Atir 11:18 - ÎVUKU RÎA ÛVORO MWARO

¹⁸ Nîmaacokire makîthiî na mbere mavîtûkîrîrîte werûrî. Nîmaathiûrûrûkire vûrûri wa Edomu na vûrûri wa Moabu nginya magîkinya mwena wa îrathîro wa Moabu îrîa yarî mwena ûcio wîngî wa rûnjî rwa Arinoni. Nîmaambire magema mao vau, nwatî matiaringa rûnjî rwa Arinoni nîûndû nîruo rwarî mûvaka wa Moabu.

Atir 11:18 ပူးပေါင်းရင်းမြစ်များ

Ndari 20:22

Andû onthe a Isiraeli nîmaaumire Kadeshi na magîkinya kîrîmarî Kîam Hori,

Ndari 22:36

Rîrîa Balaki eegwire atî Balaamu arî njîrarî aûkîte, nîwathiîre kûmûtûnga îtûûrarî rîa Ari, îtûûra rîrîa rîatumîtwe vakuvî na rûnjî rwa Arinoni mûvakarî wa Moabu.

Gûco 2:18

‘Ûmûnthî nîmûkûvîtûkîrîra îtûûra rîa Ari mûvakarî wa vûrûri wa Moabu.

Gûco 2:24

“Twarîkia kûvîtûka vûrûri wa Moabu, Ngai-Mûnene nîwatwîrire atî, ‘Rîu ambîrîriani kûringa rûnjî rwa Arinoni. Nîngûnenganîra Sihoni, mûthamaki wa Aamori kuuma Heshiboni vamwe na vûrûri wake kûrî mue. Mûtharîkîreni na mwoce vûrûri wake.

Gûco 2:9

Ngai-Mûnene nîwambîrire atî, ‘Ndûkathînie andû a Moabu, njiarwa cia Loti, kana mûrûe nao, nîûndû nînîmavete îtûûra rîa Ari, na ndikaamûva wanarî gacunjî ka vûrûri wao.’ ”