Aroma 2:3 - ÎVUKU RÎA ÛVORO MWARO

³ We ûtucagîra andû arîa mekaga naaî, nwatî ûgacoka gwîka naaî, ûreciria nî ûkaavota kûûrîra îtua rîa Ngai?

Aroma 2:3 ပူးပေါင်းရင်းမြစ်များ

2Sam 10:3

atongoria a Aamoni nîmeerire mûthamaki atîrî, “Ûreciria atî nîûndû Daudi nîatûmîte anjaama maûke magûcakaithie nîkwa atîîte aguo mûno? Naarî tî ûguo! Amatûmîte gûkû marî athigani matuîrie îtûûra nîguo atûvoote!”

Ayubu 35:2

“Ûreciria ûndû ûyû nî mwaro, kuga ûrî mwagîrîru mbere ya Ngai?

Thaburi 50:21

Wîkîte maûndû mau monthe ngirîte, weciragia nie mbîkariî tawe? Nwatî rîu nînagûkaania, na nakûva ûvoro cararûkû.

Thaburi 56:7

Maverithie, we Ngai, nîûndû wa mavîtia mao; voota andû acio ûrî na marakara!

Nthi 11:21

Menyani nama atî nwanginya andû arîa acûku makaaverithua, nwatî andû arîa athingu nîmakaavonokua.

Nthi 16:5

Ngai-Mûnene nîathûrîte andû onthe arîa etîi, nama, andû acio nwanginya makaaverithua.

Ezek 17:15

Nwatî mûthamaki wa Jerusalemu nîwareganire na mûthamaki wa Babuloni. Nîwatûmire aarîrîria a vûrûri wake makîthiî nginya Misiri nîguo mûthamaki wa Misiri amûve mbarathi na athigari a mbaara. Mûthamaki wa Jerusalemu nî akaavootana? Mûndû ûrîa wîkîte ûguo nwa avonoke nîûndû nî aunîte kîrîkanîro? Kinthî twa nginya averithue?”

Ezek 17:18

Ke ndakaavonoka nîûndû nîwanyararire mwîvîtwa ûrîa eevîtire na akiuna kîrîkanîro kîrîa maarîkanîre na akîandîka agîkîra ûira.”

Danieli 10:19

Nîwambîrire atîrî, “We mûndû ûyû, Ngai nî mûkwendu mûno, ndûgetigîre! Gîa na thayû, gîa na vinya na ûmîrîrie!” Na rîrîa aambîrire ûguo, nînaagîre na vinya na ngiuga atîrî, “Mwathi wakwa, rîu mbîra ûrîa ûkwenda, nîûndû nîwambîkîra vinya.”

Mathaayo 23:33

Mue njoka na ciana cia njoka! Mûkaavota atîa kûûra nîguo mûtikathiî îcuarî!

Mathaayo 26:53

Anga ndwîcî nwambîtie ûtethio kuuma kûrî Vava, na andûmîre athigari makîria ya ikundi îkûmi na igîrî cia araika.

Luka 12:14

Nwatî Jesû nîwamûcokerie atîrî, “Mûrata wakwa, nî ûrîkû ûmvete rûtha rwa gûtua ciira yenyu na rwa kûgaa indo cienyu?”

Luka 22:58

Vuva wa kavinda kanini, mûndû wîngî nîwonire Petero na akîmwîra atîrî, “Wa nawe ûrî ûmwe wa o!” Nwatî Petero nîwamûcokerie atîrî, “We mûndû ûyû, tenya kûndeterere, nie ndîrî ûmwe wa o!”

Luka 22:60

Nwatî Petero nîwamûcokerie atîrî, “Mûndû ûyû, tenya kûndeterere, nie wana ndiramenya ûrîa ûrauga!” Kavinda wa kau aaragia, ngûkû nîyagambire.

Aroma 1:32

Nîmaicî atî Watho wa Ngai ugîte atî arîa onthe mekaga maûndû ma waganu magîrîrwe nî gûkua. Nwatî nîmathiîcaga na mbere na kûmeka na kûgathîrîria andû arîa mekaga maûndû ta mau.

Aroma 2:1

Mûrata wakwa ethîrwa we nîûtucagîra andû arîa engî, ndûrî na kîîgwatio wana ethîrwa we nîwe û. Nîûndû rîrîa ûgûtuîra andû arîa engî ûgacoka ûgeka maûndû marîa maratûma ûmatuîre, nîwe mwene ûretuîra.

Aroma 2:2

Nîtwîcî atî îtua rîa Ngai nî rîa ma kûrî andû arîa mekaga maûndû ta mau.

Aroma 9:20

Nwatî we nîwe û mûrata wakwa atî nîguo ûcokerie Ngai? Nyûngû ya yûmba ndîagîrîrwe nî kûria ûrîa wa mîûmbire atîrî, “Wanyûmbire ûguo nîkî?”

1Ath 5:3

Rîrîa andû makeethîrwa makiugaga, “Tûrî na thayû na tûrî agitîre,” nîmagaacûkangua wa rîmwe wata ûrûrû ûrîa ûkaga kûrî mûndûmûka agîciara. Andû matikaavota kûra.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

Ahib 2:3

Tûngîrega kûverithua atîa tûngîtiganîria ûvonokio mûnene ta ûyû? Mwathani nîke warî wa mbere kwanîrîra ûvonokio ûyû, natue nîtwamenyithirue atî nî wa ma nî arîa maamwîgwire.