Amosi 8:8 - ÎVUKU RÎA ÛVORO MWARO

⁸ Nîûndû wa gîtûmi gîkî, nthî nîkainaina, na mûndû wa wonthe ûtûûraga nthî acakae. Vûrûri wonthe nîûgecûra ta rûnjî rwa Nilo, ûgaaikanagia ta rûnjî rwa Nilo.”

Amosi 8:8 ပူးပေါင်းရင်းမြစ်များ

Thaburi 18:7

Nthî nîyagîre na kîthingithia na îkinaina, itina cia irîma wana cio nîciainainire, nîûndû Ngai aarî mûrakaru.

Isaia 5:25

Kwoguo Ngai-Mûnene nî mûrakaru nî andû ake, nîatambarûkîtie njara yake akamaûraga. Irîma nîithingithîte, na ciimba cia andû arîa maûragîtwe ciîkariî ta ndagara njîrarî. Kûnarî ûguo, marakara make matiathira, nwatî nwa atambarûkîtie njara amaverithie.

Jeremia 12:4

Nî nginya rî vûrûri ûgwîkara ûgîcakayaga, na nyaki yonthe îrî nyûmû mîgûndarî. Nyamû na iconi nîkwa irakua, nîûndû wa waganu wa andû acio, marauga atî: “Ngai ndarona ûrîa tûreka.”

Jeremia 46:7

Nîûrîkû ûyû wîkariî ta rûnjî rwa Nilo, ta nyûnjî ciîcûrîte ikauna?

Jeremia 46:8

Misiri îcûraga ta rûnjî rwa Nilo, ta nyûnjî irîa ciîcûraga ikauna. Aaugire atî nîngwîcûra nginya ngunîkîre nthî, nîngacûkangia matûûra vamwe na arîa matûûraga kuo.

Jeremia 51:29

Nthî nîîratetema na îkainaina nîûndû wa ûrûrû, nîûndû ûrîa Ngai-Mûnene avangîte gwîka Babuloni nwa nginya eke, atûme vûrûri wa Babuloni ûtuîke werû, kûndû gûtatûûragwa nî andû.

Danieli 9:26

Îvinda rîu rîathira mûtongoria ûrîa mwamûre nî Ngai nîakaaûragwa na njîra îtarî ya kîvooto. Îtûûra rîu na hekarû nîigaacûkangua nî athigari a mbaara a mûtongoria ûrî vinya mûno. Mûthiia wa îtûûra rîu ûgaakinya ta mwîcûro wa manjî. Ngai nîarutîte watho akauga, îtûûra rîu rîthirue viû.

Hosea 10:5

Andû arîa matûûraga Samaria nîmagaatetema, nîûndû wa njaû ya Bethaveni. Andû a kuo nîmagacakaîra njaû îo, wana athînjîri-Ngai arîa magoocaga ngai cia mûviano nîmakaamînamîrîria, makarîra nîûndû riiri wa njaû îo nîmûthengutie.

Hosea 4:3

Kwoguo vûrûri wonthe nî werû, na kîûmbe kîonthe gîtûûraga vûrûrirî ûcio nîkîrathirua; wana nyamû cia kîthaka na iconi; wana nthamaki cia îriarî nîiracûkangua.”

Amosi 8:10

Nîngaatûma irugo cienyu ituîke kîrîro, na nyîmbo cienyu cionthe ituîke cia macakaya. Nîngaatûma andû onthe mekîre nguo cia macakaya, na ndûme menje njuîrî cionthe ciongorî ciao, gûgekara ta andû magîcakaîra mwana wa kîmomwe, na mûthenya wa mûthiia ûkethîrwa ûrî na ûrûrû mwîngî.

Amosi 9:5

Ngai-Mûnene mwene vinya wonthe, ûrîa ûvutagia nthî îkararûka, na arîa onthe matûûraga kuo magacakaya, na vûrûri wonthe ûgecûra ta rûnjî rwa Nilo, na ûkavwa rîngî ta rûnjî rwa Nilo ya Misiri;

Nahumu 1:8

Rîrîa nthû ciathithûkîra vûrûri ta mwîcûro wa manjî, ke nîaicûkangagia, nîarûmagîrîria nthû ciake nginya ndumarî.

Mathaayo 24:30

Nakîo kîmenyithia gîa gûka kwa Mûrû wa Mûndû nîgîkeyumîria matuurî. Nao andû onthe a nthî nîmakaarîra moona Mûrû wa Mûndû agîûka arî ndaarî ya matu ma îgûrû, arî na vinya na riiri mwîngî.