Amosi 9:5 - ÎVUKU RÎA ÛVORO MWARO

⁵ Ngai-Mûnene mwene vinya wonthe, ûrîa ûvutagia nthî îkararûka, na arîa onthe matûûraga kuo magacakaya, na vûrûri wonthe ûgecûra ta rûnjî rwa Nilo, na ûkavwa rîngî ta rûnjî rwa Nilo ya Misiri;

Amosi 9:5 ပူးပေါင်းရင်းမြစ်များ

Thaburi 104:32

Aroragia nthî îkainaina, anyitaga irîma ikauma ndogo.

Thaburi 144:5

We Ngai-Mûnene vingûra matû maku na ûnyûrûrûke nthî; vutia irîma nîguo irute ndogo!

Thaburi 32:6

Kwoguo andû onthe arîa makûrûmagîrîra nîmakûvoyage vîndî cionthe, vîndî îrîa mathîna maûka ta mwîcûro wa manjî, matigaakinyagîrîrwa nî mo.

Thaburi 46:6

Mavûrûri nî mamaku, mothamaki makainaina; rîrîa Ngai aria, nthî nîîrarûkaga ta mûvûra.

Thaburi 97:5

Irîma irarûkaga ta mûvûra irî mbere ya Ngai-Mûnene, mbere ya Mwathani wa nthî yonthe.

Isaia 64:1

Naarî kethîrwa wavingûra matu ûnyûrûrûke nthî, irîma ingîkwona ikainaina nî guoya.

Jeremia 12:4

Nî nginya rî vûrûri ûgwîkara ûgîcakayaga, na nyaki yonthe îrî nyûmû mîgûndarî. Nyamû na iconi nîkwa irakua, nîûndû wa waganu wa andû acio, marauga atî: “Ngai ndarona ûrîa tûreka.”

Hosea 4:3

Kwoguo vûrûri wonthe nî werû, na kîûmbe kîonthe gîtûûraga vûrûrirî ûcio nîkîrathirua; wana nyamû cia kîthaka na iconi; wana nthamaki cia îriarî nîiracûkangua.”

Amosi 8:8

Nîûndû wa gîtûmi gîkî, nthî nîkainaina, na mûndû wa wonthe ûtûûraga nthî acakae. Vûrûri wonthe nîûgecûra ta rûnjî rwa Nilo, ûgaaikanagia ta rûnjî rwa Nilo.”

Nahumu 1:5

Irîma nîcinainaga mbere yake, na tûrîma tûkararûka. Rîrîa Ngai-Mûnene aumîra nthî nîinainaga, nthî na indo cionthe irîa irî kuo.

Nahumu 1:6

Nû ûngîvota gwîtirîria marakara ma Ngai-Mûnene? Nû ûngîvota gwîtirîria ûrûrû wa marakara make? Mang'ûrîka make metûrûragwa ta mwaki; na nîenyûrangaga mathiga inuku.

Habakuku 3:10

Irîma ciakwonire igîtetema, gûkîgîa na mwîcûro wa manjî kuuma maturî. Manjî ma îria kûrîa kûriku makîruruma, na magikia makûmbî ma manjî na îgûrû.

Mathaayo 7:27

Mbura nîyaurire, nyûnjî ikiuna, ngûngi ikîvurutana na ikîringa nyomba îo na vinya. Nayo nîyagwîre na vinya îkîvaragana!”

Kûguû 20:11

Nînacokire ngîona gîtî kînene Kîam ûthamaki Kîam rangi njerû, na ûrîa ûgîkaragîra. Îgûrû na nthî nîciathengutire mbere yake, itianacoka kwoneka rîngî.