Amosi 8:11 - ÎVUKU RÎA ÛVORO MWARO

¹¹ Ngai Mûnene arauga atîrî, “Taroria îvinda nîrîgûkinya, rîrîa ngaatûma kûgîe na yûra gûkû nthî, tî yûra rîa mûgate kana nyonda ya manjî, nwatî nî yûra na nyonda ya ndûmîrîri ya Ngai-Mûnene.

Amosi 8:11 ပူးပေါင်းရင်းမြစ်များ

2Maû 15:3

Aisiraeli maatûûrîte kavinda karaca matarî na Ngai ûrîa wa ma, na matarî na mûthînjîri-Ngai wa kûmathomithia na matarî na watho.

Thaburi 74:9

Marûûri metû monthe marîa matheru nî mathiru; gûtirî mûrathi wanarî ûmwe mûtigaru, na gûtirî mûndû wanarî ûmwe gatagatîrî getû wicî nîgwîkara ûguo nginya rî.

Nthi 29:18

Andû matarûmagîrîra ûrîa Ngai endaga matirî mîtugo mîaro, kûrathimwa nî mûndû ûrîa wathîkagîra watho wa Ngai.

Isaia 5:6

Nîngaaûrekereria ûcûkangue viû; ndigacaa mîthavibu ya mûgûnda ûcio na ndîkaamîrîmîra. Nîûkaamera nthaugû na mîgua; na nîngaatha matu matikaurithie mbura mûgûndarî ûcio rîngî.”

Ezek 7:26

Maûndû macûku magaaûka marûmanîrîrîte. Ndûmîrîri cia maûndû macûku igaaûkaga irûmanîrîrîte. Nîmagaacaragia kîoneki kuuma kûrî arathi. Athînjîri-Ngai nîmagaatura ûndû wa kûthomithania, nao athuuri matikethîrwa marî na kîrîra.

Hosea 2:3

Ethîrwa tî ûguo nîngûmûruta nguo atigwe arî njaga, nîngatûma ekare ta ûrîa aaciarirwe. Nîngatûma ekare ta werû, nîngatûma ekare ta nthî nyûmû. Nîngamûraga na nyonda.

Mika 3:6

“Mue arathi, nîgûgaatuka mûtige kwona cioneki, mûrumîrûe nî nduma mûtige kwona maûndû, mûtigacoka kûgîa na cioneki, kana kûratha ûndû wanarî ûmwe.”

Mathaayo 9:36

Na rîrîa Jesû oonire kîrîndî nîwakîguîrîre ntha, nîûndû kîonekaga gîtangîkîte na kîthînîkîte ta ng'ondu itarî na mûrîthi.

1Sam 28:15

Nake Samueli nîwaûririe Saûlo atîrî, “Ûranthînia nîkî na njîra ya gûtûma mbûke gûkû?” Nake Saûlo nîwacokirie atîrî, “Nie nînîrathînîka mûno, nîûndû Afilisiti nîmararûa nanie, na Ngai nîandiganîrîtie. Ke ndaranjokeria ûndû wanarî ûrîkû na njîra ya arathi kana ya iroto. Kwoguo nagwîta nîguo ûmbîre ûrîa mbagîrîrwe nî gwîka.”

1Sam 28:6

Kwoguo nîwaûririe ûtaaro kuuma kûrî Ngai-Mûnene, nwatî ndaamûcokeria wanarî vanini na njîra ya iroto kana na njîra ya Urimu na Thumimu kana na njîra ya arathi.

1Sam 3:1

Nake mwanake ûcio wetagwa Samueli nîwathiîre na mbere gûtungatîra Ngai-Mûnene akîonagîrîrua nî Eli. Vîndî îo ndûmîrîri ciumîte kûrî Ngai-Mûnene vamwe na cioneki itiethagîrwa irî nyîngî.