Atir 18:24 - ÎVUKU RÎA ÛVORO MWARO

²⁴ Nake Mika nîwacokirie atîrî, “Mûrauga atîa rîrîa mûrambûria, nîrenda atîa? Mwakuua ngai îrîa naathondekire na mwathiî na mûthînjîri-Ngai wakwa! Natigwa na ndûî?”

Atir 18:24 ပူးပေါင်းရင်းမြစ်များ

Kîam 31:30

Nîmbicî wathiîre nîûndû nîwegucaga wîrirîrîtie mûno gûcoka kwenyu. Nwatî waîire ngai ciakwa nîkî?”

Kîam 31:34

Rakeli nîke wocete ngai cia mûciî cia îthe na agîciga matandîkorî ma ngamîîra na agîciîkarîra. Labani nîwaicaririe îgemarî ndaarî nwatî ndaaciona.

2Maû 25:15

Kwoguo Ngai-Mûnene nîwarakarirue nî ûndû ûcio, agîtûma mûrathi kûrî Amazia akamûrie atîrî, “Nîndûî kîratûma ûgooca ngai cia mîvuanano cia andû a Edomu na ngai icio itiavonokia andû ao kuuma kûrî mue?”

Thaburi 115:8

Andû arîa mairûthaga mekariî ta cio, na arîa onthe maciîvokaga mekariî ta cio.

Jeremia 50:38

Vûrûri wa Babuloni nîûture mbura, na nyûnjî cia kuo ivwe. Babuloni nî vûrûri wa ngai cia mîvuanano, na itûmîte andû akuo mauma ngoma.

Jeremia 51:17

Mûndû wa wonthe nî mûritu na ndarî ûmenyo, mûturi wa indo cia thaavu aconorithagua nî indo ciake; nîûndû mîvuanano îo arûthaga tî ya ma, na ndîrî mwoyo.

Ezek 23:5

Ohola anarî mûka wakwa, nîwavûraga ûmaraa na kwîrirîria andû arîa mendanîte nao a kuuma Asîria.

Ciîko 19:26

Rîu mue nîmûreyonera na mûkeîguîra maûndû marîa Paûlo areka. Ke augaga atî ngai cia mîvuanano irîa ithondeketwe na njara cia andû tî ngai cia ma. Ke nîarîkîtie kwîgwithia na akagarûra andû eengî arîa marî gûkû Efeso na arîa marî Asia vakuvî yonthe.

Kûguû 17:2

Athamaki a nthî nîmatharîtie nake. Nao andû a nthî nîmaatuîkire mîrîu ya ûtharia.”

Atir 17:13

Mika nîwacokire akîîra na ngoro atîrî, “Rîu nîmbicî atî Ngai-Mûnene nîakûmbîka maûndû maro, nîûndû nîrî na Mûlawi arî mûthînjîri-Ngai wakwa.”

Atir 17:5

Mika aarî na vandû vake varîa aagoocagîra. Nîwathondekire mîvuanano na efodi na akîthuura mûvîcî ûmwe agîtuîka mûthînjîri-Ngai wake.

Atir 18:23

Rîrîa maamakinyîre nîmaaugîrîrie andû acio a Dani, nao andû a Dani nîmeevûgûrire na makîûria Mika atîrî, “Nî atîa ûrenda, ûgîûka na andû acio onthe?”

Atir 18:25

Nao andû a mûvîrîga wa Dani nîmaamwîrire atîrî, “Ndûkagwete ûndû wîngî nîûndû weka ûguo nîûkûrakaria andû aya na makûtharîkîre na maûrage andû onthe a mûciî waku.”