Atir 19:23 - ÎVUKU RÎA ÛVORO MWARO

²³ Nake mûthuuri mwene mûciî nîwaumire nja na akîmeera atîrî, “Naarî! Arata akwa! Namûthaitha mûtigeke ûndû mûcûku ta ûcio! Mûndû ûcio nî mûgeni wakwa.

Atir 19:23 ပူးပေါင်းရင်းမြစ်များ

Kîam 19:8

Taroriani, nîrî na erîtu akwa aîrî matarî maamenyana kîîmwîrî na mûndû mûrûme. Tiga nîmûretere o na mwîke nao wa ûrîa mûkwenda. Nwatî mûtigeke arûme aya marî gwakwa mûciî wa naarî ûndû. Nî ageni akwa na nwanginya nîmagitîre.”

Kîam 34:7

Vîndî îo avîcî a Jakovu nîmaaumire kûrîthia. Na rîrîa meegwire ûvoro ûcio, nîmaamakire na makîrakara mûno nîûndû wa ûrîa Shekemu eekîte. Na njîra ya gîko kîu gîa kûnyita mwarî wa Jakovu na vinya na kûmûmenya kîîmwîrî, Shekemu nîwaretire gîconoko kûrî andû a Isiraeli. Ûndû ta ûcio ndwagîrîrwe nî gwîkîka.

2Sam 13:12

Tamarû nîwamûcokerie atîrî, “Naarî tiga kûningîrîria mbîke ûndû wa gîconoko kînene ûguo! Ûndû ta ûcio ndwanekwa gûkû Isiraeli!

Gûco 22:21

atongoria a îtûûra nîmagooca mûndûmûka ûcio na mamûvire mûromorî wa nyomba ya îthe na mamûragîre vo na mathiga, nîûndû nîaconorithîtie andû a Isiraeli na njîra ya kwîvecana amenywe kîîmwîrî mbere ya avikue. Ûguo nîguo mûkaathiria wîvia ûcio gatagatîrî kenyu.

Josh 7:15

Na mûndû ûrîa nake ûgaatuîka nîke wîvîtie, nîakaavîvua na mwaki vamwe na andû ake onthe, wana indo ciake cionthe. Akaavîvua nîûndû ke nîaunîte kîrîkanîro Kîam Ngai-Mûnene na nîatûmîte Isiraeli magîa na gîconoko kînene.”

Atir 20:6

Nînoocire mwîrî wake, ngîûtinangia icunjî na ngîtûmana wa gîcunjî kîvirwe kûrî mîvîrîga yonthe îkûmi na îîrî ya Isiraeli nîûndû nîmeekîte ûndû mûcûku na wa ûûra nthoni gatagatîrî getû.