Aroma 7:4 - ÎVUKU RÎA ÛVORO MWARO

⁴ Ariû na aarî a îthe wetû, ûguo nîguo maûndû mekariî wana kûrî mue. Ûvororî wîgiî watho mue wana mue nîmûkuîte nîûndû mûrî kîîga Kîam mwîrî wa Kristû. Na rîu mûrî a ûcio wariûkirue nîguo tûciarîre Ngai maciaro.

Aroma 7:4 ပူးပေါင်းရင်းမြစ်များ

Isaia 54:5

Nîûndû ûrîa wakûmbire nîke mûthuuriguo, Ngai-Mûnene mwene vinya wonthe nîrîo rîîtwa rîake. Ûrîa Mûtheru wa Isiraeli nîke Mûkûri waku, ke etagwa Ngai wa nthî yonthe.

Isaia 62:5

Nîûndû wata ûrîa mwanake avikagia mwîrîtu nthingi, nwaguo ûrîa wakûmbire agaakûvikia. Na wata ûrîa mûvikania akenagîra mûviki wake, nwaguo Ngai waku agaakena nîwe.

Mathaayo 26:26

Rîrîa maarîcaga, Jesû nîwocire mûgate, akîûrathima, akîwenyûranga, akîûnengera arutwa ake na akîmeera atîrî, “Kani mûrîe, ûyû nî mwîrî wakwa.”

Maariko 4:20

Andû engî nao mekariî ta mbeû irîa ciagwîre mûtheturî ûrîa warî mûnoru. Aya nao nî arîa megucaga ndûmîrîri ya Ngai, makamîtîkîra na îkagîa na maciaro. Kûrî andû amwe ndûmîrîri îo nîîciaraga maita mîrongo îthatû, kûrî engî maita mîrongo îtandatû, na kûrî engî maita îgana.”

Johana 15:8

Mwagîa na maciaro meengî, mûkonekanaga mûrî arutwa akwa, na ûndû ûyû ûkaagoocithagia Vava.

Johana 3:29

Mûvikania nîke wîthagîrwa arî ke mwene mûviki, nwatî rîrîa mûrûngamîrîri wa ûviki arûngamîte vakuvî na mûvikania na akamûthikîrîria, nî ecûragwa nî gîkeno egua mûvikania akîaria. Na rîu gîkeno gîakwa nîgîcûru.

Johana 6:51

Nie nînie mûgate wa mwoyo ûrîa wanyûrûrûkire kuuma îgûrû. Mûndû wa wonthe ûrîcaga mûgate ûyû, agaatûûra tene na tene. Mûgate ûyû nî mwîrî wakwa ûrîa ngaavecana nîguo andû magîe na mwoyo.”

Aroma 6:11

Na njîra wata îo, mwagîrîrwe nî kwîyona ta mûrî akuû ûvororî wa mevia na atî mûtûûraga kûrî Ngai mûrî kîndû kîmwe na Jesû Kristû.

Aroma 6:14

Mevia matiagîrîrwe nî kûmwatha nîûndû mûtitûûraga rungu rwa watho, nwatî mûtûûraga rungu rwa wega wa Ngai.

Aroma 6:2

Naarî! Tue twakwire ûvororî wa mevia kûngîvoteka atîa tûthiî na mbere na kwîvia?

Aroma 6:22

Nwatî rîu mûrî ovore kuuma meviarî na mûrî ngombo cia Ngai. Naguo umithio ûrîa mûgîcaga naguo nî gûtûûra mwîyamûrîrîte Ngai na mûthiiarî mwoyo wa tene na tene.

Aroma 7:3

Kwoguo mûndûmûka ûcio angîtuîka wa mûndû wîngî mûthuuri wake arî mwoyo, atuîkaga mûtharia. Nwatî mûthuuri wake angîkua mûndûmûka ûcio ethagîrwa atarî mwove nî watho, na angîvikua nî mûthuuri wîngî ndangîtuîka mûtharia.

Aroma 7:6

Nwatî rîu tûrî ovore kuuma wathorî na tûrî akuû maûndûrî marîa matûtucaga ngombo. Rîu tûtungatagîra Ngai tûrî na mwoyo mûcerû wa Roho, nwatî tûtimûtungatagîra tûkîrûmagîrîra watho ûrîa mwandîke wa tene.

Aroma 8:2

Nîûndû watho wa Roho ûrîa ûtûmaga tûtûûre tûrî ndaarî ya Jesû Kristû nîmûnjovoru kuuma kûrî watho wa mevia na gîkuû.

