Atir 10:6 - ÎVUKU RÎA ÛVORO MWARO

⁶ Aisiraeli nîmeevîrie Ngai-Mûnene rîngî. Nîmaagoocire Baali, Maashitarothu na ngai cia Moabu, Aamoni, na cia Filisiti. Nîmaatiganîrie Ngai-Mûnene na magîtiga kûmûtungatîra.

Atir 10:6 ပူးပေါင်းရင်းမြစ်များ

1Atha 11:33

Ngeeka ûguo nîûndû Solomoni nîandiganîrîtie na akagooca ngai cia mavûrûri marîa mengî. Nacio nî: Ashitorethu, ngai ya nga ya Asidoni; Kemoshi, ngai ya Amoabu; na Milikomu, ngai ya Aamoni. Solomoni nîatigîte gwîka ta ûrîa Daudi eekaga. Nîatigîte kûnûmîrîra, na nîatigîte kûvingia mawatho makwa, na agatiga kûrûmîrîra irîra ciamo irîa naamwathire.

1Atha 11:5

Solomoni nîwagoocire Ashitorethu, ngai ya nga ya andû a Sidoni, na Milikomu, ngai ya mawîvia ya Aamoni.

1Atha 11:7

Solomoni nîwatumire vandû vatûgîru va kûgoocagîra Kemoshi, ngai îrîa îrî mûgiro ya Moabu, na vandû vatûgîru va kûgoocagîra Moleku, ngai îrîa îrî mûgiro ya Aamoni mwena wa îrathîro wa Jerusalemu.

1Atha 16:31

Makîria ya kûrûmîrîra mîtugo mîcûku îrîa yekîtwe nî mûthamaki Jeroboamu, Ahabu nîwavikirie Jezebeli mwarî wa Ethibaali, mûthamaki wa Sidoni. Nîwatungatîre Baali na akîmîgooca.

2Atha 17:16

Nîmaaunire mawatho monthe ma Ngai-Mûnene Ngai wao, makîîrûthîra mîvuanano îîrî ya tûcaû twa Cuuma îrî mîrarûre. Wana nwa maarûthire mûvuanano wa ngai ya nga ya Ashera, na makagoocaga indo cionthe cia îgûrû, na magatungatîra Baali.

2Atha 23:13

Mûthamaki Josia nîwagwatirie mûgiro kûndû kûrîa gûtûgîru gwa kûgoocagîrwa mûthamaki Solomoni aatumîte mwena wa îrathîro wa Jerusalemu, kûthiî îveti rîa Kîrîma gîa Sini. Solomoni aatumîte kûndû kûu nîûndû wa kûgooca mîvuanano ya; Ashitorethu, ngai ya nga ya andû a Sidoni; Kemoshi, ngai ya andû a Moabu; na Moleku, ngai ya Aamoni na agîkûgwatia mûgiro.

2Maû 28:23

Nîwarutire magongoona kûrî ngai cia andû a Damesiki arîa maamûvootire akiuga atî, nîûndû ngai icio nîciatethirie Asîria ciavota kûmûtethia wanake. Nwatî ûndû ûcio nîwatûmire acûkangue wa vamwe na vûrûri wonthe wa Isiraeli.

Thaburi 106:36

Nîmaagoocire mîvuanano ya ngai ciao, na ûndû ûcio nîguo watuîkire mûtego wa kûmathiria.

Isaia 23:4

Conoka we Sidoni, îtûûra rîgitîre rûtere rwa îria, nîûndû îria nîrîarîtie rîkauga atîrî, “Ndianegua ûrûrû wa gûciara na ndianaciara; ndianarera anake kana ndera erîtu.”

Jeremia 2:13

Nîûndû andû akwa nîmekîte mavîtia maîrî; nîmandiganîrîtie nie îtherûkîro rîa manjî ma mwoyo, na makeînjîra iriko ciao cia manjî; iriko mbatûkangu itangiga manjî.

Jeremia 2:20

Kwa îvinda îraca nîwaunangire îcoki rîaku, na ûgîtucanga nyororo ciaku; na ûkiuga atîrî, “Tîngûtungatîra.” Nama karîmarî wa konthe, rungu rwa mûtî wa wonthe watuîkire ta îraa, wînamagîrîre ngai cia mîvuanano.

Jeremia 32:23

Nao nîmaatonyire vûrûri ûcio makîwîgwatîra, nwatî matiakwathîkîra kana marûmîrîra watho waku. Matianeka ûndû wanarî ûmwe wa marîa wamaathire. Kwoguo nîûtûmîte manyitwe nî mathîna mama monthe.

