

na akîatha ndungata ciake agîciîra atîrî, “Tuîriani mûmenye waro vîndî îrîa Amunoni agaatuîka mûrîu, na rîrîa ngaamwîra mûmûrage, mûgeka guo. Mûtigetigîre nîûndû nînie ngaûrua nwatî tî mue. Îyûmîrîrieni na mûgîe na ûcamba!”

Nthi 27:1

Ndûgetîîe nîûndû wa ûrîa ûgeeka rûyû, nîûndû ndwîcî gûkethîrwa gwîkariî atîa.

Luka 24:29

Nwatî arûmîrîri acio nîmaamûthaithire makîmwîraga atîrî, “Îkarania natue nîûndû kûthiîte gûtuka.” Kwoguo Jesû nîwathûkirie na agîkarania nao.

Atir 19:10

Nwatî Mûlawi ndeendaga kûraara kuo rîngî. Kwoguo nîwocire mûka ûrîa aaigîte, ndungata yake na mvunda ciake cioîrî ikuîte mîrigo na makîambîrîria rûgendo.

Atir 19:6

Kwoguo arûme acio oîrî nîmeekarire nthî, makîrîcanîra na makînyunyanîra vamwe. Îthe wa mûndûmûka ûcio nîwerire Mûlawi atîrî, “Nakûthaitha wîtîkîre kûraara gûkû ûmûnthî na wîthîrwe ûrî mûkenu.”

Atir 19:8

Mûthenya wa gatano Mûlawi nîwaramûkire kîraûko tene nîguo athiî. Nwatî îthe wa mûndûmûka nîwamwîrire atîrî, “Amba ûrîe irio na weterere ûkaathiî kîvwaî.” Kwoguo nîmaarîre irio marî vamwe.

Ruthu 3:7

Na rîrîa Boazu arîkirie kûrîa na kûnyua, nîwegwire eganîrîte na arî mûkenu. Nîwacokire akîthiî na akîmama vakuvî na kîrûndo gîa cairi. Nake Ruthu nîwathiîre acemete, akîguûria mûrengeti, na akîmama vau magûrûrî ma Boazu.