Atir 19:6 - ÎVUKU RÎA ÛVORO MWARO

⁶ Kwoguo arûme acio oîrî nîmeekarire nthî, makîrîcanîra na makînyunyanîra vamwe. Îthe wa mûndûmûka ûcio nîwerire Mûlawi atîrî, “Nakûthaitha wîtîkîre kûraara gûkû ûmûnthî na wîthîrwe ûrî mûkenu.”

Atir 19:6 ပူးပေါင်းရင်းမြစ်များ

2Sam 13:28

na akîatha ndungata ciake agîciîra atîrî, “Tuîriani mûmenye waro vîndî îrîa Amunoni agaatuîka mûrîu, na rîrîa ngaamwîra mûmûrage, mûgeka guo. Mûtigetigîre nîûndû nînie ngaûrua nwatî tî mue. Îyûmîrîrieni na mûgîe na ûcamba!”

1Atha 21:7

Mûka Jezebeli nîwamûcokerie atîrî, “Kinthî we tîwe mûthamaki wa Isiraeli? Ûkîra, ûrîe na ûkene. Nîngûgwocera mûgûnda wa mîthavibu wa Nabothi!”

Esita 1:10

Mûthenya wa mûgwanja kuuma kîrugo Kîammbîrîria, mûthamaki aarî mûnyuu ndivei na agacanjamûka. Nake nîwetire ngaramba ciake irîa ciakarambithîtue nîûndû wa gûtungata kwa mûthamaki. Nao nî: Mehumani, Bizitha, Haribona, Bigatha Zethari na Karikasi.

Thaburi 104:15

na ndivei ya kûmacanjamûra, maguta ma ndamaiyû ma kûmûkenia, na irio cia gûtûma agîe na vinya.

Luka 12:19

Na nîngûcoka nîîre atî nie nîrî na mûnyaka. Nîrî na indo nyîngî cia kûmbîgana mîaka mîîngî. Rîu nîmbîkara nthî nîguo ndîe na nyue ngenete!’

1Ath 5:3

Rîrîa andû makeethîrwa makiugaga, “Tûrî na thayû na tûrî agitîre,” nîmagaacûkangua wa rîmwe wata ûrûrû ûrîa ûkaga kûrî mûndûmûka agîciara. Andû matikaavota kûra.

Kûguû 11:10

Andû arîa matûûraga gûkû nthî nîmagaakena na macanjamûke nîûndû wa gûkua kwa aira acio aîrî. Nao nîmakaavecana iveo nîûndû arathi acio aîrî nîmatûmîte andû arîa matûûraga gûkû nthî mathînîke mûno.

Kûguû 11:13

Na kavinda wa kau nîkwagîre na kîthingithia kînene. Na gîcunjî kîmwe gîa îkûmi Kîam îtûûra rîu rînene nîkîagwîre, na andû ngiri mûgwanja makîûragwa. Andû arîa maatigarire nîmaagîre na guoya nyîngî na magîkumia ûnene wa Ngai wa îgûrû.

Atir 16:25

Rîrîa meecûrirwe nî gîkeno nîmaaugire atîrî, “Îtani Samusoni nîguo atûthondekere mîthako!” Kwoguo nîmeetire Samusoni kuuma njeera. Nîwamathakîre mîthako na makîmûrûngamia gatagatî ka itugî igîrî.

Atir 19:7

Rîrîa Mûlawi aaûkîrire akîenda kûthiî, îthe wa mûndûmûka nîwamûririe etîkîre gwîkarakara. Kwoguo nîwararire kuo rîngî.

Atir 19:9

Rîrîa Mûlawi, mûndûmûka ûrîa aaigîte na ndungata yake maaûkîrire nîguo mathiî, îthe wa mûndûmûka ûcio nîwaugire atîrî, “Taroriani, rîu kîvwaî kîrî vakuvî gûkinya na nduma îthiîte kûruma. Rarani gûkû rîngî na mûkene na rûyû nîmûkaaramûka kîraûko mwînûke.”

Atir 9:27

Andû a Shekemu nîmaathiîre mîgûndarî yao ya mîthavibu na magîketha thavibu, makîthondeka ndivei na makîgîa na kîrugo. Nîmaacokire magîtonya hekarûrî ya ngai yao, nîmaarîre na makînyua magîcoka makîruma Abimeleki.

Ruthu 3:7

Na rîrîa Boazu arîkirie kûrîa na kûnyua, nîwegwire eganîrîte na arî mûkenu. Nîwacokire akîthiî na akîmama vakuvî na kîrûndo gîa cairi. Nake Ruthu nîwathiîre acemete, akîguûria mûrengeti, na akîmama vau magûrûrî ma Boazu.

1Sam 25:36

Abigaeli nîwacokire mûciî kûrî Nabali na nîwamwîthîre arî na kîrugo ta Kîam mûthamaki. Nabali aarî mûrîu wa ndivei mûno na arî mûkenu. Kwoguo Abigaeli ndaamwîra wanarî ûndû nginya kîraûko kîu kîngî.