Amosi 9:7 - ÎVUKU RÎA ÛVORO MWARO

⁷ Ngai-Mûnene arauga atîrî, “Mue andû a Isiraeli, nîmwîciragia wata ûrîa nîîciragîria andû a Ethiopia. Nînarutire andû a Isiraeli vûrûrirî wa Misiri, na ngîruta Afilisiti kuuma Kirete, na andû a Sîria ngîmaruta Kiru.

Amosi 9:7 ပူးပေါင်းရင်းမြစ်များ

2Atha 16:9

Mûthamaki wa Asîria nîwathîkîre Ahazi, na nîwathiîre marî na athigari ake a mbaara na makîtharîkîra îtûûra rîa Damesiki. Nîwarînyitire, akîûraga mûthamaki Rezini na akîvira andû Kiri marî mîgwate.

2Maû 14:12

Kwoguo Ngai-Mûnene nîwavootire athigari a mbaara a Ethiopia rîrîa Asa na athigari a mbaara a Juda maamatharîkîre. Athigari a Ethiopia nîmaaûrire,

2Maû 14:9

Zera wa kuuma Ethiopia nîwathiîre kûrûa na Asa arî na athigari milioni îmwe (1,000,000) na ikaari magana mathatû (300) cia mbarathi. Aathiîre nginya agîkinya îtûûrarî rîa Maresha.

Ntha 12:51

Na mûthenya ûcio Ngai-Mûnene nîwarutire andû a mîvîrîga ya Isiraeli vûrûri wa Misiri.

Isaia 20:4

Ûguo nîguo mûthamaki wa Asîria akaathiî na andû arîa akaanyita marî mîgwate kuuma vûrûrirî wa Misiri na Ethiopia. Andû ethî na akûrû makaathiî marî njaga na marî magûrû matheri, matarî na thuruvarî. Ûguo nîguo Misiri îgaaconorithua.

Isaia 22:6

Athigari a mbaara a Elamu nîmaaûkire na mota na mîguî, marî na ikaari cia mbaara na andû matwîte mbarathi, nao athigari a Kiri nîmaavarîrie ngo ciao.

Isaia 43:3

Nîûndû nie nînie Ngai-Mûnene Ngai wenyu, Ûrîa Mûtheru wa Isiraeli, mûvonokia wenyu. Nîngûvecana îrîvi Misiri nîguo ngûkûûre, nîngûvecana Ethiopia na Seba nîguo mûrekererue.

Jeremia 13:23

Mûndû nwa agarûre rangi wa ngoothi yake, kana ngarî îcenjie maroro mayo? Ethîrwa nwa magarûre, wana mue mûmenyerete gwîka naaî, nwa mwîke maûndû marîa magîrîrîte.

Jeremia 47:4

Mûthenya nî mûkinyu wa kûûraga Afilisiti onthe, kûthiria ûtethio wonthe ûrîa watigarîte kuuma Turo na Sidoni. Nîûndû Ngai-Mûnene nîaracûkangia Afilisiti, andû onthe arîa matigarire gîcîgîrîrarî gîa Kirete.

Hosea 12:13

Na njîra ya mûrathi Ngai-Mûnene nîwarutire andû a Isiraeli kuuma Misiri, na na njîra ya mûrathi Ngai nîwamagitîre.

Amosi 1:5

Nîngaaunanga ivingo cia îtûûra rîa Damesiki, na njûkangie arîa matûûraga Kîamndarî Kîam Aveni, na ûrîa wathanaga Bethedeni; na andû a Sîria nîmakaathiî îthamîriorî. Ûguo nîguo Ngai-Mûnene arauga.

Amosi 2:10

Nînacokire ngîmûruta vûrûri wa Misiri, ngîmûtongoria werûrî mîaka mîrongo îna, nîguo mûkegwatîre vûrûri wa Amori.

Gûco 2:23

Vûrûri ûrîa ûrî rûtere rwa îria rîa Mediterania nginya îtûûra rîa Gaza watûûragwa nî andû a Avimu mbererî. Andû a kuuma gîcîgîrîrarî gîa Kirete nîmaamathiririe na magîoca vûrûri ûcio na magîtûûra kuo.)