Atir 18:17 - ÎVUKU RÎA ÛVORO MWARO

¹⁷ Athigani acio atano nîmaathiîre magîtonya nyomba na magîoca mûvuanano ûrîa wavakîtwe sîlûva, mîvuanano îo îngî vamwe na efodi. Nake mûthînjîri-Ngai na athigari arîa magana matandatû (600) marî na indo cia mbaara maarî kîvingorî.

Atir 18:17 ပူးပေါင်းရင်းမြစ်များ

Kîam 31:19

Vîndî îo, Labani aarî akûthiî kwenja ng'ondu ciake. Nake Rakeli nîwaîire ngai cia mîvuanano irîa îthe aaigîte nyomba.

Kîam 31:30

Nîmbicî wathiîre nîûndû nîwegucaga wîrirîrîtie mûno gûcoka kwenyu. Nwatî waîire ngai ciakwa nîkî?”

Ntha 32:20

Nîwocire njaû ya ndegwa îo maarûthîte akîmîvîvia na mwaki akîmîthîa îgîtuîka mûtutu. Nîwatukanirie mûtutu ûcio na manjî na agîtûma andû a Isiraeli maûnyue.

Isaia 41:29

Taroria, ngai icio ciao cionthe nî cia maveeni, mawîra mao monthe nîma mana, mîvuanano yao ya kûrarûrwa ndîrî vinya na nî ya mana.”

Isaia 46:7

Maûkagîrîria mûvuanano ûcio makawigîrîra iturorî ciao, magaûkuua; mawigagîrîra vandû va guo, naguo ûkarûngama vo, mûvuanano ûcio ndûngîvota kuuma vandû vau va guo. Mûndû angîûkaîra ndûngîvota gûcokia ûndû, kana ûmûvonokia kuuma mathînarî marîa arî namo.

Ezek 21:21

Nîûndû mûthamaki wa Babuloni akaarûngama varîa njîra itigithanîrîte, Kîammbîrîriarî Kîam njîra icio cioîrî nîguo aragûrie. Nîakainainia mîguî yake, na aûrie kuuma kûrî mîvuanano, na arorie nyama ya îtema.

Hosea 3:4

Ûguo nwa ta guo andû a Isiraeli magatûûra îvinda îraca matarî na athamaki kana atongoria; matakûruta magongoona, itugî cia mathiga cia kûvoera, na matarî na efodi kana terafimu.

Mika 5:13

Nîngaacûkangia mîvuanano yenyu, na itugî cia mathiga irîa mûgoocaga. Mûtigaacoka kûgooca rîngî indo irîa mwîthondekerete.

Atir 18:14

Arûme acio atano arîa maathiîte kûthigana vûrûri wa Laishi nîmeerire andû ao atîrî, “Nî mwîcî atî nyombarî îmwe ya ino kûrî na ngai ya mûvuanano îvakîtwe sîlûva kuonthe? Kûrî wana mîvuanano îngî na efodi. Rîu îîcirieni ûrîa mûgwîka.”

Atir 18:16

Vîndî îo athigari magana matandatû (600) kuuma Dani maarî na indo cia mbaara, maarûngamîte kîvingorî.

Atir 18:18

Rîrîa arûme acio atano maatonyire kwa Mika mûciî na magîoca indo icio cionthe, mûthînjîri-Ngai nîwamaûririe atîrî, “Nîkwa mûreka atîa?”

Atir 18:2

Kwoguo andû a Dani nîmaathuurire arûme atano arîa maarî njamba kuuma kûrî nyomba cionthe cia mûvîrîga wao kuuma matûûrarî ma Zora na Eshitaoli na makîmatûma magatuîrie vûrûri ûcio. Rîrîa maakinyire vûrûrirî ûrîa ûrî irîma wa Efiraimu, nîmaararire kwa Mika mûciî.

Atir 6:31

Nwatî Joashi nîwerire andû acio onthe maaragia nake atîrî, “Nîkwa mûrarîrîria Baali? Nîmûkûmûgitîra? Mûndû wa wonthe ûkûmwarîrîria nwanginya aûragwe mbere ya gûkîe. Ethîrwa Baali nî ngai, tiga eyarîrîrie ke mwene nîûndû nî metha yake ya kîgongoona yomomoretwe.”

1Sam 19:13

Mikali nîwacokire agîoca mûvuanano wa kûu mûciî na akîûmamia gîtandarî, agîoca kamuuto kaathondeketwe na guoya ya mbûri agîkaigîrîra kîongorî Kîam mûvuanano ûcio na agîûkunîkîra na nguo.

1Sam 4:11

Narîo îthandûkû rîa Kîrîkanîro rîa Ngai nîrîatavîrûe; nao anake a Eli oîrî, Hofini na Finehasi makîûragwa.