Atir 16:5 - ÎVUKU RÎA ÛVORO MWARO

⁵ Athamaki a Filisiti nîmaathiîre kûrî Delila na makîmwîra atîrî, “Veenereria Samusoni nîguo akwîre kûrîa vinya ûcio wake mûnene ûguo umaga na ûrîa tûngîmûvoota, tûmûthaîke na tûmûthirie vinya. Natue tûgaakûva wa mûndû tûcunjî ngiri îmwe na îgana rîmwe twa sîlûva.”

Atir 16:5 ပူးပေါင်းရင်းမြစ်များ

Kîam 33:16

Kwoguo mûthenya wa ûcio, Esaû nîwambîrîrie rûgendo na agîcoka Seiru (Edomu.)

Mika 7:3

Onthe nîmaicî waro gwîka maûndû marîa macûku; atongoria na acirithania metagia mavaki. Mûndû ûrî îgweta aragia maûndû macûku marîa marî ngororî yake, kwoguo mavangaga vamwe maûndû marîa makwenda.

Mathaayo 26:15

na akîmaûria atîrî, “Nîndûî mûkûmva nîngîmûnengera Jesû?” Nao nîmaatarire mbeca mîrongo îthatû cia sîlûva makîmûnengera.

Josh 13:3

wa vamwe na vûrûri wonthe wa Avimu mwena wa îveti. (Vûrûri ûrîa wambîrîrîtie rûnjîrî rwa Shihori, mûvakarî wa Misiri nginya mwena wa rûgûrû mûvakarî wa Ekironi warî wa Kanaani. Athamaki a Afilisiti maatûûraga Gaza, Ashidodi, Ashikeloni, Gathu, na Ekironi) na vûrûri wa Avimu,

Atir 14:15

Mûthenyarî wa kana, nîmeerire mûka wa Samusoni atîrî, “Thaîrîria mûthuuriguo nîguo atwîre ûrîa ndaî îo îrauga. Warega nîkwa tûgûkûvîvia mûrî na andû a mûciî waku. Nîkwa mwatwîtire gûkû nîguo mwîe indo cietû?”

Atir 16:4

Vuva wa ûguo Samusoni nîmeendanire na mûndûmûka ûmwe wa kuuma Kîamndarî gîa Soreki wetagwa Delila.

Atir 16:6

Kwoguo Delila nîwerire Samusoni atîrî, “Nakûthaitha ûmbîre kûrîa vinya ûcio waku mûnene ûguo umaga na mûndû angîkûthaîka atîa nîguo akûthirie vinya?”

Atir 17:2

Mika nîwerire ng'ina atîrî, “Tûcunjî ngiri îmwe na îgana twa sîlûva twaku tûrîa twaîirwe na ûkîruma mwîi wa tuo, taroria, nînie nîrî na tuo. Nînie naatwocire.” Nake ng'ina nîwaugire atîrî, “Ngai-Mûnene arokûrathima mûvîcîwa!”

Atir 3:3

Ndûrîrî irîa ciatigirwe vûrûrirî wa Kanaani ciarî anene atano a Afilisiti, Akanaani onthe, Asidoni na Ahivi arîa maatûûraga kîrîmarî Kîam Lebanoni kuuma kîrîma Kîam Baali Herimoni nginya mwanyarî wa Hamathi.

1Sam 29:6

Akishi nîwetire Daudi na akîmwîra atîrî, “Nie nevîta na Ngai-Mûnene ûrîa ûtûûraga mwoyo atî we nîwîthîrîtwe ûndungatîrîte na wîvokeku, na nîngîakena kethîrwa nî twathiî nawe mbaararî nîûndû ndirî nakwona na îvîtia wanarî rîmwe kuuma mûthenya ûrîa waûkire kûrî nie nginya ûmûnthî. Nwatî atongoria arîa engî matirakwenda.