Atir 14:5 - ÎVUKU RÎA ÛVORO MWARO

⁵ Samusoni nîwacokire makîthiî Timuna marî na aciari ake. Rîrîa maakinyire mîgûndarî ya mîthavibu kûu Timuna, Samusoni nîwegwire kaana ka mûnyambû gaûkîte kûrî ke gakîraramaga.

Atir 14:5 ပူးပေါင်းရင်းမြစ်များ

2Sam 23:20

Benaia mûvîcî wa Jehoiada wa kuuma Kabuzeeli, aarî mûthigari wîngî warî îgweta. Nîwekire ciîko nyîngî cia ûcamba. Imwe ciacio nî ta ino: nîwaûragire athigari aîrî maarî îgweta a Moabu. Vîndî îmwe kwarî na mbaravu, nîwathiîre na agîtonya îrimarî na akîûragîra mûnyambû kuo.

1Maû 11:22

Benaia mûvîcî wa Jehoiada wa kuuma Kabuzeeli aarî mûthigari njamba. Benaia nîwekire maûndû manene mûno. Nîwaûragire athigari aîrî maarî aro mûno a Moabu. Vîndî îmwe, Benaia nîwatonyire îrimarî vîndî îrîa kwîthagîrwa kûrî na mbaravu na nîwaûragire mûnyambû.

Thaburi 91:13

Nîûgaakinyanga mînyambû na ciîmvuva, nîûgaakinyanga twana twa mînyambû na twa njoka.

Jeremia 2:15

Nthû ciake ciîthîrîtwe ikîmûraramîra ta mûnyambû, matuîte vûrûri wake werû, matûûra nî maganjo matitûragwa.

Ahib 11:33

Na njîra ya wîtîkio nîmaarûire na mavûrûri monthe na makîmavoota. Nîmeekire ûrîa kwagîrîrîte na Ngai nîwamavere kîrîa aamerîrîte. Nîwavingire tûnyua twa mînyambû,

Josh 15:10

Nîwacokete ûkîthiûrûrûka Baali na mwena wa îthûîro ûkîthiî werekerete vûrûri ûrîa ûrî irîma wa Edomu na ûkîvîtûkîra mwena wa rûgûrû wa kîrîma Kîam Jearimu (kana Kesaloni) na ûkînyûrûrûkîra Bethishemeshi na Timina.

1Pet 5:8

Îkaragani mwîîguîte na mwîvarîrîtie! Nthû yenyu, na nîke Ngoma, araûrûra akîraramaga ta mûnyambû agîcaragia mûndû wa gûcûkangia.

Atir 14:4

Aciari a Samusoni matiamenyaga atî nî Ngai-Mûnene wendaga Samusoni eke ûguo. Ngai-Mûnene aacaragia kanya ga kûvûûra Afilisiti. Vîndî îo Afilisiti nîo maathaga Aisiraeli.

Atir 14:6

Roho wa Ngai-Mûnene nîwamûnyûrûrûkîre na vinya wa rîmwe na agîtucanga mûnyambû ûcio tûcunjî ta ûrîa mûndû atucangaga koori ka mbûri. Nwatî ndeera aciari ake ûrîa eekîte.

1Sam 17:35

nînîmîrûmagîrîra, ngamîringa na ngavonokia kagondu kau. Na ethîrwa nyamû îo nwa înjokerere, nîmînyitaga mûmero ngamîriva nginya ngamîûraga.