Atir 14:20 - ÎVUKU RÎA ÛVORO MWARO

²⁰ Mûka wa Samusoni nîwavecanirwe kûrî mûndûmûrûme ûrîa warûngamîrîrîte Samusoni ûvikirî.

Atir 14:20 ပူးပေါင်းရင်းမြစ်များ

Rwîmbo rwa Nyîmbo 5:1

Nînatonya mûgûndarî wakwa, mwendwa wakwa, mûviki wakwa. Nîraûngania mînyamû mînungi waro ya mare yakwa. Nîrarîa ûûkî wakwa na mago. Nîranyua ndivei yakwa na îriia. Arata, rîani na mûnyue, nginya mûrîwe nî wendo!

Jeremia 9:5

Wa mûndû aveenagia mûrata wake, na gûtirî mûndû waragia ûûma, mamenyeretie tûrîmî twao kwaria maveeni, mekaga mevia makaremwa nî kwîrira.

Mika 7:5

Ndûkevoke mûndû ûrîa wîngî, kana wîtîkie mûrata waku. Menyagîrîra ûrîa ûkwaria wana ethîrwa ûrarîa na mûkaguo.

Johana 13:18

“Nie ndiraria ûvoro ûmwîgiî muonthe. Nîmbîcî nî andû arîkû nthuurîte. Nwatî nwa nginya mandîko matheru mavinge marîa maugîte atî, ‘Mûndû ûrîa twarîcanîre mûgate nake nîke wacokire kûngarûrûka.’

Johana 3:29

Mûvikania nîke wîthagîrwa arî ke mwene mûviki, nwatî rîrîa mûrûngamîrîri wa ûviki arûngamîte vakuvî na mûvikania na akamûthikîrîria, nî ecûragwa nî gîkeno egua mûvikania akîaria. Na rîu gîkeno gîakwa nîgîcûru.

Atir 15:2

Mûthoniwe wa Samusoni nîwamwîrire atîrî, “Na ma nie neciragia atî nîwamûmenire viû, kwoguo nînaamûvecanire kûrî mûrataguo. Nwatî kûnarî ûguo mwarwamg'ina ûrîa mûnini nî mûthaka gûkîra mûkaguo. Nakûthaitha tu mwoce vandûrî vake.”

Atir 15:6

Rîrîa Afilisiti maaûrîrîrie mûndû ûrîa wekîte ûguo, nîmaamenyire atî nî Samusoni wekîte guo nîûndû mûthoniwe wa kuuma Timuna nîwocete mûka wa Samusoni na akamûvecana kûrî mûndû wîngî mûrata wa Samusoni. Kwoguo Afilisiti nîmaathiîre na makîvîvia mûndûmûka ûcio vamwe na andû a mûciî wao magîkua.

1Sam 18:19

Nwatî rîrîa îvinda rîakinyire rîa Merabu kûvecanwa kûrî Daudi, vandû va ûguo nîwavecanirwe kûrî mûndû wetagwa Adirieli wa kuuma Mehola nîguo atuîke mûndûmûka wake.