Atir 16:4 - ÎVUKU RÎA ÛVORO MWARO

⁴ Vuva wa ûguo Samusoni nîmeendanire na mûndûmûka ûmwe wa kuuma Kîamndarî gîa Soreki wetagwa Delila.

Atir 16:4 ပူးပေါင်းရင်းမြစ်များ

1Atha 11:1

Mûthamaki Solomoni nîwendire aka eengî a kuuma mavûrûrirî mageni. Nîwendire mwarî wa mûthamaki wa Misiri na akîenda aka engî kuuma Hiti, Moabu, Aamoni, Edomu na Sidoni.

Nehemia 13:26

Nînaugire atîrî, “Aka ageni nîo maatûmire mûthamaki Solomoni evia. Gatagatî ka ndûrîrî irîa ciîngî gûtirî mûthamaki wekariî take. Nîwendetwe nî Ngai wake na Ngai nîwamûtuire mûthamaki wa Isiraeli kuonthe. Kûnarî ûguo aka acio ageni nîmaatûmire evia.

Nthi 22:14

Ciugo cia mûndûmûka kîmaramari nî ta îrima îrikîru, rîgûcaga mûndûmûrûme ûrîa ûrakarîtie Ngai-Mûnene.

Nthi 23:27

Mûmaraa nîta îrima îrikîru, mûndûmûka mûtangatangi nîta kîthima gîceke.

Nthi 26:11

Kîrimû kîrîa gîcokagîra ûrimû wakîo, gîkariî ta ngui îrîa îcokagîra matavîka ma yo.

Nthi 27:22

Wana ûgakima kîrimû na ndîrî ta mbembe, ndûngîruta ûrimû ndaarî yakîo.

1Akor 10:6

Maûndû mau monthe meekîkire nîguo matuîke kîonereria kûrî tue gîa gûtûkaania atî tûtikeriragîrie maûndû macûku ta ûrîa mekire,

Atir 16:3

Nwatî Samusoni aamamire nginya thaa thita cia ûtukû agîcoka akîramûka. Nîwacokire akîthiî agîkûûra kîvingo Kîam îtûûra kîonthe vamwe na ikingi cia mîrango, ivingi na indo cionthe ciakîo. Nîwacigîrîre iturorî ciake na akîthiî nacio nginya îgûrû rîa kîrîma kîrîa kîng'ethanîrîte na Heburoni.

Atir 16:5

Athamaki a Filisiti nîmaathiîre kûrî Delila na makîmwîra atîrî, “Veenereria Samusoni nîguo akwîre kûrîa vinya ûcio wake mûnene ûguo umaga na ûrîa tûngîmûvoota, tûmûthaîke na tûmûthirie vinya. Natue tûgaakûva wa mûndû tûcunjî ngiri îmwe na îgana rîmwe twa sîlûva.”