Amosi 7:9 - ÎVUKU RÎA ÛVORO MWARO

⁹ Kûrîa gûtûgîru njiarwa cia Isaka igoocagîra nîngaagûcûkangia viû, nacio nyomba irîa nyamûre cia andû a Isiraeli igatuîka maganjo na nîngaatharîkîra nyomba ya Jeroboamu na rûviû rwa njûra.”

Amosi 7:9 ပူးပေါင်းရင်းမြစ်များ

Kîam 46:1

Isiraeli nîwocire indo ciake cionthe na akîthiî Beerisheba. Rîrîa aakinyire kuo, nîwarutîre Ngai wa îthe Isaka îgongoona.

2Atha 14:24

Nîwekire maûndû marîa mataakenagia Ngai-Mûnene na njîra ya gwîka mawîvia monthe marîa meekagwa nî mûthamaki Jeroboamu mûvîcî wa Nefati ûrîa warî mûthamaki wa Isiraeli mbere yake. Jeroboamu nîwatûmire andû a Isiraeli mevie.

Isaia 63:18

Tue andû aku atheru, nîtwegwatîre hekarû yaku gwa kavinda, nwatî nîtwengatirwe nî nthû cietû: nîciomomorire hekarû yaku.

Jeremia 51:51

Mugaga atî: ‘Nîtûconorithîtue na tûkamenererua; twîcûrîtwe nî gîconoko, nîûndû ageni nîmatonyete kûndû kûrîa kûtheru nyombarî ya Ngai-Mûnene.’ ”

Ezek 6:3

ûciîre, mue irîma cia Isiraeli thikîrîriani ciugo cia Ngai-Mûnene! Mwathani Ngai nîwarîrîtie irîma na tûrîma, ivarûrûko na cianda na agaciîra atî: nie nîngaamûretithîria mbaara na nîngaacûkangia kûndû kûrîa mûgoocagîra ngai cia mîvuanano.

Hosea 10:8

Kûndû gwa kûvoera tûrîmarî twa Aveni, mevia ma Isiraeli, nîgûgaacûkangua. Mîgua na nthaugû nîkîikamera metharî ciao cia magongoona. Nao nîmakeera irîma, “Tûkunîkîre” na meere tûrîma atîrî, “Tûgwîreni!”

Amosi 3:14

Mûthenya ûrîa ngaaverithia andû Isiraeli nîûndû wa mevia mao na njûkangie metha cia kîgongoona cia Betheli, nîngaatemanga mvîa cia metha cionthe cia magongoona nîigwîthie nthî.

Amosi 5:5

Mûtikaathiî Beeri-shiba kûgooca. Mûtikanjarie kûu Betheli nîûndû Betheli nîgaacûkangua kana mûthiî Giligali nîûndû nwanginya mathiî îthamîriorî.”

Amosi 7:11

Ethîrîtwe akiuga atî Jeroboamu nîakaaûragwa na rûviû, nao andû a Isiraeli nîmagaatavwa kuuma vûrûrirî wao mavirwe îthamîriorî.”

Amosi 7:13

Nwatî ndûkarathîre îtûûra rîa Betheli rîngî. Nîûndû nîkuo mûthamaki agoocagîra na nî hekarû ya vûrûri ûyû.”

Amosi 8:14

Nao arîa mevîtaga na Ngai ya mîvuanano ya Samaria makiugaga: ‘Wata ûrîa ngai ya Dani îtûûraga mwoyo,’ na makauga rîngî, kana ‘Wata ûrîa ngai ya Beerisheba îtûûraga mwoyo,’ andû acio nîmakagwa na matigaûkîra rîngî.”

Amosi 9:1

Nînonire Ngai-Mûnene arûngamîte metharî ya kîgongoona. Nake nîwathanire atîrî, “Ringa ciongo cia itugî cia hekarû na vinya mûno, nginya mîcingi yayo inaine, mîomomore îgwîre andû arîa marî kuo, na arîa magatigara nîngaamaûraga na rûviû. Gûtirî mûndû wa naarî ûmwe ûkauma kuo, gûtirî wanarî ûmwe ûkaûra.

Mika 1:5

Maûndû mama monthe magekîka nîûndû wa mavîtia ma Jakovu, na nîûndû wa mevia ma andû a Isiraeli. Mavîtia ma Jakovu marî kû? Marî îtûûrarî rîa Samaria! Mevia ma andû a Juda nî marîkû? Nî Jerusalemu!