Aroma 7:9 - ÎVUKU RÎA ÛVORO MWARO

⁹ Nie nînatûûraga mwoyo wana mbere ya menya watho. Nwatî rîrîa naamenyire maathani, mevia nîmaagîre vinya,

Aroma 7:9 ပူးပေါင်းရင်းမြစ်များ

Thaburi 40:12

Nthiûrûrûkîrîtue nî mathîna meengî mûno matangîtarîka! Mevia makwa mangunîkîte nginya ngaremwa nî kwona; mengîvîte gûkîra njuîrî cia kîongo gîakwa, nanie nîrî mûthiru vinya.

Mathaayo 19:20

Nake mwanake ûcio nîwacokirie atîrî, “Maathani mama monthe nînîmathîkîrîte, nî ûndû ûrîkû wîngî mbagîrîrwe nî gwîka?”

Luka 15:29

Nwatî mwanake ûcio nîwacokerie îthe atîrî, ‘Vava tathikîrîria ngwîre! Ngûrutîrîte wîra mîaka îno yonthe ndagûkûvîtîria, nwatî ndwanamva wanarî koori kamwe nîguo tûrîcanîre na arata akwa tûkenete.

Luka 18:21

Nake mûndû ûcio nîwamûcokerie atîrî, “Nie nîmbathîkîrîte maathani mama kuuma nîrî mûnini.”

Aroma 10:5

Musa nîwandîkire ûvoro wîgiî ûrîa mûndû atuîkaga mûthingu na njîra ya kwathîkîra watho na akiuga atîrî: “Mûndû wa wonthe wathîkagîra watho nî agaatûûra mwoyo.”

Aroma 7:10

na ngîkua. Narîo rîathani rîrîa rîngîatûmire ngîe na mwoyo, nîrîatûmire ngue.

Aroma 7:11

Mevia nîmaagîre na mweke na njîra ya rîathani. Namo nîmaamveenererie na makîmbûraga.

Aroma 7:4

Ariû na aarî a îthe wetû, ûguo nîguo maûndû mekariî wana kûrî mue. Ûvororî wîgiî watho mue wana mue nîmûkuîte nîûndû mûrî kîîga Kîam mwîrî wa Kristû. Na rîu mûrî a ûcio wariûkirue nîguo tûciarîre Ngai maciaro.

Aroma 7:6

Nwatî rîu tûrî ovore kuuma wathorî na tûrî akuû maûndûrî marîa matûtucaga ngombo. Rîu tûtungatagîra Ngai tûrî na mwoyo mûcerû wa Roho, nwatî tûtimûtungatagîra tûkîrûmagîrîra watho ûrîa mwandîke wa tene.

Aroma 7:8

Nîûndû wa rîathani rîu, mevia nîmaagîre na magîtûma nîrirîrie maûndû marîa monthe macûku. Nîûndû vatarî watho, mevia matirî vinya.

Aroma 8:7

Kwoguo andû arîa mathagwa nî maûndû ma mwîrî methagîrwa marî ûthû na Ngai, nîûndû matiathîkagîra Watho wake, na matingîvota kûwathîkîra.

Agal 2:19

Ûvororî wîgiî watho, mbîkariî ta mûndû mûkuû; mbûragîtwe nî watho guo mwene nîguo ndûûre ngîtungatagîra Ngai. Nie mbîkariî ta mûndû ûkuîte vamwe na Kristû mûtharavarî wake.

Agal 3:10

Andû arîa meciragia nîmagaatuwa athingu mbere ya Ngai nîûndû wa kûvingia watho nî arume. Nîûndû mandîko matheru maugîte atîrî: “Mûndû wa wonthe ûtavingagia maûndû monthe marîa mandîkîtwe wathorî nî mûrume.”