Aroma 4:3 - ÎVUKU RÎA ÛVORO MWARO

³ Mandîko matheru maugîte atîrî, “Iburahimu nîwetîkirie Ngai, na nîûndû wa wîtîkio wake, Ngai nîwamwîtîkîre ta mûndû mûthingu.”

Aroma 4:3 ပူးပေါင်းရင်းမြစ်များ

Kîam 15:6

Aburamu nîwetîkirie Ngai-Mûnene. Nîûndû wa ûguo Ngai-Mûnene nîwamwîtîkîre arî mûndû mûthingu.

Thaburi 106:31

Ûndû ûcio nîwatûmire aririkanagwe ta mûndû mûthingu, kuuma vîndî îo nginya tene na tene.

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Mathaayo 20:9

Rîrîa aruti wîra arîa maandîkirwe thaa ikûmi na îmwe maathiîre kûrîvwa, wa mûndû aarîvirwe dinarii îmwe.

Maariko 12:10

Nie nî na ma nîmûthomete mandîkorî atî ‘Îthiga rîrîa rîaregirwe nî atumi a nyomba, nîrîo rîtuîkîte rîa vata mûno, gûkîra marîa mengî monthe.

Aroma 10:11

Mandîko matheru maugîte atîrî, “Mûndû wa wonthe ûmwîtîkîtie ndagaaconorithua.”

Aroma 11:2

Ngai tîmûregu andû ake arîa ke aathuurire kuuma wa Kîammbîrîria. Mue nîmwîcî ûrîa Mandîko Matheru maugîte gacunjîrî karîa kandîkîtwe ûvoro wîgiî Elija. Elija nîwathaithire Ngai na agîcuka andû a Isiraeli akiuga atîrî,

Aroma 4:11

Nakuo kûrua gwake kwarî ta rûûri rwa kwonania atî nîwatuirwe mûthingu nî Ngai nîûndû wa wîtîkio wake wana mbere ya arue. Nake Iburahimu nîwatuirwe nî Ngai îthe wa Kîîroho wa arîa onthe metîkîtie, wana ethîrwa o tî aruu. Andû acio nîo Ngai atuîte athingu.

Aroma 4:5

Mûndû ûrîa ûtevokaga ciîko ciake nwatî nîwîtîkîtie Ngai ûrîa wovanagîra mevia, nîwîtîkîrîkaga nî Ngai nîûndû wa gwîtîkia gwake.

Aroma 4:9

Kîrathimo gîkî Daudi aaririe ûvoro wakîo nîkwa kîerîrwe arîa maruaga tu kana nî wana arîa mataruaga? Tugaga atî Iburahimu aatuirwe mûthingu nî Ngai nîûndû wa gwîtîkia.

Aroma 9:17

Nîûndû mandîkorî matheru Ngai erire mûthamaki wa Misiri atîrî, “Nie naagûtuire mûthamaki nîguo ngûtûmîre kwonania vinya wakwa na ngumo yakwa îtambe nthî yonthe.”

Jakuvu 2:23

Namo mandîko matheru nîmaavingirue marîa maugîte atîrî, “Iburahimu nîwetîkirie Ngai, na nîûndû wa wîtîkio wake, Ngai nîwamûtwire mûthingu.” Kwoguo Iburahimu nîwetirwe mûrata wa Ngai.

Jakuvu 4:5

Mûtigecirie atî gûtirî na ûma mandîkorî matheru marîa maugîte atîrî, “Ngai nîwîriragîria arî na wîru mwîngî Roho ûrîa eekîrire ndaarî yetû.”