Amosi 9:13 - ÎVUKU RÎA ÛVORO MWARO

¹³ Ngai-Mûnene arauga atîrî, “Taroria, mîthenya nîgûkinya, rîrîa ngano îgaakûra na îvenya gûkîra rîrîa ikethagwa, na thavibu ikûre na îvenya gûkîra rîrîa ingîvivwa. Irîma ikaatherûkaga ndivei ya kûvivwa wa rîo, na tûrîma tûgetûrûraga ndivei.

Amosi 9:13 ပူးပေါင်းရင်းမြစ်များ

Kîam 49:11

Nîathaîkaga njaû ya mvunda yake mûthaviburî, amîthaîkagîrîra mûthaviburî ûrîa mwaro mûno. Athambagia nguo ciake na ndivei îrîa ndune ta nthakame.

Thaburi 97:5

Irîma irarûkaga ta mûvûra irî mbere ya Ngai-Mûnene, mbere ya Mwathani wa nthî yonthe.

Isaia 16:10

Gûtirî gûkena na gûcanjamûka mûgûndarî ûrîa ûraciaraga mûno. Gûtirî nyîmbo cinagwa mîgûndarî ya mîthavibu. Gûtirî mûndû ûvivagîra ndivei kîvivîrorî, na ngemi nî nthiru.

Isaia 55:13

Îthenya rîa kûmere mîgua gûkaamera mîvondo; îthenya rîa kûmere nthaugû gûkaamera mîandathi. Rûu nîruo rûkethîrwa rûrî rûûri rwa kûririkanagia andû maûndû marîa nie Ngai-Mûnene mbîkîte, na rûgaatûûra tene na tene.”

Ezek 28:26

Nîmagaatûûra kuo marî agitîre. Nîmagaatuma nyomba kuo na mavande mîtî ya mîthavibu. Magaatûûra marî agitîre nîûndû nîngaaverithia mavûrûri marîa mariganîtie nao marîa maamavinyagîrîria. Na nîmakaamenya atî nie nînie Ngai-Mûnene Ngai wao.”

Ezek 36:35

Andû nîmakaauga atî vûrûri ûrîa watiganîrîtue rîu ûtuîkîte ta mûgûnda wa Edeni. Namo matûûra marîa maarî momoku, na magatuîka maganjo rîu nîmatûûrîtwe rîngî na makagitîrwa na nthingo.

Joeli 2:24

Vandû va kûvûrîra vakethîrwa vecûrîte ngano; kîvivîro nîgîgeecûra ndivei na maguta.

Joeli 3:18

Vîndî îo, irîma nîikaanyûrûrûkia ndivei îrî na mûrîo, na irîmarî kumage îria, gûkethîrwa kûrî na manjî tûrûnjîrî tuonthe twa Juda. Gûkethîrwa kûrî na karûnjî nyombarî ya Ngai-Mûnene, karûnjî kau nîgakaathiîrîra Kîamndarî gîa Shitimu.

Joeli 3:20

Nwatî Juda na Jerusalemu nîgûtûûra na andû vîndî cionthe.

Alawi 26:5

Irio cienyu nîikengîva na mûikethage nginya vîndî ya gûketha thavibu, na mûkethîrwa mûgîketha thavibu nginya vîndî ya kûvanda ngano. Mûkethagîrwa mûrî na irio nyîngî irîa mûvatarîte na mûtûûre vûrûrirî wenyu mûrî agitîre.

Amosi 9:5

Ngai-Mûnene mwene vinya wonthe, ûrîa ûvutagia nthî îkararûka, na arîa onthe matûûraga kuo magacakaya, na vûrûri wonthe ûgecûra ta rûnjî rwa Nilo, na ûkavwa rîngî ta rûnjî rwa Nilo ya Misiri;

Johana 4:35

Mue mwîthagîrwa na nthimo yugaga atîrî, ‘Îvinda rîa gûketha rîtigarîtie mîeri îna tu.’ Nwatî nie nîramwîra atîrî, vingûrani metho menyu na mûrorie mîgûnda mwone atî maciaro ma kîmera gîkî nî makûrû!

Atir 5:5

Irîma nîciainainire mbere ya Ngai-Mûnene wa Sinai, mbere ya Ngai-Mûnene, Ngai wa Isiraeli.