Atir 15:14 - ÎVUKU RÎA ÛVORO MWARO

¹⁴ Rîrîa aakinyire Lehi, Afilisiti nîmaavinyûrire na kûrîa aarî makîmugagîrîria. Naguo roho wa Ngai-Mûnene nîwamwîkîrire vinya wa rîmwe na agîtucanga mîkanda îrîa yamwovanîtie njara. Yatuîkangire îkîgûcaga nthî ta mûvûra ûvîvîtue nî mwaki.

Atir 15:14 ပူးပေါင်းရင်းမြစ်များ

Ayubu 20:5

atî ûcamba wa mûndû mwaganu nîwa kavunda kanini, na gîkeno Kîam mûndû ûtaicî Ngai kîthiraga narua.

Thaburi 118:11

Maanthiûrûrûkîrîtie na mîena yonthe, nwatî nînaamavootire na vinya wa Ngai-Mûnene!

Thaburi 18:34

Nîanthomithagia kûrûa, nîguo njara ciakwa ivotage gûtûmîra ûta wa gîcango.

Ntha 14:3

Nîûndû mûthamaki wa Misiri ageciria atî andû a Isiraeli maraûrûra vûrûrirî mavingîrîrîtue nî werû.

Ntha 14:5

Rîrîa mûthamaki wa Misiri eerirwe atî andû a Isiraeli nîmaûrîte, ke vamwe na anene ake nîmeericûkirwe na makiuga atîrî, “Tweka atîa? Twareka andû a Isiraeli maûra na nîtwaûrwa nî ûtungata wao!”

Mika 7:8

We nthû yakwa ndûgakene rîrîa nîrî thînarî. Rîrîa nagwa, nîmbûkagîra, rîrîa nîrî ndumarî, Ngai-Mûnene nîke ûtheri wakwa.

Zakaria 4:6

Nake mûraika ûcio nîwambîrire nginyîrie Zerubabeli ndûmîrîri îno yumîte kûrî Ngai-Mûnene mwene vinya wonthe nîmwîre atîrî, “Ndûkaavootana nîûndû wa vinya kana ûvoti waku, nwatî ûkaavotithua nî Roho wakwa.”

Afil 4:3

Wa nawe mûrata wakwa mwîvokeku, nîngwenda ûtethagîrîrie aka aya. Nîndutithanîtie wîra wa kûvunjia ûvoro mwaro nao, wa vamwe na Kîlementi marî na andû onthe arîa twarutithanagia wîra nao arîa marîîtwa mao mandîkîtwe îvukuurî rîa mwoyo.

Atir 14:19

Roho wa Ngai-Mûnene nîwamûnyûrûkîre wa rîmwe na ûkîmwîkîra vinya. Nîwanyûrûrûkire Ashikeloni na akîûraga andû mîrongo îthatû kûu îtûûrarî. Nîwacokire akîmaruta nguo ciao irîa mbaro mûno na akîinenganîra kûrî andû arîa maataûrîte ndaî. Vuva wa ûguo, Samusoni nîwacokire mûciî arî mûrakaru.

Atir 14:6

Roho wa Ngai-Mûnene nîwamûnyûrûrûkîre na vinya wa rîmwe na agîtucanga mûnyambû ûcio tûcunjî ta ûrîa mûndû atucangaga koori ka mbûri. Nwatî ndeera aciari ake ûrîa eekîte.

Atir 15:13

Nao nîmaamwîrire atîrî, “Tue tûtîkûraga. Tûrenda gûkwova tûcoke tûkûvire kûrî Afilisiti.” Kwoguo nîmaamwovire na mîkanda îîrî îno îtanova kîndû rîngî na makîmûruta ngurungarî ya îthiga.

Atir 15:9

Afilisiti nîmaathiîre na makîamba magema mao kûu Juda, na makîtharîkîra îtûûra rîa Lehi.

Atir 16:12

Kwoguo Delila nîwocire mîkanda îno îtaanavûthîrwa rîngî na akîmûthaîkania nayo. Nîwacokire akiugîrîria atîrî, “Samusoni! Afilisiti nîmaûkîte! Nao arûme meetererete marî nyombarî ya ndaarî.” Nwatî Samusoni nîwatucangire mîkanda îo ta karûrigi ga gûtuma nguo.

Atir 16:24

Rîrîa andû moonire Samusoni nîmaainire nyîmbo cia gûkumia ngai wao makiugaga atîrî, “Ngai wetû nîatûvotithîtie kûvoota nthû yetû îrîa yacûkangirie vûrûri wetû na îkîûraga andû eengî mûno etû!”

Atir 16:9

Delila aarî na arûme meetererete marî nyombarî îngî ya ndaarî. Nîwacokire akiugîrîria Samusoni atîrî, “Samusoni! Afilisiti nîmaûkîte!” Nake Samusoni nîwatucangire ndigi icio cia ûta wata ûrîa ndigi cia vamba ituîkangaga ciagwatwa nî mwaki. Kwoguo matiamenya nthitho ya vinya wake.

Atir 3:10

Othinieli nîwecûrirwe nî Roho wa Ngai-Mûnene na agîtuîka mûtongoria wa andû a Isiraeli. Nîwathiîre mbaararî na Ngai-Mûnene akîmûvotithia kûvoota mûthamaki Kushani Rishathaimu wa Mesopotamia.

Atir 5:30

“Nîkwa maracaria indo nîguo maitave na magaanie, wa mûndûmûka ûmwe kana aîrî varî mûthigari ûmwe, magîcarîria Sisera nguo cia goro, mîkathî îîrî yakwa ya ngingo îrî mîgemie.”

1Sam 10:10

Rîrîa Saûlo marî na ndungata yake maakinyire Gibea, nîwatûngirwe nî gîkundi Kîam arathi. Naguo Roho wa Ngai ûgîûka îgûrû rîake na vinya wa rîmwe na na ûkîmûtongoria. Nake nîwambîrîrie kwina augîrîrîtie marî na arathi acio.

1Sam 10:6

Nake Roho wa Ngai-Mûnene agaûka îgûrû rîaku na vinya wa rîmwe na ûgarûrûke ûtuîke mûndû wîngî. Nawe ûkanyitanîria nao na wambîrîrie kwina ugîrîrîtie.

1Sam 11:6

Rîrîa Saûlo eguire ûguo, Roho wa Ngai nîwaûkire na ûkîmûnyita na vinya na akîrakara mûno.

1Sam 17:35

nînîmîrûmagîrîra, ngamîringa na ngavonokia kagondu kau. Na ethîrwa nyamû îo nwa înjokerere, nîmînyitaga mûmero ngamîriva nginya ngamîûraga.

1Sam 4:5

Vîndî îrîa îthandûkû rîa kîrîkanîro rîa Ngai-Mûnene rîakinyire kûrîa Aisiraeli maambîte magema mao, andû onthe a Isiraeli nîmaakenire na makiugîrîria na mûgambo mûnene mûno nginya ûgîtûma nthî îrurume.