Atir 14:19 - ÎVUKU RÎA ÛVORO MWARO

¹⁹ Roho wa Ngai-Mûnene nîwamûnyûrûkîre wa rîmwe na ûkîmwîkîra vinya. Nîwanyûrûrûkire Ashikeloni na akîûraga andû mîrongo îthatû kûu îtûûrarî. Nîwacokire akîmaruta nguo ciao irîa mbaro mûno na akîinenganîra kûrî andû arîa maataûrîte ndaî. Vuva wa ûguo, Samusoni nîwacokire mûciî arî mûrakaru.

Atir 14:19 ပူးပေါင်းရင်းမြစ်များ

Atir 1:18

Andû a mûvîrîga wa Juda nîmaavootire matûûra ma Gaza, Ashikeloni, Ekironi na mavûrûri marîa maamathiûrûrûkîrîtie.

Atir 13:25

Naguo Roho wa Ngai-Mûnene nîwambîrîrie kûmwîkîra vinya arî kûrîa mbarî ya Dani yambîte magema gatagatî ka Zora na Eshitaoli.

Atir 14:18

Kwoguo mûthenya wa mûgwanja mbere ya Samusoni atonye nyombarî îrîa aamamaga, andû a îtûûra nîmaathiîre kûrî ke na makîmwîra atîrî, “Nîndûî kîrî mûrîo gûkîra ûkî? Nîndûî kîrî vinya gûkîra mûnyambû?” Nake Samusoni nîwamerire atîrî, “Kethîwa mûtinarîma na ng'ombe yakwa, mûtingîavota gûtaûra ndaî yakwa.”

Atir 14:6

Roho wa Ngai-Mûnene nîwamûnyûrûrûkîre na vinya wa rîmwe na agîtucanga mûnyambû ûcio tûcunjî ta ûrîa mûndû atucangaga koori ka mbûri. Nwatî ndeera aciari ake ûrîa eekîte.

Atir 15:14

Rîrîa aakinyire Lehi, Afilisiti nîmaavinyûrire na kûrîa aarî makîmugagîrîria. Naguo roho wa Ngai-Mûnene nîwamwîkîrire vinya wa rîmwe na agîtucanga mîkanda îrîa yamwovanîtie njara. Yatuîkangire îkîgûcaga nthî ta mûvûra ûvîvîtue nî mwaki.

Atir 3:10

Othinieli nîwecûrirwe nî Roho wa Ngai-Mûnene na agîtuîka mûtongoria wa andû a Isiraeli. Nîwathiîre mbaararî na Ngai-Mûnene akîmûvotithia kûvoota mûthamaki Kushani Rishathaimu wa Mesopotamia.

1Sam 11:6

Rîrîa Saûlo eguire ûguo, Roho wa Ngai nîwaûkire na ûkîmûnyita na vinya na akîrakara mûno.

1Sam 6:17

Nao Afilisiti maavirîre Ngai-Mûnene nyimba ithano cia thaavu irî iveo nîûndû wa mevia mao. Wa îmwe yarutagîrwa îtûûra rîayo; îmwe îkîrutwa nîûndû wa îtûûra rîa Ashidodi, nayo îngî nîûndû wa îtûûra rîa Gaza, nacio icio ciîngî nîûndû wa matûûra ma Ashikeloni, Gathu, na Ekironi.

1Sam 6:4

Nao Afilisiti nîmaaûririe atîrî, “Nî kîveo kîrîkû tûngîmûvirîra gîa kûruta kîgongoona nîûndû wa mevia metû?” Na magîcokia makîmeera atîrî, “Tûnyamû tûtano twa thaavu tûviana nyimba na ngaara ithano îthondeketwe na thaavu, wa îmwe yacio îrî ya mûthamaki ûmwe wa Filisiti. Nîûndû mue muonthe wana athamaki enyu atano mwaverithirue na mûthiro wa mîrimû wata îo.