Atir 18:8 - ÎVUKU RÎA ÛVORO MWARO

⁸ Rîrîa arûme acio atano maacokire kûu Zora na Eshitaoli, andû a vûrûri wao nîmaamaûririe ûrîa moonete.

Atir 18:8 ပူးပေါင်းရင်းမြစ်များ

Josh 15:33

Matûûra marîa maarî vûrûrirî ûrîa ûrî nthî ya irîma nî, Eshitaoli, Zora, Ashina,

Atir 13:2

Vîndî îo kwarî na mûndû wetagwa Manoa warî wa kuuma îtûûrarî rîa Zora. Manoa aarî wa mûvîrîga wa Dani na mûka aarî nthata.

Atir 16:31

Aa mûrwang'ina vamwe na andû acio engî a mûciî wake nîmaathiîre na magîoca mwîrî wake. Nîmaacokire naguo na makîûthika gatagatî ka Zora na Eshitaoli mbîrîrarî ya îthe Manoa. Samusoni aatirîrîre vûrûri wa Isiraeli îvinda rîa mîaka mîrongo îîrî (20).

Atir 18:11

Kwoguo arûme magana matandatû (600) a mûvîrîga wa Dani nîmaaumire Zora na Eshitaoli marî na indo cia mbaara mevarîrîtie kûrûa.

Atir 18:2

Kwoguo andû a Dani nîmaathuurire arûme atano arîa maarî njamba kuuma kûrî nyomba cionthe cia mûvîrîga wao kuuma matûûrarî ma Zora na Eshitaoli na makîmatûma magatuîrie vûrûri ûcio. Rîrîa maakinyire vûrûrirî ûrîa ûrî irîma wa Efiraimu, nîmaararire kwa Mika mûciî.

Atir 18:7

Kwoguo arûme acio atano nî maambîrîrie rûgendo na magîkinya îtûûrarî rîa Laishi. Nîmoonire atî andû a Laishi maatûûraga ta ûrîa andû a Sidoni maatûûraga matarî na thîna, marî na thayû, matagûtetania wanarî na mûndû. Maarî na indo cionthe. Maatûûraga kûraca na andû a Sidoni na matiarî na ûndû mangîagwatanîre na arîa engî.

Atir 18:9

Nao nîmaamerire atîrî, “Ûkîrani tûthiî tûkatharîkîre îtûûra rîa Laishi. Nîtwonire vûrûri ûcio na nî mwaro mûno. Tigani gwîkara gûkû mûtagwîka ûndû. Thiîni na îvenya na mwîgwatîre vûrûri ûcio!