Atir 16:20 - ÎVUKU RÎA ÛVORO MWARO

²⁰ Nîwacokire akiugîrîria atîrî, “Samusoni! Afilisiti nîmaûkîte!” Samusoni nîwaramûkire na akîîra na ngoro atîrî, “Nînyuma nja na nîîrivarive wata ûrîa nekaga mîthenya îo îngî.” Ndaamenyaga atî Ngai-Mûnene nîwamûtigîte.

Atir 16:20 ပူးပေါင်းရင်းမြစ်များ

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

Isaia 42:24

Nû wanenganîre Jakovu kûrî acunani? Nîûrîkû wanenganîre Isiraeli kûrî aîi? Nî Ngai-Mûnene ûrîa twevîîrie! Na methe metû makîrega kûrûmîrîra njîra ciake, kana kwathîkîra mawatho make.

Hosea 7:9

Ageni nîmamûthirîtie vinya, na ke mwene ndaicî. Kîongo gîake kîonthe gîcûrîte mbuî, na ke mwene ndaramenya.

Ndari 14:9

Kwoguo mûtikaregane na Ngai-Mûnene na mûtigetigîre andû arîa marî vûrûrirî ûcio. Nîtûmataguna ta mûgate. Kîrîa kîmagitagîra nîkîthengutie kûrî o. Ngai-Mûnene arî vamwe natue, mûtikametigîre.”

Mathaayo 17:16

Nie nîmûretire kûrî arutwa aku nao matinavota kûmûvonia.”

Mathaayo 17:20

Nake Jesû nîwamacokerie atîrî, “Nîûndû mûrî na wîtîkio mûnini. Nîramwîra na ma atî mwethîrwa mûrî na wîtîkio wîgana ta vîndî ya mûtî wa karatarî, nwa mwîre kîrîma gîkî atîrî, ‘Uma ava na ûthiî vaarîa,’ na nwa kîthiî; na gûtirî ûndû ûkaamûrema. [

2Akor 3:5

Tûtirauga atî tûrî na ûvoti wa kûruta wîra ûyû. Ngai nîke ûtûvotithagia kûruta wîra ûrîa wonthe tûrutaga.

Gûco 32:30

Nî atîa mûthigari ûmwe nthû angîvoota athigari ngiri îmwe a Isiraeli? Nî atîa athigari aîrî nthû mangîvoota athigari ngiri îkûmi a Isiraeli? Tiga nwa Îthiga rîao amendetie, Ngai-Mûnene amatiganîrîtie?

Josh 7:12

Kwoguo andû a Isiraeli matingîvota gweterera nditi ya nthû ciao, nwa maûrire nîûndû o nîmetuîte a gûcûkangua. Nie ndingîmûtethia rîngî, nwamwambire gûcûkangia indo icio mûrî nacio irîa mwerirwe mûtigaikuue.

Atir 16:14

Kwoguo Delila nîwavorerie Samusoni nîguo amame. Rîrîa aamamire, Delila nîwovanirie mîvîndo îo mûgwanja ya njuîrî cia Samusoni. Nîwacokire akîinyinyia na kathugî na akiugîrîria atîrî, “Samusoni! Afilisiti nîmaûkîte!” Nwatî Samusoni nîwaramûkire, agîkûûra kathugî na akîîthaûrania njuîrî kuuma kathugîrî.

Atir 16:19

Delila nîwathaîrîrie Samusoni nginya akîgocerera na akîmamîria kîongo gîake ciaûrî cia Delila. Delila nîwacokire agîîta mûndûmûrûme ûmwe na akîmwîra enje mîvîndo îo mûgwanja ya njuîrî cia kîongo gîa Samusoni. Delila nîwambîrîre kûthînia Samusoni nîûndû vîndî îo Samusoni aarî mûthirîre nî vinya.

Atir 16:21

Afilisiti nîmaamûnyitire na makîmûkûûra metho. Nîmaamûvirire Gaza, makîmûthaîka na nyororo cia gîcango na akîvewa wîra wa kûthîaga na kîthîi arî njeera.

Atir 16:3

Nwatî Samusoni aamamire nginya thaa thita cia ûtukû agîcoka akîramûka. Nîwacokire akîthiî agîkûûra kîvingo Kîam îtûûra kîonthe vamwe na ikingi cia mîrango, ivingi na indo cionthe ciakîo. Nîwacigîrîre iturorî ciake na akîthiî nacio nginya îgûrû rîa kîrîma kîrîa kîng'ethanîrîte na Heburoni.

Atir 16:9

Delila aarî na arûme meetererete marî nyombarî îngî ya ndaarî. Nîwacokire akiugîrîria Samusoni atîrî, “Samusoni! Afilisiti nîmaûkîte!” Nake Samusoni nîwatucangire ndigi icio cia ûta wata ûrîa ndigi cia vamba ituîkangaga ciagwatwa nî mwaki. Kwoguo matiamenya nthitho ya vinya wake.

1Sam 16:14

Roho wa Ngai-Mûnene nîwatiganîrie Saûlo, naguo roho mûcûku atûmîtwe nî Ngai-Mûnene akîambîrîria kûmûnyarira.

1Sam 18:10

Naguo mûthenya ûcio wîngî roho mûcûku aumîte kûrî Ngai nîwatonyire kûrî Saûlo wa rîmwe arî gwake mûciî na agîkara ta mûndû wî na ngoma. Vîndî îo, Daudi nîkwa aavûûraga ngita wata ûrîa aamenyerete gwîka wa mûthenya wa mûthenya, nake Saûlo aanyitîte îtumû na njara yake.

1Sam 18:12

Saûlo nîwetigagîra Daudi nîûndû Ngai-Mûnene aarî vamwe na Daudi, nwatî agatiganîria Saûlo.