Aroma 7:3 - ÎVUKU RÎA ÛVORO MWARO

³ Kwoguo mûndûmûka ûcio angîtuîka wa mûndû wîngî mûthuuri wake arî mwoyo, atuîkaga mûtharia. Nwatî mûthuuri wake angîkua mûndûmûka ûcio ethagîrwa atarî mwove nî watho, na angîvikua nî mûthuuri wîngî ndangîtuîka mûtharia.

Aroma 7:3 ပူးပေါင်းရင်းမြစ်များ

Ntha 20:14

“Ndûgeke ûndû wa ûtharia.

Alawi 20:10

Mûndûmûrûme angîkaamenyana kîîmwîrî na mûka wa mûndû ûrîa wîngî, mûndûmûrûme ûcio wana mûndûmûka ûcio nîmakaaûragwa.

Mathaayo 5:32

Nwatî rîu nie nîramwîra atî: mûthuuri wa wonthe ûtecaga mûka, tiga nwanga mûndûmûka ûcio ethîrîtwe atarî mwîvokeku kûrî mûthuuriwe, mûthuuri ûcio nîatûmaga mûndûmûka ûcio atuîke mûtharia ethîrwa nîakûvika rîngî. Nake mûndû wa wonthe ûvikagia mûndûmûka ûcio mûte, nîethagîrwa atharîtie.

Aroma 7:2

Mûndûmûka mûviku ethagîrwa ovanîtue nî watho kûrî mûthuuri rîrîa rîonthe mûthuuri wake arî mwoyo. Nwatî mûthuuri wake angîkua, mûndûmûka ûcio ndethagîrwa arî mwove nî watho ûcio.

Aroma 7:4

Ariû na aarî a îthe wetû, ûguo nîguo maûndû mekariî wana kûrî mue. Ûvororî wîgiî watho mue wana mue nîmûkuîte nîûndû mûrî kîîga Kîam mwîrî wa Kristû. Na rîu mûrî a ûcio wariûkirue nîguo tûciarîre Ngai maciaro.

Ruthu 2:13

Ruthu nîwacokirie atîrî, “Mwathi wakwa, we nîûmbîkîte maûndû maro mûno. Nîwatûma ngoro yakwa îvorere na wanyûmîrîria nîûndû wa kûmbarîria na ntha wana ethîrwa ndiîganeene wanarî na ûmwe wa ndungata ciaku.”