Atir 16:12 - ÎVUKU RÎA ÛVORO MWARO

¹² Kwoguo Delila nîwocire mîkanda îno îtaanavûthîrwa rîngî na akîmûthaîkania nayo. Nîwacokire akiugîrîria atîrî, “Samusoni! Afilisiti nîmaûkîte! Nao arûme meetererete marî nyombarî ya ndaarî.” Nwatî Samusoni nîwatucangire mîkanda îo ta karûrigi ga gûtuma nguo.

Atir 16:12 ပူးပေါင်းရင်းမြစ်များ

Ciîko 21:33

Nake mûnene ûcio wa athigari nîwathiîre varîa Paûlo aarî, akîmûnyita na akîathana akiuga Paûlo ovwe na mînyororo îîrî. Nake mûnene ûcio nîwacokire akîûria atîrî, “Mûndû ûyû nû, na ekîte atîa?”

Atir 15:14

Rîrîa aakinyire Lehi, Afilisiti nîmaavinyûrire na kûrîa aarî makîmugagîrîria. Naguo roho wa Ngai-Mûnene nîwamwîkîrire vinya wa rîmwe na agîtucanga mîkanda îrîa yamwovanîtie njara. Yatuîkangire îkîgûcaga nthî ta mûvûra ûvîvîtue nî mwaki.

Atir 16:11

Nake Samusoni nîwerire Delila atîrî, “Mangînthaîkania na mîkanda îno îtaanavûthîrwa rîngî, nîngîthîrwa ndarî na vinya wata andû acio engî.”

Atir 16:13

Delila nîwerire Samusoni atîrî, “Wana rîu nîwanthekerera na wamveenia. Mbîra ûngîthaîkwa na ndûî.” Nake Samusoni nîwerire Delila atîrî, “Ûngîovania mîvîndo îno yakwa mûgwanja ya njuîrî vamwe, ûcoke ûmînyinyîrie kathugîrî, ngethîrwa ndarî na vinya wata andû acio engî.”