Amosi 7:5 - ÎVUKU RÎA ÛVORO MWARO

⁵ Nînacokire ngiuga atîrî, “Ûûi Ngai-Mûnene, Ngai nakûthaitha ûtige kûmaverithia. Njiarwa cia Jakovu ingîtirîria maûndû mama atîa? Nî anini mûno!”

Amosi 7:5 ပူးပေါင်းရင်းမြစ်များ

Thaburi 85:4

Tûcokie twîkare ûrîa twekariî mbere, we Ngai mûvonokia wetû, na ûtige kûrakara nîûndû wetû.

Isaia 1:9

Kethîrwa Ngai-Mûnene mwene vinya wonthe ndaatigaria andû anini gatagatîrî getû, tûngîathirirue ta andû a Sodomu na Gomora.

Isaia 10:25

Nîûndû vuva wa kavinda kanini marakara makwa nîmakaathira na nîngaacûkangia andû a Asîria nîrî na mang'ûrîka.

Jeremia 30:19

Atûûri a Jerusalemu nîmakaaina nyîmbo cia kûgooca, nîmakaugîrîria nî gûkena, nîngatûma mongerereke na matikanyiva; nîngatûma matîwe na matikairwa.

Ezek 9:8

Na rîrîa maaûragaga andû, nînatigirwe nîrî nienga na nînegwîthirie ngîturumithia ûthiû wakwa nthî na ngîrîra ngiugaga atîrî, “Ûûi Ngai-Mûnene, nîkwa ûkûthiria andû onthe a Isiraeli arîa matigarîte ûgîtûrûrîra Jerusalemu marakara maku?”

Joeli 2:17

Gatagatî ka metha ya kîgongoona athînjîri-Ngai arîa matungataga Ngai-Mûnene nî marîre makiugaga atîrî: “Îguîra andû aku ntha we Ngai-Mûnene. Ndûkareke andû arîa engî matûmena, matûmena makîûragia atîrî, ‘Ngai wao arî kû?’ ”

Zakaria 4:10

Mûtikaanyarare ûndû ûrîa wambagîrîria na njîra nini, nîûndû Ngai-Mûnene akenagua nî wîra rîrîa ûrathiî na mbere. Andû nîmagaakena mona Zerubabeli akîmîtuma. “Taa icio mûgwanja nî metho ma Ngai-Mûnene marîa aroragia nthî yonthe namo.”

Ndari 14:19

Ngai-Mûnene, nîûndû wa ûrîa wendo waku ûtathiraga, nakûthaitha wovere andû aya mevia mao, wata ûrîa ûtwîre ûmovagîra kuuma rîrîa maaumire Misiri nginya ûmûnthî.”