Atir 13:8 - ÎVUKU RÎA ÛVORO MWARO

⁸ Nake Manoa nîwavoire Ngai-Mûnene akiugaga atîrî, “Nakûthaitha, Ngai-Mûnene, tiga mûndû wa Ngai ûrîa watûmire aûke rîngî kûrî tue nîguo atwîre ûrîa twagîrîrwe nî gwîka na kavîcî kau rîrîa gagaaciarwa.”

Atir 13:8 ပူးပေါင်းရင်းမြစ်များ

Ayubu 34:32

Monia mavîtia marîa ndavotaga kwona, ethîrwa nîmbîkîte maûndû macûku ndikameka rîngî.

Ciîko 9:6

“Nwatî ûkîra wa rîu, ûthiî îtûûrarî, na nîûkwîrwa ûrîa wagîrîrîtwe nî gwîka.”

Atir 13:11

Manoa nîwaûkîrire na makîthiî na mûka. Nîwathiîre kûrî mûndû ûcio na akûmûria atîrî, “We nîwe waragia na mûka wakwa?” Nake mûndû ûcio nîwacokirie atîrî, “Îî nînie.”

Atir 13:3

Mûraika wa Ngai-Mûnene nîwaumîrîre mûndûmûka ûcio na akîmwîra atîrî, “Taroria, we ûtûîre ûrî nthata, nwatî îvinda rîtarî îraca nîûkûgîa îvu na nîûgaaciara kavîcî.

Atir 13:6

Nake mûndûmûka ûcio nîwathiîre na akîra mûthuuriwe atîrî, “Mûndû wa Ngai nîwaûka kûrî nie. Nîonekaga arî wa kûgegania ta mûraika wa Ngai. Nie ndinamûûria kûrîa araumîte na ndanambîra rîîtwa rîake.

Atir 13:7

Nwatî nîambîrire atî nîngûgîa îvu na nîngaaciara kavîcî. Nîacokire ambîra atî ndikanyue ndivei kana njovi kana kîndû kîrî mûgiro nîûndû kavîcî kau nîgakaamûrîrwa Ngai ûtûûrorî wako wonthe na gakethîrwa karî Mûnazari.”

Atir 13:9

Ngai nîwekire ûrîa Manoa aamûririe, na mûraika wa Ngai nîwacokire kûrî mûka wa Manoa na akîmwîthîra mûgûndarî ekarîte nthî. Nwatî matiarî na mûthuuriwe, Manoa.