Atir 1:33 - ÎVUKU RÎA ÛVORO MWARO

³³ Nao andû a mûvîrîga wa Nafutali matiengata andû arîa maatûûraga matûûrarî ma Bethishemeshi na Bethianathu. Maatûûranirie na Akanaani arîa maatûûraga vûrûrirî ûcio, nwatî nîmaarutithagia Akanaani acio wîra na vinya.

Atir 1:33 ပူးပေါင်းရင်းမြစ်များ

Thaburi 18:24

Kwoguo Ngai-Mûnene nîandathimaga nîûndû wa ûthingu wakwa, nîûndû nî aicî atî ndirî na mavîtia.

Josh 15:10

Nîwacokete ûkîthiûrûrûka Baali na mwena wa îthûîro ûkîthiî werekerete vûrûri ûrîa ûrî irîma wa Edomu na ûkîvîtûkîra mwena wa rûgûrû wa kîrîma Kîam Jearimu (kana Kesaloni) na ûkînyûrûrûkîra Bethishemeshi na Timina.

Atir 1:30

Andû a mûvîrîga wa Zebuluni matiengata andû arîa maatûûraga Kitironi kana arîa maatûûraga Nahalali, kwoguo Akanaani nîmaathiîre na mbere gûtûûrania na Azebuluni kuo. Nao Azebuluni nîmaarutithagia Akanaani wîra na vinya.

Atir 1:32

Andû a Asheri maatûûranirie na Akanaani arîa maatûûraga kûu nîûndû matiamengata.

Atir 1:34

Amori nîmeengatire na vinya andû a mûvîrîga wa Dani na makîthiî vûrûrirî ûrîa ûrî irîma na nîmaamagiririe manyûrûrûke kûndû kûrîa kwaraganu.

Atir 1:35

Amori nîmaathiîre na mbere gûtûûra Aijaloni, Sha-alibimu, na kîrîmarî Kîam Herihezi. Nwatî andû a mîvîrîga ya Efiraimu na Manase nîmaamavootire na nîmaarutithagia Amori acio wîra na vinya.