Atir 13:12 - ÎVUKU RÎA ÛVORO MWARO

¹² Manoa nîwaûririe mûndû ûcio atîrî, “Rîrîa ciugo ciaku ikaavinga-î, mûtûûrîre wa kaana kau ûkethîrwa ûrî wa mûthemba ûrîkû, na gakaaruta wîra ûrîkû?”

Atir 13:12 ပူးပေါင်းရင်းမြစ်များ

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

Thaburi 143:8

Ndirikanagia ûvoro wa wendo waku ûtathiraga wa kîraûko, nîûndû we nîwe nîîvokete. Monia njîra îrîa mbagîrîrwe nî kûthiîra, nîûndû we nîwe mvoyaga.

Nthi 22:6

Thomithia mwana njîra îrîa agîrîrwe nî kûthiîra, na wana akûra ndakaariganîrwa nîyo.

Nthi 4:4

vava nîwanthomithagia akambîra atîrî, “Igaga na kinyi maûndû marîa nîrakûthomithia ngororî yaku; vingagia maathani makwa, na nîûgûtûûra mwoyo.

Aefeso 6:4

Mue aciari tigagani gwîka ciana cienyu maûndû marîa mangîtûma irakare. Vandû va ûguo, imenyagîrîreni na mûitaarage ciîkage wata ûrîa mûndû ûrîa wîtîkîtie Mwathani agîrîrwe nî gwîka.

Atir 13:11

Manoa nîwaûkîrire na makîthiî na mûka. Nîwathiîre kûrî mûndû ûcio na akûmûria atîrî, “We nîwe waragia na mûka wakwa?” Nake mûndû ûcio nîwacokirie atîrî, “Îî nînie.”

Atir 13:13

Nake mûraika wa Ngai-Mûnene nîwerire Manoa atîrî, “Nwanginya mûkaguo akaavingia maûndû monthe marîa naamwîrire.