Atir 1:19 - ÎVUKU RÎA ÛVORO MWARO

¹⁹ Ngai-Mûnene nîwavotithirie andû a Juda kûnyita vûrûri ûrîa ûrî irîmarî, nwatî matiavota kûvoota andû arîa maatûûraga kûndû kûrîa kwaraganu nîûndû maarî na ikaari cia mbaara cia cuuma.

Atir 1:19 ပူးပေါင်းရင်းမြစ်များ

Kîam 39:2

Ngai-Mûnene aarî vamwe na Josefu, na nîwatûmire ûtûûro wake wagîre. Josefu eekaraga nyomba kwa mwathi wake Mûmisiri.

Kîam 39:21

Nwatî Ngai-Mûnene aarî vamwe na Josefu na nîwamwonagia wendo ûtathiraga na agîtûma endwe nî mûrûngamîrîri wa njera.

2Sam 5:10

Daudi nîwathiîre na mbere kûgîa na vinya nîûndû Ngai-Mûnene, Ngai mwene vinya wonthe aarî vamwe nake.

2Atha 18:7

Kwoguo Ngai-Mûnene nîwamûtethagia, na maûndû monthe marîa eekaga nîmaavucaga. Nîwakararirie mûthamaki wa Asîria na akîrega kûmwathîkîra.

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Thaburi 46:7

Ngai-Mûnene mwene vinya wonthe arî vamwe natue; Ngai wa Jakovu nîke mûgitîri wetû.

Thaburi 46:9

Nîathiragia mbaara kûndû kuonthe gûkû nthî, nîaunangaga mota, na agacûkangia matumû, na nîavîvagia ngo na mwaki.

Thaburi 60:12

Ngai arî mwena wetû nî tûkaavootana; nîke ûkaavoota nthû cietû.

Mûvunjia 9:11

Nînacokire ngîmenya ûndû wîngî atî gûkû nthî andû arîa marî îvenya mativootanaga îvenyarî vîndî cionthe, na arîa marî vinya mativootanaga mbaararî vîndî cionthe. Andû arîa aûgî matinyitaga kîrîa mendaga vîndî cionthe, andû arîa aûgî matitongaga, nao andû arîa marî ûmenyo matinenevagua maûndûrî. Maûndû macûku maûkaga kûrî andû onthe.

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Isaia 8:10

Îîcûranieni vamwe, nwatî mîvango yenyu ndîkaavinga! Rûthani mîvango, nwatî ndîgaakinyanîra, nîûndû Ngai arî vamwe natue.

Mathaayo 1:23

“Taroriani mwîrîtu nthingi nîakaagîa îvu, na aciare mwana wa kavîcî, ûrîa ûgeetwa Imanueli” (narîo rîîtwa rîîrî rîgîtaûrwa nî kuga “Ngai arî vamwe na tue”).

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

Afil 4:13

Nwambîke maûndû monthe na njîra ya ûrîa ûmvecaga vinya.

Josh 1:5

Gûtirî mûndû ûgaakûvoota vîndî îrîa yonthe ûgûtûûra mwoyo. Ngethagîrwa nîrî nawe ta ûrîa nethagîrwa nîrî na Musa. Ndigaagûtiganîria.

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”

Josh 14:12

Kwoguo ngaîra vûrûri ûyû ûrî irîma ûrîa Ngai-Mûnene aambîrîre mûthenya ûcio twamwindîre ûvoro. Mûthenya ûcio twamwîrire atî andû arîa metagwa Anaki maatûûraga matûûrarî manene na mairigîre. Ngai-Mûnene nî akûndethia na nie nîngûmengata maume kuo wata ûrîa ke aaugire.”

Josh 6:27

Kwoguo Ngai-Mûnene nîwethagîrwa arî vamwe na Joshua na ngumo ya Joshua nîyatambire kûndû kuonthe vûrûrirî.

Josh 7:12

Kwoguo andû a Isiraeli matingîvota gweterera nditi ya nthû ciao, nwa maûrire nîûndû o nîmetuîte a gûcûkangua. Nie ndingîmûtethia rîngî, nwamwambire gûcûkangia indo icio mûrî nacio irîa mwerirwe mûtigaikuue.

Atir 1:2

Nake Ngai-Mûnene nîwamacokerie atîrî, “Mûvîrîga wa Juda nîguo ûkûthiî ûrî wa mbere. Nie nînîmavete ûvootani îgûrû rîa vûrûri ûcio.”

Atir 4:13

nîwaûnganirie ikaari ciake magana kenda (900) cia mbaara cia cuuma, na andû onthe arîa maarî nake maume Haroshethu-hagoimu mathiî rûnjîrî rwa Kishoni.

Atir 4:3

Jabini aarî na ikaari magana kenda cia mbaara cia cuuma na nîwavinyîrîrie andû a Isiraeli îvinda rîa mîaka mîrongo îrî. Nao Aisiraeli nîmaakaîre Ngai-Mûnene amavonokie.

1Sam 18:12

Saûlo nîwetigagîra Daudi nîûndû Ngai-Mûnene aarî vamwe na Daudi, nwatî agatiganîria Saûlo.

1Sam 18:14

na nîwavootanaga maûndûrî marîa monthe eekaga, nîûndû Ngai-Mûnene aarî vamwe nake.

1Sam 18:5

Daudi nîwavootanaga kûrîa kuonthe Saûlo aamûtûmaga, na nîûndû wa ûguo Saûlo nîwamûtuire mûnene wa athigari ake. Ûndû ûyû nîwakenirie andû onthe wana ndungata cia Saûlo.