Atir 18:29 - ÎVUKU RÎA ÛVORO MWARO

²⁹ Nîmaagarûrire rîîtwa rîa îtûûra rîu rîa Laishi na makîrîîta Dani. Maarîtanirie na îthe wao wa tene Dani ûrîa warî mûvîcî wa Jakovu.

Atir 18:29 ပူးပေါင်းရင်းမြစ်များ

Kîam 14:14

Rîrîa Aburamu eegwire atî mwîvwa wake Loti nîmûnyite, nîwatongoririe andû magana mathatû ma îkûmi na anana arîa maaciarîrîtwe gwake na maamenyete kûrûa, na makîvinyûria athamaki acio ana nginya Dani.

Kîam 30:6

Rakeli nîwaugire atîrî, “Ngai nîwatua ciira wakwa waro. Ke nîwîguîte mavoya makwa na amva kavîcî.” Kwoguo Rakeli nîwatuîrîre kaana kau rîîtwa Dani.

Kîam 32:28

Nake mûndû ûcio nîwerire Jakovu atîrî, “We ndûgeetwa Jakovu rîngî nîûndû nîwagiana na Ngai na andû na wavootana, we ûgeetagwa Isiraeli.”

2Sam 17:11

Ûrîa ngûgûtaara nî atî, ûcokanîrîrie Aisiraeli onthe vamwe kuuma Dani nginya Berisheba, mengîve ta mûthanga ûrîa wîthagîrwa ûrî rûtererî rwa îria, na ûmatongorie mbaararî we mwene.

1Atha 15:20

Nake mûthamaki Benihadadi nîwetîkîre ûrîa mûthamaki Asa aamwîrire, na nîwatûmire anene a athigari ake a mbaara mathiî makatharîkîre matûûra marîa manene ma Isiraeli. Nîmaavootire Ijoni, Dani, Abeli-bethi-maaka na kûndû kûrîa kwarî vakuvî na Îria rîa Galili, vamwe na vûrûri wonthe wa Nafutali.

Jeremia 8:16

Nîtûregua mbarathi ciao ikîgamba irî Dani, mûgambo wa mbarathi ciao cia njamba, ûratûma vûrûri wonthe ûthingitha. Nthû ciûkîte gûcûkangia vûrûri wetû na indo cionthe irîa irî kuo, gûcûkangia îtûûra na andû arîa matûûraga kuo.”

Gûco 34:1

Musa nîwaumire kûndû kûrîa kwaraganu vûrûrirî wa Moabu, na akiunûkia kîrîmarî Kîam Nebo akîthiî nginya kathûrûmûndû ga kîrîma gîa Pisiga kûng'ethanîra na Jeriko. Arî vau, Ngai-Mûnene nîwamwonirie vûrûri wonthe: kuuma Gileadi nginya Dani;

Josh 19:47

Vûrûri wa Dani nîwacunanirwe. Naguo mûvîrîga wa wa Dani nîwatharîkîre îtûûra rîa Laishi. Marîtharîkîra nîmaarînyitire na makîûraga andû a kuo na makîrîtua itûûra rîao. Nîmaatûûrire îtûûrarî rîu na makîgarûra rîîtwa rîarîo rîgîtiga gwîtagwa Laishi rîgîcoka gwîtagwa Dani. Maarîtanirie na Dani îthe wao wa tene.

Atir 18:7

Kwoguo arûme acio atano nî maambîrîrie rûgendo na magîkinya îtûûrarî rîa Laishi. Nîmoonire atî andû a Laishi maatûûraga ta ûrîa andû a Sidoni maatûûraga matarî na thîna, marî na thayû, matagûtetania wanarî na mûndû. Maarî na indo cionthe. Maatûûraga kûraca na andû a Sidoni na matiarî na ûndû mangîagwatanîre na arîa engî.

Atir 20:1

Andû onthe a Isiraeli kuuma Dani mwena wa rûgûrû nginya Berisheba mwena wa îveti, vamwe na a kuuma vûrûrirî wa Gileadi mwena wa îrathîro, nîmaagomanire vamwe mbere ya Ngai-Mûnene marî gîkundi kîmwe kûu Mizipa.