Atir 1:18 - ÎVUKU RÎA ÛVORO MWARO

¹⁸ Andû a mûvîrîga wa Juda nîmaavootire matûûra ma Gaza, Ashikeloni, Ekironi na mavûrûri marîa maamathiûrûrûkîrîtie.

Atir 1:18 ပူးပေါင်းရင်းမြစ်များ

1Atha 4:24

Solomoni aathanaga vûrûrirî wonthe ûrîa ûrî mwena wa îthûîro wa Rûnjî rwa Farati, kuuma Tifusa nginya Gaza. Athamaki onthe a mwena wa îthûîro wa rûnjî rwa Farati maathagwa nîke, na aatûûranirie nao na thayû vamwe na mavûrûri monthe marîa maariganîtie nake.

Ntha 23:31

Nîngekîra mîvaka ya vûrûri wenyu kuuma îriarî rîrîa Îtune nginyagia îria rîa Mediterania, na kuuma werûrî nginyagia rûnjîrî rwa Farati. Nîngaatûma mûvoote andû arîa matûûraga vûrûrirî ûcio, na nîmûkaamengata maume kuo.

Jeremia 25:20

na ageni onthe arîa matûûraga Misiri. Athamaki onthe a vûrûri wa Uzi, athamaki onthe a vûrûri wa Filisiti na nîmo: Ashikeloni, Gaza, Ekironi na matigari ma Ashidodi.

Jeremia 47:5

Andû a Gaza nî menjetwe irîya magîcakaya, îtûûra rîa Ashikeloni nîrîcûkangie viû. Mue matigari ma Anaki nîmûcakaya nginya rî?

Gûco 2:23

Vûrûri ûrîa ûrî rûtere rwa îria rîa Mediterania nginya îtûûra rîa Gaza watûûragwa nî andû a Avimu mbererî. Andû a kuuma gîcîgîrîrarî gîa Kirete nîmaamathiririe na magîoca vûrûri ûcio na magîtûûra kuo.)

Josh 11:22

Vûrûrirî wa Isiraeli gûtirî mûndû wa kîruka Kîam Anaki watigarire arî mwoyo. Andû mataarî engî ao maatigarire matûûrarî ma Gaza, Gathu na Ashidodi.

Josh 13:3

wa vamwe na vûrûri wonthe wa Avimu mwena wa îveti. (Vûrûri ûrîa wambîrîrîtie rûnjîrî rwa Shihori, mûvakarî wa Misiri nginya mwena wa rûgûrû mûvakarî wa Ekironi warî wa Kanaani. Athamaki a Afilisiti maatûûraga Gaza, Ashidodi, Ashikeloni, Gathu, na Ekironi) na vûrûri wa Avimu,

Josh 15:11

Nîwacokire ûkîvîtûka Timina na ûkathiî nginya îriarî rîa Mediterania. Mbere ya ûkinya îriarî rîa Mediterania nîwavîtûkîrîrîte kîrîmarî îgûrû kîrîa kîrî mwena wa rûgûrû wa Ekironi, nîwegatire ûthiîrîrîte Shikeroni, kîrîmarî Kîam Baali na ûkîthiî ûgîkinya Jamunia na ûkîthirîra îriarî rîa Mediterania.

Atir 14:19

Roho wa Ngai-Mûnene nîwamûnyûrûkîre wa rîmwe na ûkîmwîkîra vinya. Nîwanyûrûrûkire Ashikeloni na akîûraga andû mîrongo îthatû kûu îtûûrarî. Nîwacokire akîmaruta nguo ciao irîa mbaro mûno na akîinenganîra kûrî andû arîa maataûrîte ndaî. Vuva wa ûguo, Samusoni nîwacokire mûciî arî mûrakaru.

Atir 16:21

Afilisiti nîmaamûnyitire na makîmûkûûra metho. Nîmaamûvirire Gaza, makîmûthaîka na nyororo cia gîcango na akîvewa wîra wa kûthîaga na kîthîi arî njeera.

Atir 3:3

Ndûrîrî irîa ciatigirwe vûrûrirî wa Kanaani ciarî anene atano a Afilisiti, Akanaani onthe, Asidoni na Ahivi arîa maatûûraga kîrîmarî Kîam Lebanoni kuuma kîrîma Kîam Baali Herimoni nginya mwanyarî wa Hamathi.

1Sam 6:17

Nao Afilisiti maavirîre Ngai-Mûnene nyimba ithano cia thaavu irî iveo nîûndû wa mevia mao. Wa îmwe yarutagîrwa îtûûra rîayo; îmwe îkîrutwa nîûndû wa îtûûra rîa Ashidodi, nayo îngî nîûndû wa îtûûra rîa Gaza, nacio icio ciîngî nîûndû wa matûûra ma Ashikeloni, Gathu, na Ekironi.