Amosi 7:4 - ÎVUKU RÎA ÛVORO MWARO

⁴ Ngai-Mûnene, Ngai nîwamonirie Kîoneki gîkî gîa kaîrî. Nînonire Ngai-Mûnene Ngai agîta mwaki nîguo averithie andû naguo. Mwaki ûcio nîwavîvirie manjî ma îria nginya kûrîa kûrikîru mûno na ûgîtamba nginya nthî nyûmû.

Amosi 7:4 ပူးပေါင်းရင်းမြစ်များ

Isaia 27:4

Nie ndikaarakara rîngî nî mûgûnda ûyû. Kûngîrî mîgua na nthaugû kuo nwa ndûire nacio, nwa ndûe nacio na ngaivîvia na mwaki ikathira viû.

Jeremia 21:12

Mue andû a nyomba ya Daudi! Ngai-Mûnene arauga atîrî: Tucagani ciira na kîvooto mîthenya yonthe, na onthe arîa macunîtwe indo ciao ûmavonokie, kuuma kûrî arîa mamavinyagîrîria. Ethîrwa tîmwîka guo marakara makwa nîmakana ta mwaki ûrîa ûtavorekagia, nîûndû wa maûndû menyu macûku marîa mwîkaga.”

Jeremia 4:4

Mue andû a Juda na atûûri a Jerusalemu, îtherieni mûrî mbere yakwa nie Ngai-Mûnene, igani ngoro cienyu îrî ntheru mûrî mbere yakwa. Ethîrwa tî mwîka ûguo nîmbakanwa nî marakara, na gûtirî mûndû ûngîmavoria, nîûndû wa maûndû macûku marîa mwîkaga.”

Ezek 21:3

Îra vûrûri wa Isiraeli atî nie Ngai-Mûnene mbugîte nîngûcomora rûviû rwakwa kuuma njûrarî na mbûrage andû aro wana arîa aganu nîmarute kûrî we.

Joeli 1:19

We Ngai-Mûnene nînîrakûrîrîra, mwaki nîûthirîtie kûndû gwa kûrîthua, nînîmbî cia mwaki nîithirîtie mîtî yonthe ya kîthaka.

Joeli 2:30

“Nîngekîra rûûri îgûrû na nthî, nîgûkethîrwa na nthakame, mwaki na matu ma ndogo.

Alawi 10:2

Wa rîmwe, mwaki nîwaumire kûrî Ngai-Mûnene, ûkîmavîvia na magîkua Ngai-Mûnene akîonaga.

Amosi 1:4

Kwoguo nîngaatûma mwaki kûrî nyomba ya Hazaeli, na nîûgacûkangia kûndû kûrîa kûgitîre kwa mûthamaki Benihadadi.

Amosi 1:7

Kwoguo nîngaatûma mwaki nthingorî cia Gaza, naguo nîûgacûkangia matûûra monthe marîa mairigîre.

Amosi 2:5

Kwoguo nîngaatûma mwaki vûrûrirî wa Juda, na ûcûkangie kûndû kûrîa kûgitîre îtûûrarî rîa Jerusalemu.”

Amosi 4:11

Nînacûkangirie amwe enyu wata ûrîa nacûkangirie Sodomu na Gomora. Arîa mwatigarire mwekariî ta gîcinga Kîam mwaki kîtharîtwe kuuma mwakirî. Kûnarî ûguo mûtianjokerera.

Amosi 5:6

Cariani Ngai-Mûnene, namue nîmûgûtûûra mwoyo. Ethîrwa tîmûmûcaria nîakaamûthiria mue njiarwa cia Josefu na Mwaki. Mwaki nîûkavîvia atûûri a Betheli na gûtirî mûndû ûkaavota kûûvoria.

Amosi 7:1

Mama nîmo maûndû marîa Ngai-Mûnene aamonirie: Nînonire akîûmba gîtutu Kîam ngige vîndî îrîa nyaki yambagîrîria kûtheûka yarîkia gûtemerwa mûthamaki.

Amosi 7:7

Ngai-Mûnene nîwacokire akîmonia kîoneki gîa kathatû. Nînonire Ngai-Mûnene arûngamîte vakuvî na rûthingo anyitîte kabirû.

Mika 1:4

Irîma nî ikaararûka ta mûvûra irî rungu rwa magûrû make; ikaanyûrûrûka ciandarî ta manjî makînyûrûrûka kuuma kîrîmarî.

Nahumu 1:6

Nû ûngîvota gwîtirîria marakara ma Ngai-Mûnene? Nû ûngîvota gwîtirîria ûrûrû wa marakara make? Mang'ûrîka make metûrûragwa ta mwaki; na nîenyûrangaga mathiga inuku.

Ndari 16:35

Naguo mwaki nîwaumire îgûrû na ûgîûka ûkîvîvia andû magana maîrî ma mîrongo îtano (250) arîa maategagîra Ngai-Mûnene ûbani.

Gûco 32:22

Marakara makwa makanîte ta mwaki, mavîvagia nthî na indo cionthe irîa irî kuo. Mavîvagia nginya kwa arîa akuû, na makathiria mîcingi ya irîma.

Ahib 1:7

Nwatî ûvoro wîgiî araika Ngai nîwaugire atîrî, “Ngai atucaga araika ake mvuvo, nacio ndungata ciake agaitua nînîmbî cia mwaki.”

Kûguû 4:1

Vuva wa ûguo nie nînagîre na kîoneki kîngî, nînoonire mûrango ûrî mûvingûre kûu îgûrû. Naguo mûgambo wa ûrîa neguîte ûkîmbarîria na mûgambo ta wa karumbeta, nîwambîrire atîrî, “Unûkia ûûke ava, nanie nîngûkwonia maûndû marîa mageekîka vuvarî.”