Aroma 2:9 - ÎVUKU RÎA ÛVORO MWARO

⁹ Mûndû wa wonthe wîkaga ûndû mûcûku nîakoona thîna na ûrûrû, mbere kûrî Ayahudi na vuva kûrî andû a Ndûrîrî.

Aroma 2:9 ပူးပေါင်းရင်းမြစ်များ

2Maû 6:23

we Ngai-Mûnene nakûthaitha ûkaathikîrîria ûrî kûu îgûrû na ûtue ciira wa ndungata ciaku. Ûkaaverithia mûndû ûrîa ûkethîrwa avîtîtie na ûkaarekereria mûndû ûrîa ûkethîrwa atarî na mavîtia kûringana na ûthingu wake.

Thaburi 32:10

Andû arîa aganu nî makoona mathîna meengî, arîa mevokete Ngai-Mûnene nî agitîre nî wendo wake ûtathiraga.

Nthi 11:23

Merirîria ma mûndû mûthingu marîkagîrîria na ûndû mwaro; nwatî kîîrîgîrîro Kîam mûndû mwaganu kîrigagîrîria na marakara.

Ezek 18:4

Atîrî, mîoyo yonthe nî yakwa. Mwoyo wa îthe na wa mwana yoîrî nî yakwa. Mwoyo ûrîa ûvîtagia nîguo ûgaakua.’

Ezek 22:31

Kwoguo nînîmetîrîrîtie marakara makwa. Nîmaavîvîtie na mwaki wa mang'ûrîka makwa kûringana na mavîtia mao ngamathiria.” Ûguo nîguo nie Ngai-Mûnene mbugîte.

Amosi 3:2

Gatagatî ka mavûrûri monthe ma nthî, mue nwa mue mbîcî. Kwoguo nîngûmûverithia nîûndû wa mavîtia menyu monthe:

Mathaayo 16:26

Kûrî umithio ûrîkû wa mûndû kûgîa na ûtonga wa nthî yonthe nwatî acoke aûrwe nî mwoyo wake? Gûtirî kîndû wana kîmwe mûndû angîkûûranania mwoyo wake nakîo.

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Ciîko 11:18

Nao etîkia acio megua ûguo nîmaathiririe ngarari na makîgooca Ngai makiugaga atîrî, “Kwoguo Ngai nîavete wana andû a ndûrîrî kanya ga kwîrira nîguo matûûre mwoyo!”

Ciîko 13:26

“Ariû na aarî a îthe wetû, mue a mbarî ya Iburahimu, wa namue muonthe andû a ndûrîrî arîa mûgoocaga Ngai na mûrî ava: tue tuonthe nîtue tûtûmîrîtwe ndûmîrîri îno ya ûvonokio!

Ciîko 20:21

Nie nînarutire ûira kûrî Ayahudi na andû a Ndûrîrî ngîmeera merire mevia mao, macokerere Ngai na metîkie Mwathani wetû Jesû Kristû.

Ciîko 26:20

Nînaambîrîrie kûvunjîria andû ngîmeeraga atî nwanginya merire mevia mao, macokerere Ngai na meke ciîko cia kwonania atî na ma nîmerirîte. Nie naambire kûvunjia ûvoro ûyû Damesiki, ngîcoka ngîûvunjia Jerusalemu na vûrûrirî wonthe wa Judea na nginya kûrî andû a ndûrîrî.

Ciîko 28:17

Vuva wa mîthenya îthatû Paûlo nîwetire atongoria a Ayahudi vamwe. Na rîrîa maacemanirie nîwamerire atîrî, “Ariû na aarî a îthe wetû, ndianeka ûndû wana ûmwe ûreganîte na andû etû wana kana mîtugo îrîa twakinyîrue nî methe metû ma tene. Nwatî nînaanyitirwe na ngîvingîrwa njeera nîrî Jerusalemu na ngînenganîrwa kûrî Aaroma.

Ciîko 28:28

“Kwoguo nînîrenda mûmenye atî Ngai nîatûmîte ûvoro wake wa ûvonokio kûrî andû a ndûrîrî, na o nîmakûthikîrîria!”

Ciîko 3:26

Kwoguo Ngai nîwathuurire Ndungata yake na akîmîtûma kûrî mue mbere, nîguo îmûrathime na îtûme wa mûndû wa wonthe agarûrûke atige mîtugo yake ya waganu.”

Aroma 1:16

Nie ndiconokaga nî Ûvoro Mwaro nîûndû nîguo vinya wa Ngai wa kûvonokia arîa onthe metîkîtie mbere Ayahudi na vuva andû a Ndûrîrî.

Aroma 10:12

Nîûndû gûtirî ngûrani gatagatîrî ka Mûyahudi na mûndû wa Ndûrîrî. Ngai nî Mwathani wa andû onthe na nîavecanaga irathimo ciake nyîngî kûrî andû onthe arîa mamûkaagîra.

Aroma 2:10

Nwatî Ngai nî akaava andû onthe arîa mekaga maûndû maro riiri, gîtîîo na thayû, mbere Ayahudi na vuva andû a Ndûrîrî.

Aroma 8:35

Nî ndûî kîngîtûtigithania na wendani wa Kristû? Nî mathîna, kana kîeva, kana mînyamaaro, kana yûra, kana ûthîni, kana ûgwati wana kana kûûragwa?

Aroma 9:24

Tue nîtue andû arîa Ngai eetire, amwe maarî Ayahudi na amwe maarî andû a Ndûrîrî.

Agal 3:28

Kwoguo gûtirî ngûrani gatagatîrî ka Ayahudi na andû a Ndûrîrî, ngombo na arîa matarî ngombo, arûme na aka muonthe mûrî kîndû kîmwe na Kristû.

Akol 3:11

Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.

2Ath 1:6

Ngai nîageka ûrîa kwagîrîre. Nîagaatûma arîa mamûthînagia mone mathîna,

1Pet 4:17

Îvinda nîrîkinyu rîa kwambîrîria îtuîro na andû a Ngai nîo makwambîrîria gûtuîrwa. Ethîrwa nîtue tûkwambîrîria gûtuîrwa rî, gûkaarîkîrîria atîa na arîa matetîkîtie Ûvoro Mwaro ûrîa umîte kûrî Ngai?