Ezek 27:16

Andû a Sîria nîmaarutithanirie wîra nawe wa kwendia na kûgûra indo nîûndû warî na indo nyîngî. Nîmaakûvere indo ta mathiga ma goro, itambaa cia rangi wa njambarawe, itambaa ino ng'emie na nguo mbaro nîguo nawe ûmave indo ciaku.

Gûco 13:6

“Ethîrwa mûrwanyûkwe, kana mûvîcîguo, kana mwarîguo, kana mûkaguo ûrîa wendete mûno, kana mûrata waku wa vakuvî nwa akûveenererie na nthitho akwîre mûthiî mûkagooce ngai ciîngî irîa we wana methe menyu mûtaicî,

Gûco 13:8

mûtigetîkîre mûndû ta ûcio amûveenererie kana mûmûthikîrîria. Mûtikeguîre mûndû ta ûcio ntha; mûtikamûgitîre kana mûmûthitha.

Gûco 31:16

Ngai-Mûnene nîwerire Musa atîrî, “Rîu îvinda rîaku rîa kuuma nthî îno rîrî vakuvî; na warîkia kuuma nthî îno, andû makethîrwa matarî evokeku kûrî nie na nîmakaaregana na kîrîkanîro kîrîa naarûthire nao. Nîmakaandiganîria na mambîrîrie kûgooca ngai cia mîvuanano irîa ivoyagwa nî andû a mavûrûri ma kûrîa mûthiîte kwîgwatîra.

Gûco 31:17

Rîrîa mageeka ûguo, nîngaarakara nîo na nîmatiganîrie, nao macoke macûkangue. Nîmakaagîa na mathîna na mînyamaaro mîîngî na nîmakaamenya atî marona mathîna na mînyamaaro îo nîûndû, Ngai wao ndarî vamwe nao.

Gûco 32:15

“Andû a Isiraeli nîmaarîre waro na makînora, nwatî makîregana nake; nîmaanorire magîtunguva na makîvaa mûno. Nîmaareganire na Ngai ûrîa wamaûmbire, na magîtiganîria mûvonokia wao mûnene.

Josh 13:31

Wana nîwanyitîte nuthu ya vûrûri wa Gileadi na îtûûra rîa Ashitarothu na rîa Edirei. Ashitarothu na Edirei nîmo maarî matûûra marîa manene ma mûthamaki Ogu wa Bashani. Kûu nîkuo kwagaîrwe nuthu ya mbarî ya Makiru mûvîcî wa Manase.

Atir 10:5

Jairi nîwacokire agîkua na akîthikwa kûu Kamoni.

Atir 11:24

Îigîre kîrîa Kemoshi, ngai yaku îkûveete? Natue nîtwîgwatîra kûrîa Ngai-Mûnene, Ngai wetû atûvete.

Atir 13:1

Andû a Isiraeli nîmeevîrie Ngai-Mûnene rîngî, nake Ngai-Mûnene nîwamarekererie wathanirî wa Afilisiti îvinda rîa mîaka mîrongo îna.

Atir 16:23

Athamaki a Afilisiti nîmaacemanirie vamwe nîguo makenanîre na marutîre Dagoni, ngai wao kîgongoona kînene. Maainaga atîrî, “Ngai wetû nîatûvotithîtie kûvoota Samusoni nthû yetû!”

Atir 3:7

Aisiraeli nîmeekire maûndû macûku mbere ya Ngai-Mûnene. Nîmaariganîrwe nîke na magîtungatîra ngai cia mîvuanano cia Baali na Asherothu.

Atir 4:1

Rîrîa Ehudi aakwire, andû a Isiraeli nîmeevîrie Ngai-Mûnene rîngî.

Atir 6:1

Andû a Isiraeli nîmeevîrie Ngai-Mûnene rîngî. Kwoguo Ngai-Mûnene nîwamarekererie wathanirî wa andû a Midiani îvinda rîa mîaka mûgwanja.

Atir 8:33

Gideoni arîkia gûkua, andû a Isiraeli nîmaatigire kwîvoka Ngai rîngî na makîambîrîria kûgooca Baali. Nîmaatuire Baali-berithu ngai yao.

1Sam 5:2

Nao nîmaacokire makîrîoca na makîrîvira hekarûrî ya ngai yao îrîa yetagwa Dagoni, na makîriigîrîra vakuvî na mûvuanano wa ngai îo.