Atir 17:10 - ÎVUKU RÎA ÛVORO MWARO

¹⁰ Mika nîwamwîrire atîrî, “Îkarania nanie ûtuîke mûthînjîri-Ngai wakwa na ûndaarage. Ngaakûvecaga tûcunjî îkûmi twa sîlûva wa mwaka, nguo cia gwîkîra na irio.”

Atir 17:10 ပူးပေါင်းရင်းမြစ်များ

Kîam 45:8

Kwoguo tîmue mwandûmire gûkû, nwatî nî Ngai wandûmire. Ngai nîanduîte mûndû wa gûtaaraga mûthamaki wa Misiri, mûrûngamîrîri wa mûciî wake na mûtongoria wa Misiri kuonthe.

2Atha 13:14

Rîrîa mûrathi Elisha aarwarire mûrimû ûrîa watûmire akue, Joashi, mûthamaki wa Isiraeli nîwathiîre kûmûcerera. Nîwamûrîrîre akiugaga atîrî, “Vava, vava! Njamba îrîa îrarûagîrîra andû a Isiraeli!”

2Atha 2:12

Elisha nîwonire gîkaari kîu na akiugîrîria atîrî, “Ûûi vava, ûûi vava! Mûndû ûrî vinya, ûrîa ûrûagîrîra Isiraeli! Nîwathiî!” Nwatî Elisha ndaacoka kwona Elija rîngî. Elisha nîwacokire akîgwata nguo ciake ke mwene na agîitembûrania icunjî igîrî.

2Atha 6:21

Rîrîa mûthamaki wa Isiraeli oonire andû a Sîria nîwaûririe Elisha atîrî, “Vava, nîmaûrage? Nîmaûrage?”

Ayubu 29:16

Nie naarî îthe wa athîni, na nînarûmbûyania na maciira ma andû arîa ndaicî.

Isaia 22:21

Nîngaamwîkîra nguo yaku ya ûnene, nîmwove mûcivi na nîmûve ûnene waku. Ke nîagaatuîka îthe wa andû a Jerusalemu na nyomba ya Juda.

Ezek 13:19

Mue nîmûmbagithîtie gîtîîo mbere ya andû akwa nîûndû wa kûvewa îvaki rîa cairi ya ngundi na tûirio tûnini. Nîmûragithîtie andû arîa matagîrîrwe nî kûragwa na mûkavonokia andû arîa matagîrîrwe nî gûtûûra mwoyo na njîra ya kûveenia andû akwa nao magetîkia maveeni menyu.’ ”

Mathaayo 26:15

na akîmaûria atîrî, “Nîndûî mûkûmva nîngîmûnengera Jesû?” Nao nîmaatarire mbeca mîrongo îthatû cia sîlûva makîmûnengera.

Johana 12:6

Nwatî Judasi ndaauga ûguo nîûndû atî wa kûrîrîra athîni, nwatî aaugire ûguo nîûndû aarî mwîi. Ke nîke wakuuaga kathandûkû ka mbeca na nîwaîaga mbeca kuuma kathandûkûrî kau.

1Tim 6:10

Nîûndû wendi wa mbeca nîkîo kiumo Kîam maûndû marîa macûku monthe. Andû amwe matiganîrîtie wîtîkio wao nîûndû wa kwenda mbeca mûno na makagîa na ûrûrû na kîeva kîîngî ngororî ciao.

1Pet 5:2

mûrîthagie ndîthia îrîa Ngai aamûvere. Rûmenyagîrîreni mûrî na wendi na tî ûndû wa kûringîrîrua. Ûguo nîguo Ngai endaga mwîke. Rutagani wîra wenyu mûrî na wendi ûrîa wa ma wa gûtungata na tî ûndû wa kwenda mbeca.

Atir 17:11

Mûlawi ûcio nîwetîkîrire gwîkarania na Mika na nîwatuîkire ta ûmwe wa avîcî a Mika.

Atir 17:9

Mika nîwamûririe atîrî, “Umîte kû?” Nake nîwamûcokerie atîrî, “Nie nîrî Mûlawi na nyumîte îtûûrarî rîa Bethilehemu kûu Juda na nîracaria vandû nîngîtûûra.”

Atir 18:4

Nake nîwamacokerie atîrî, “Twarîkanîre na Mika andîvage, nanie nîmûtungatagîre nîrî mûthînjîri-Ngai wake.”

1Sam 2:36

Nake mûndû wa wonthe wa rûciaro rwaku ûrîa ûgaatigara nîakaathiî kûrî mûthînjîri-Ngai ûcio na akavoya mûthînjîri-Ngai ûcio mbeca kana irio na nîakaathaithanaga akiugaga etîkîrue atethagîrîrie athînjîri-Ngai, nîguo oonage kîndû gîa kûrîa.”