1Akor 10:16

Gîkombe kîrîa tûtûmagîra vîndî îrîa tûrakûngûîra Irio cia Mwathani cia Kîvwaî nwa kîo tûtûmagîra vîndî îrîa tûracokia ngatho kûrî Ngai: vîndî îrîa tûranyuîra gîkomberî gîkî twîthagîrwa tûkînyunyanîra nthakame ya Kristû. Naguo mûgate ûrîa twenyûrangaga tûkîûrîa, twîthagîrwa tûkîrîcanîra mwîrî wa Kristû.

2Akor 11:2

Nînîramwîguîra wîru wata ûrîa Ngai amwîgucagîra, nîûndû mue mwîkariî ta mwîrîtu nthingi ûrîa nerîrîre akaavikua nî mûthuuri ûmwe, na nîke Jesû Kristû.

Agal 3:13

Nwatî Kristû nîwatuîkire kîrumi nîûndû wetû nîguo atûkûûre kuuma kûrî kîrumi kîrîa kîretagwa nî watho. Nîûndû Mandîko matheru maugîte atîrî “Mûndû wa wonthe mwambe mûtharavarî nî mûrume nî Ngai.”

Agal 5:18

Ethîrwa mûtongoragua nî roho, mûtirî rungu rwa watho.

Aefeso 2:15

Kristû nîwathiririe watho wa Ayahudi na maathani maguo nîguo athondeke rûrîrî rûcerû na rûrî kîndû kîmwe nake kuumana na ndûrîrî icio igîrî. Kwoguo nîwatûmire andû magîe na thayû.

Afil 1:11

Nayo mîtûûrîre yenyu îkeethagîrwa îcûrîtwe nî maûndû maro marîa maumanaga na ûthingu ûrîa ûvecanagwa nî Jesû Kristû tu nîûndû wa riiri na ngumo ya Ngai.

Afil 4:17

Nie ndirenda iveo kuuma kûrî mue, nwatî nîrenda mûgîe na maciaro marîa maumanaga na ûvecani.

Akol 1:10

Namue mûkaavotaga gûtûûra ta ûrîa Mwathani endaga na mûgeekaga maûndû marîa makenagia Mwathani vîndî cionthe. Namue mûkaagîcaga na maciaro maro maûndûrî monthe marîa mûgekaga na mûgakîragîrîria kûmenya Ngai.

Akol 1:22

Nwatî rîu na njîra ya kûûragwa kîîmwîrî kwa Mûriû wake, Ngai nîarîkîtie kûmûtua arata ake nîguo amûrete mbere yake mûrî atheru na athingu na mûtarî na ûcuke.

Akol 1:6

Ûvoro mwaro wîkaraga ûkîgîcaga na maciaro na nîûvunjagua nthî yonthe. Ûndû ûyû nîmûtuîkîku wana nginya gatagatîrî kenyu, nîûndû kuuma mûthenya ûrîa mwambîrîrie kwîgua ûvoro mwaro, nîmwambîrîrie gûtaûkîrwa nî ûma wîgiî wega wa Ngai.

Akol 2:14

Nîwavutire mûtaratara wa thirî îrîa yonanîtue nî watho atî twarî tûrîve. Thirî îo nîwamîthengutirie viû vîndî îrîa aamîvûrîre mîcumarî mûtharavarî.

Akol 2:20

Ethîrwa nîmwakwire vamwe na Kristû na mûgîtethûrwa kuuma kûrî maaroho marîa mathamakaga gûkû nthî na îgûrû, nîndûî vi gîtûmaga mûtûûre takwa mûrî a gûkû nthî? Nîndûî gîtûmaga mûrûmîrîre mawatho ta mama:

Ahib 10:10

Nîûndû Jesû Kristû nîwekire ûrîa Ngai eendete, tue tûrî atherie kuuma meviarî. Tûtheretue nî îgongoona rîa mwîrî wa Jesû Kristû ûrîa aarutire rita rîmwe rîa kwîgana.

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.

Kûguû 19:7

Nîtûkeneni na tûcanjamûke; nîtûkumieni ûnene wake! Nîûndû kavinda ga Gatûrûme kûgîa na mûviki nîgakinyu. Nake mûviki wake nîmwîvarîriu nîûndû waguo.

Kûguû 21:9

Ûmwe wa araika arîa mûgwanja maarî na mbakûri ciecûrîte mathîna marîa mûgwanja ma mûthiia nîwaûkire kûrî nie. Nîwambarîrie akîmbîra atîrî, “Ûka tûthiî, nanie nîngûkwonia mûviki, mûndûmûka wa Gatûrûme.”