Amosi 7:2 - ÎVUKU RÎA ÛVORO MWARO

² Rîrîa ngige ciarîîre mîmera yonthe vûrûrirî nînaugire atîrî, “Ûûi Ngai-Mûnene, Ngai nakûthaitha movere. Njiarwa cia Jakovu îgatûûra mwoyo atîa? Nî anini mûno!”

Amosi 7:2 ပူးပေါင်းရင်းမြစ်များ

Thaburi 12:1

Tûtethie, Ngai-Mûnene! Gûtirî mûndû mwaro ûtigarîte, andû arîa evokeku nî athiru gûkû nthî.

Ntha 10:15

Nacio nîciakunîkire nthî nginya îkîgîa rangi mwirû nîûndû wacio. Nacio nîciarîre kîndû kîonthe kîrîa gîatigarîte gîgîkûra vîndî ya mbura ya mbembe, na ikîrîa wa na matunda monthe marîa maarî mîtîrî. Gûtirî îthangû rîatigarire rîgîkûraga mîtîrî kana mîmerarî yonthe kûu vûrûrirî wa Misiri.

Ntha 34:9

Nîwaugire atîrî, “We Mwathani wakwa, ethîrwa ûrî mûkenie nî nie, nînakûthaitha wîtîkîre tûthiîcanie nawe. Andû aya nî aremi, nwatî tûkirîrîrie mavîtia metû, ûtwovere mevia metû na ûtwîtîkîre tûrî andû aku.”

Isaia 37:4

Nwa kwîthîrwa Ngai-Mûnene Ngai waku, nîeguîte ûrîa Rabushake augîte, ûrîa watûmîtwe nî mwathi wake, mûthamaki wa Asîria, nîguo athekerere Ngai ûrîa ûtûûraga mwoyo, nake Ngai-Mûnene, Ngai waku nîakaaregana na maûndû mau eeguire. Kwoguo voera andû arîa matigarîte.’ ”

Isaia 51:19

Nîûnyitîtwe nî maûndû maîrî; namo nî atî: vûrûri waku nîmûcûkangu na nî mwanangîku, yûra na ûragani. Nû ûgaakûvoreria?

Jeremia 14:7

Nao andû akwa marauga atî: “Wana ethîrwa mevia metû nîmaratûcuka, we Ngai-Mûnene tûtethie nîûndû wa kwenda gwaku, twanagûtiganîria mavinda meengî, nîtûkûvîtîrîtie.

Jeremia 42:2

nîmaathiîre kûrî Jeremia na makîmwîra atîrî, “Wenda tu thikîrîria ûrîa tûrakûria! Îtîkîra gûtûthaithanîra kûrî Ngai-Mûnene Ngai waku, nîûndû wa andû aya matigarîte, (nîûndû twarî andû engî nwatî rîu tûtigarîte tûrî anini tu, wata ûguo ûrona).

Ezek 11:13

Rîrîa naarathaga, Pelatia mûvîcî wa Benaia nîwakwire. Nînaacokire ngîturumithia ûthiû wakwa nthî na ngîrîra na mûgambo mûnene ngiugaga atîrî, “Ûûi Ngai-Mûnene! Nîkwa ûkûthiria andû onthe a Isiraeli?”

Ezek 9:8

Na rîrîa maaûragaga andû, nînatigirwe nîrî nienga na nînegwîthirie ngîturumithia ûthiû wakwa nthî na ngîrîra ngiugaga atîrî, “Ûûi Ngai-Mûnene, nîkwa ûkûthiria andû onthe a Isiraeli arîa matigarîte ûgîtûrûrîra Jerusalemu marakara maku?”

Danieli 9:19

We Ngai-Mûnene tûthikîrîrie! We Ngai-Mûnene twovere! We Ngai-Mûnene twîgue na wîke ûndû! We Ngai wakwa ndûgacererwe ûgîûka îtûûra rîîrî. Îtûûra rîîrî na andû aya nî aku.

Joeli 2:17

Gatagatî ka metha ya kîgongoona athînjîri-Ngai arîa matungataga Ngai-Mûnene nî marîre makiugaga atîrî: “Îguîra andû aku ntha we Ngai-Mûnene. Ndûkareke andû arîa engî matûmena, matûmena makîûragia atîrî, ‘Ngai wao arî kû?’ ”

Amosi 4:9

“Nînamûverithirie na kûmûvîvîria mîmera na ndavaîki. Mîgûnda yenyu yonthe ya irio wana ya mûthavibu wana mîtî yenyu îrîa îkethagwa ngûyû na ndamaiyû nîyarîrwe nî ngige. Kûnarî ûguo nîmwaregire kûnjokerera.

Amosi 7:5

Nînacokire ngiuga atîrî, “Ûûi Ngai-Mûnene, Ngai nakûthaitha ûtige kûmaverithia. Njiarwa cia Jakovu ingîtirîria maûndû mama atîa? Nî anini mûno!”

Zakaria 4:10

Mûtikaanyarare ûndû ûrîa wambagîrîria na njîra nini, nîûndû Ngai-Mûnene akenagua nî wîra rîrîa ûrathiî na mbere. Andû nîmagaakena mona Zerubabeli akîmîtuma. “Taa icio mûgwanja nî metho ma Ngai-Mûnene marîa aroragia nthî yonthe namo.”

Kûguû 9:4

Nacio nîcierirwe itigacûkie nyaki, kana mîtî, wana kana mûmera wa wonthe. Cierirwe icûkie tu andû arîa mataarî na mûvûûri wa Ngai ithithiirî ciao.