Atir 12:6 - ÎVUKU RÎA ÛVORO MWARO

⁶ nîmangîamwîraga atîrî, “Ta gweta kiugo gîkî, ‘Shibolethi’, nake akagweta, ‘Shibolethi,’ ” nîûndû ndangîavotaga gûkîgweta waro. Nîmaacokaga makamûnyita na makamûûragîra kûu mariûkorî ma Jorodani. Îvindarî rîu Aefiraimu ngiri mîrongo îna na igîrî (42,000) nîmaaûragirwe.

Atir 12:6 ပူးပေါင်းရင်းမြစ်များ

Thaburi 69:15

Ndûkandekererie ndwarwe nî mwîcûro wa manjî, kana mbûrîra kûrîa kûriku, kana gîkuû kîmerie.

Thaburi 69:2

nînîravorokera ndakarî ndikîru, kûndû gûtarî na nthî nyûmû, nîrî manjîrî marikîru, na nîrî vakuvî kûûrîra makûmbîrî ma manjî.

Nthi 17:14

Kîambîrîria Kîam ngucanio nîta gûtemera manjî mûkaro, kwoguo rigîrîria ngucanio mbere ya yumîra.

Nthi 18:19

Rîrîa watethia mûrwanyûkwe wîkaraga ta îtûûra rîrî na vinya, nwatî ngarari itigithanagia andû ta ivingo cia vandû varîa vagitîre.

Mûvunjia 10:12

Ciugo cia mûndû mûûgî nîitûmaga atîwe, nwatî kîrimû gîcûkangagua nî mîario yakîo.

Isaia 27:12

Mûthenya ûcio Ngai-Mûnene nîakaaûngania maketha make kuuma rûnjîrî rwa Farati nginya karûnjîrî ka Misiri, namue andû a Isiraeli nîmûkaaûnganua ûmwe kwa ûmwe.

Mathaayo 12:25

Nake Jesû nîwecî ûrîa meciragia, na kwoguo nîwamerire atîrî, “Ûthamaki wa wonthe ûngîgaûkana na andû a guo mambîrîrie kûrûa o ene, ûthamaki ûcio ndûngîvota kwîrûngamia. Narîo îtûûra wa rîonthe, kana nyomba îngîgaûkana, nao andû a îtûûra rîu kana nyomba îo mambîrîrie kûrûa o ene, nîkûvaragana mavaraganaga.

Mathaayo 26:73

Vuva wa kavinda kanini andû arîa maarûngamîte vau nîmaathiîre kûrî Petero na makîmwîra atîrî, “Na ma ûrî ûmwe wao nîûndû wana mwarîrie waku nîûragûcukanîrîra!”

Maariko 14:70

Nwatî Petero nîwakaanire rîngî. Na kavinda kanini kavîtûka, andû arîa maarûngamîte vo nîmeerire Petero atîrî, “We nwa nginya wîthîrwe wî ûmwe wa arîa mararî nake nîûndû wî Mûgalili.”

Agal 5:15

Nwatî ethîrwa mwîkaga ta nyamû cia kîthaka, mûgatûma andû maturwe na mathînanie. Îîmenyerereni nîûndû nwa mûthiranie viû.

Atir 12:5

Andû a Gileadi nîmeenyitîre mariûko monthe ma rûnjî rwa Jorodani kûrîa andû a Efiraimu mangîaringîre rûnjî. Nake mûndû wa wonthe wa Efiraimu angîaugaga etîkîrue aringe, andû a Gileadi nîmaamûragia atîrî, “We ûrî Mûefiraimu?” Nake angîaugire, “Naarî,”

Atir 12:7

Jefitha nîwatirîrîre vûrûri wa Isiraeli îvinda rîa mîaka îtandatû. Nîwacokire agîkua na akîthikwa mûciî gwake kûu îtûûrarî rîa Gileadi.