Atir 14:12 - ÎVUKU RÎA ÛVORO MWARO

¹² Samusoni nîwerire anake acio atîrî, “Nîngûmûgwatithia ndaî. Ethîrwa nîmûkûndaûrîra yo mîthenyarî îno mûgwanja ya kîrugo Kîam ûviki, nîngaamûva nguo mîrongo îthatû mbaro mûno na ciîngî mîrongo îthatû cia gûcenjia.

Atir 14:12 ပူးပေါင်းရင်းမြစ်များ

Kîam 45:22

Nîwamavere wa mûndû nguo cia gûcenjia, nwatî nîwavere Benjamini sîlûva magana mathatû na nguo cia gûcenjia maita matano.

1Atha 10:1

Rîrîa mûndûmûka ûrîa warî mûthamaki wa Sheba eegwire ngumo ya Solomoni ûvororî wîgiî rîîtwa rîa Ngai-Mûnene, nîwathiîre kûrî Solomoni kûu Jerusalemu nîguo amûgerie na njîra ya kûmûria ciûria ndito.

2Atha 5:22

Nake Gehazi nîwacokirie atîrî, “Gûtirî na thîna. Nwatî mwathi wakwa andûma ngwîre atî kûrî na anake aîrî a gîkundi Kîam arathi maûka wa rîu maumîte vûrûrirî ûrîa ûrî irîma wa Efiraimu, na nakûthaitha ûmave tûcunjî ngiri ithatû twa sîlûva na nguo igîrî cia gwîkagîra mîthenya îrîa mîamûre.”

2Atha 5:5

Nake mûthamaki wa Sîria nîwerire Namani atîrî, “Thiî wa rîu kûrî mûthamaki wa Isiraeli na ûmûvirîre maarûa îno.” Kwoguo Naamani nîwaumire kûu na akîthiî na tûcunjî ngiri mîrongo îthatû (30,000) twa sîlûva, tûcunjî ngiri ithathatû (6,000) twa thaavu, na nguo cia gûcenjia maita îkûmi.

2Maû 7:8

Solomoni na andû onthe a Isiraeli nîmaacokire magîkûngûîra kîrugo gîa tûnyomba îvinda rîa mîthenya mûgwanja. Kîrugorî kîu kwarî na gîkundi kînene mûno Kîam andû, amwe ao maaumîte mwanyarî wa Hamathi mwena wa rûgûrû, na engî mwena wa îveti mûvakarî wa Misiri.

Thaburi 49:4

Ngaathikagîrîria nthimo, na ndaarîrie ûrîa ciugîte ngîvûraga kînanda.

Nthi 1:6

nîguo mataûkagîrwe nî nthimo na ngerekano, mîario ya andû arîa aûgî na ndaî ciao.

Nthi 31:24

Mûndûmûka mwaro atumaga nguo mbaro na agaciendia, na nîendagia mîcivi kûrî andû arîa magûraga na makendia indo.

Ezek 17:2

“Mûndû! Gwatithania ndaî na warîrie andû a Isiraeli na ngerekano,

Ezek 20:49

Nînaacokire ngiuga atîrî, “Ngai-Mûnene! Andû aya mararia ûvoro wakwa makiugaga: ‘Kinthî mûndû ûyû ndaragia maûndû na ngerekano?’ ”

Mathaayo 13:13

Kîu nîkîo gîtûmaga nîmarîrie na ngerekano nîûndû maroragia na mationaga, nîmathikagîrîria nwatî matiîgucaga wana matitaûkagîrwa.

Mathaayo 13:34

Jesû nîwerire kîrîndî maûndû mama monthe agîtûmagîra ngerekano. Gûtirî ûndû ke aaugaga atagûtûmîra ngerekano.

Mathaayo 27:28

Nîmaacokire makîmûruta nguo ciake makîmwîkîra nguo ndune.

Mathaayo 6:19

“Tigagani kwîigîra ûtonga wenyu gûkû nthî kûrîa ûrîcagwa nî igunyû, ûrotaga ûgacûka, na kûrîa kûvunjagwa nî aîi makawîa.

Luka 14:7

Jesû nîwonire ûrîa ageni amwe meethuuragîra itî cia mbere kîrugorî, na kwoguo akîva andû onthe ngerekano îno:

Johana 16:29

Nao arutwa ake nîmaamwîrire atîrî, “Aia, rîu watwîra maûndû cararûkû ûtagûtûmîra ngerekano.

1Akor 13:12

Rîu twonaga maûndû mekariî ta kîruru gîciciorî, nwatî vîndî îo nîtûkaamonaga ûthiû kwa ûthiû. Rîu nîramenya maûndû wa gîcunjî tu. Vîndî îo ngaamenya maûndû monthe wata ûrîa Ngai ambîcî.

Jakuvu 5:2

Ûtonga wenyu nîmworu, na nguo cienyu nacio nî ndîe nî igunyû.

Atir 14:11

Rîrîa Afilisiti moonire Samusoni, nîmaatûmire anake mîrongo îthatû (30) nîguo mathiî mekaranie nake.

Atir 14:13

“Nwatî ethîrwa mûtingîvota kûndaûrîra yo nwanginya mûkaanengera nguo mîrongo îthatû mbaro mûno na ciîngî mîrongo îthatû cia gûcenjia.” Nao nîmaamwîrire atîrî, “Twîre ndaî îo yaku tûmîgue.”